மாவட்ட செய்திகள்

கோரிக்கைகளை வலியுறுத்தி குடவாசலில் விவசாயிகள் ஆர்ப்பாட்டம் + "||" + Demonstrate requests Farmers demonstrated

கோரிக்கைகளை வலியுறுத்தி குடவாசலில் விவசாயிகள் ஆர்ப்பாட்டம்

கோரிக்கைகளை வலியுறுத்தி குடவாசலில் விவசாயிகள் ஆர்ப்பாட்டம்
பல்வேறு கோரிக்கைகளை வலியுறுத்தி குடவாசலில் விவசாயிகள் ஆர்ப்பாட்டத்தில் ஈடுபட்டனர்.

குடவாசல்,

கஜா புயலால் சேதமடைந்த குடிசை வீடுகளுக்கு ரூ.10 ஆயிரம் நிவாரணம் வழங்க வேண்டும். 100 நாள் வேலை வாய்ப்பு திட்டத்தை 150 நாட்களாகவும், வேலை வாய்ப்பு இன்றி தவிக்கும் விவசாய தொழிலாளிகளுக்கு உடனடியாக 100 நாள் பணி வழங்க வேண்டும் என்பன உள்பட பல்வேறு கோரிக்கைகளை வலியுறுத்தி விவசாயிகள் சங்கம், விவசாய தொழிலாளர்கள் சங்கம் சார்பில் குடவாசல் தாசில்தார் அலுவலகம் முன்பு ஆர்ப்பாட்டம் நேற்று நடந்தது.

ஆர்ப்பாட்டத்திற்கு விவசாயிகள் சங்கத்தின் மாவட்டக்குழு உறுப்பினர் தமிழ்செல்வி தலைமை தாங்கினார். விவசாய தொழிலாளர் சங்க செயலாளர் ஆனந்தன், தலைவர் சிவசாமி, விவசாயிகள் சங்க ஒன்றிய தலைவர் துரைமணி ஆகியோர் முன்னிலை வகித்தனர்.

இதில் விவசாயிகள் சங்க ஒன்றிய செயலாளர் சேகர், விவசாய தொழிலாளர் சங்க வடக்கு ஒன்றிய செயலாளர் சந்திரஹாசன், தலைவர் ரவிச்சந்திரன், மார்க்சிஸ்ட் கம்யூனிஸ்டு கட்சியின் குடவாசல் ஒன்றிய செயலாளர்கள் லெட்சுமி (தெற்கு), அன்பழகன் (வடக்கு), மாவட்டக்குழு உறுப்பினர் கெரக்கொரியா உள்பட திரளான விவசாயிகள் கலந்து கொண்டனர். அப்போது 100 நாள் வேலை வாய்ப்பு திட்டத்தை 150 நாட்களாக உயர்த்த வேண்டும் என்பன உள்பட பல்வேறு கோரிக்கைகளை வலியுறுத்தி கோ‌ஷங்கள் எழுப்பினர்.

முன்னதாக ஒகை ஆற்றுப்பாலத்தில் இருந்து ஊர்வலமாக புறப்பட்டு தாசில்தார் அலுவலகத்தை அடைந்தனர். பின்னர் மேற்கண்ட கோரிக்கைகள் குறித்து நடவடிக்கை எடுக்கும் படி தாசில்தார் அலுவலகத்தில்,அவர்கள் மனுவை அளித்தனர்.