மாவட்ட செய்திகள்

மதுரை பெரிய ஆஸ்பத்திரியில் லஞ்ச ஒழிப்பு போலீசார் அதிரடி சோதனை; 5 மணி நேரம் நடந்தது + "||" + Madurai big hospital Testing the vigilance police

மதுரை பெரிய ஆஸ்பத்திரியில் லஞ்ச ஒழிப்பு போலீசார் அதிரடி சோதனை; 5 மணி நேரம் நடந்தது

மதுரை பெரிய ஆஸ்பத்திரியில் லஞ்ச ஒழிப்பு போலீசார் அதிரடி சோதனை; 5 மணி நேரம் நடந்தது
மதுரை பெரிய ஆஸ்பத்திரியில் லஞ்ச ஒழிப்பு போலீசார் 5 மணி நேரம் சோதனை நடத்தினர்.

மதுரை,

தமிழகம் முழுவதும் உள்ள அரசு ஆஸ்பத்திரிகளில், நோயாளிகளிடமும் அவர்களது உறவினர்களிடமும் மருத்துவமனை ஊழியர்கள் லஞ்சம் வாங்குவதாக ஏராளமான புகார்கள் எழுந்தன. இதையடுத்து லஞ்ச ஒழிப்பு போலீசார் தமிழகம் முழுவதும் நேற்று அதிரடி சோதனையில் ஈடுபட்டனர். இதன் ஒருபகுதியாக மதுரை பெரிய ஆஸ்பத்திரியிலும் லஞ்ச ஒழிப்பு போலீசார் சோதனை நடத்தினர். லஞ்ச ஒழிப்பு துணை போலீஸ் சூப்பிரண்டு சத்தியசீலன் வழிகாட்டுதலின் பேரில் இன்ஸ்பெக்டர்கள் அம்புரோஸ் ஜெயக்குமார், கண்ணன், குமரகுரு, ஹேமலதா, சூரியகலா ஆகியோரது தலைமையில் 20–க்கும் மேற்பட்ட போலீசார் நேற்று காலை பெரிய ஆஸ்பத்திரிக்கு வந்தனர். திடீரென்று ஆஸ்பத்திரிக்குள் வந்த அவர்கள், புதிதாக கட்டப்பட்டுள்ள மகப்பேறு சிகிச்சை பிரிவு கட்டிடத்திற்குள் தனித்தனி குழுக்களாக பிரிந்து சென்று சோதனையில் ஈடுபட்டனர்.

அப்போது அவர்கள் ஆஸ்பத்திரியில் பணிபுரியும் ஊழியர்களின் வருகை பதிவேடு, நர்சுகளின் வருகை பதிவேடு உள்ளிட்டவைகள் குறித்து ஆய்வு நடத்தினர். இதுபோல் அங்கு பணிபுரியும் ஒப்பந்த ஊழியர்களின் வருகை பதிவேடு, அடையாள அட்டை உள்ளிட்ட விவரங்களையும் ஆய்வு செய்தனர். இதுபோல், மதுரை பெரிய ஆஸ்பத்திரியின் பிணவறை உள்ளிட்ட பல்வேறு இடங்களிலும் லஞ்ச ஒழிப்பு போலீசார் சோதனை நடத்தினர். காலை 11.30 மணிக்கு தொடங்கிய இந்த அதிரடி சோதனை மாலை 4.30 மணி வரை நடைபெற்றது. இதன் காரணமாக மதுரை பெரிய ஆஸ்பத்திரியில் பெரும் பரபரப்பு ஏற்பட்டது.

இந்த அதிரடி சோதனை குறித்து லஞ்ச ஒழிப்புத்துறை போலீஸ் இன்ஸ்பெக்டர் அம்புரோஸ் ஜெயக்குமார் கூறும்போது, “அரசு ஆஸ்பத்திரிகளுக்கு வரும் நோயாளிகளிடம் லஞ்சம் வாங்குவதாக வந்த தகவலின் அடிப்படையில் சோதனை நடத்தப்பட்டுள்ளது. மதுரை பெரிய ஆஸ்பத்திரியில் நடந்த சோதனையில் பணம் ஏதுவும் கைப்பற்றப்படவில்லை. பொதுமக்களுக்கு விழிப்புணர்வு ஏற்பட வேண்டும் என்பதற்காக தான் இந்த அதிரடி சோதனை. பணம் கொடுப்பதும் குற்றம், வாங்குவதும் குற்றம். எனவே பொதுமக்களுக்கு சிகிச்சை அளிப்பதற்கு யாராவது லஞ்சம் கேட்டால் மதுரை மாவட்ட லஞ்ச ஒழிப்பு போலீசாருக்கு தகவல் கொடுக்க வேண்டும்“ என்றார்.



தொடர்புடைய செய்திகள்

1. வாகன சோதனையின்போது போலீஸ் சப்–இன்ஸ்பெக்டருக்கு கொலை மிரட்டல் விடுத்த ரவுடி கைது
வாகன சோதனையின்போது போலீஸ் சப்–இன்ஸ்பெக்டரை கத்தியால் குத்தி கொலை செய்து விடுவதாக மிரட்டல் விடுத்த ரவுடியை போலீசார் கைது செய்தனர்.
2. மார்த்தாண்டம் அருகே சொகுசு கார்களில் கடத்திய 650 லிட்டர் மண்எண்ணெய் பறிமுதல் டிரைவர் கைது
மார்த்தாண்டம் அருகே சொகுசு கார்களில் கேரளாவுக்கு கடத்த முயன்ற 650 லிட்டர் மண்எண்ணெயை போலீசார் பறிமுதல் செய்து டிரைவரை கைது செய்தனர்.
3. ஈரோடு கலெக்டர் வீட்டுக்கு இறந்த சிறுமியின் உடலை கொண்டு செல்ல முயன்றவர் கைது
இறந்த சிறுமியின் உடலை ஈரோடு கலெக்டர் வீட்டுக்கு கொண்டு செல்ல முயன்றவர் கைது செய்யப்பட்டார். போலீஸ் சோதனையை மீறி மோட்டார் சைக்கிளில் எடுத்து சென்றதால் பரபரப்பு ஏற்பட்டது.
4. ராமநாதபுரம் ஆஸ்பத்திரியில் இருந்து தப்பி ஓடிய கைதி குறித்து பரபரப்பு தகவல்; பல்வேறு வழக்குகளில் தொடர்புடையவர்
ராமநாதபுரத்தில் ஆஸ்பத்திரியில் சிகிச்சை பெற்று வந்த கைதி தப்பி ஓடினார். அவர் பல்வேறு பகுதிகளில் திருட்டு, வழிப்பறியில் ஈடுபட்ட திடுக்கிடும் தகவல் தெரியவந்துள்ளது.
5. 6–வது நாளாக உண்ணாவிரதம்: காலாப்பட்டு சிறையில் மேலும் 18 கைதிகள் மயக்கம்
புதுவை காலாப்பட்டு சிறையில் 6–வது நாளாக உண்ணாவிரதம் இருந்த நிலையில் மேலும் 18 கைதிகள் மயக்கம் அடைந்தனர். அவர்களில் 9 பேர் புதுவை அரசு ஆஸ்பத்திரியில் சேர்க்கப்பட்டனர்.

அதிகம் வாசிக்கப்பட்டவை