மாவட்ட செய்திகள்

வீட்டில் தூங்கிய தாய்-மகள் உள்பட 3 பெண்களிடம் 12 பவுன் சங்கிலிகள் பறிப்பு + "||" + 12 pound chains of 3 women, including mother-in-law who are sleeping at home

வீட்டில் தூங்கிய தாய்-மகள் உள்பட 3 பெண்களிடம் 12 பவுன் சங்கிலிகள் பறிப்பு

வீட்டில் தூங்கிய தாய்-மகள் உள்பட 3 பெண்களிடம் 12 பவுன் சங்கிலிகள் பறிப்பு
சிறுகனூர் அருகே வீட்டில் தூங்கிய தாய்-மகள் உள்பட 3 பெண்களிடம் 12 பவுன் சங்கிலிகளை மர்ம நபர்கள் பறித்து சென்றனர்.
சமயபுரம்,

திருச்சி மாவட்டம், சிறுகனூரை அடுத்த கண்ணாக்குடி மெயின்ரோட்டை சேர்ந்தவர் ஞானசம்பந்தம். இவருடைய மனைவி தவமணி(வயது 57), மகள் சாந்தலெட்சுமி(29). கோவில் பூசாரியாக இருந்த ஞானசம்பந்தம் ஏற்கனவே இறந்துவிட்டார். இதனால் அங்குள்ள வீட்டில் தவமணி, சாந்தலெட்சுமியுடன் வசித்து வருகிறார். அவர்களுடன் தவமணியின் தாய் வீரம்மாளும்(75) உள்ளார்.


நேற்று முன்தினம் இரவு அவர்கள் வீட்டில் படுத்து தூங்கினர். நள்ளிரவில் வீட்டின் பின்பக்க கதவை உடைத்துக்கொண்டு உள்ளே புகுந்த மர்மநபர்கள் அயர்ந்து தூங்கிக்கொண்டிருந்த தவமணி கழுத்தில் அணிந்திருந்த 5 பவுன் தங்கச்சங்கிலி, வீரம்மாள் அணிந்திருந்த 4 பவுன் சங்கிலி, சாந்தலெட்சுமி அணிந்திருந்த 3 பவுன் சங்கிலி ஆகியவற்றை பறித்துக் கொண்டு தப்பிச்சென்றனர்.

சிறிது நேரம் கழித்து தூக்கம் கலைந்து கண் விழித்த 3 பேரும் கழுத்தில் கிடந்த தங்கச்சங்கிலிகள் இல்லாததை கண்டு அதிர்ச்சியடைந்தனர். இதையடுத்து மர்ம நபர்கள் அவற்றை பறித்து சென்றது தெரியவந்தது. இது குறித்து நேற்று காலை தவமணி சிறுகனூர் போலீஸ் நிலையத்தில் புகார் அளித்தார். அதன்பேரில் இன்ஸ்பெக்டர் ராஜா, சப்-இன்ஸ்பெக்டர் செபாஸ்டின் மற்றும் போலீசார் சம்பவ இடத்திற்கு சென்று விசாரணை மேற்கொண்டனர்.

மேலும் திருச்சியில் இருந்து வந்த கைரேகை நிபுணர்கள், வீட்டில் பதிவாகியிருந்த ரேகைகளை சேகரித்தனர். இந்த சம்பவம் குறித்து வழக்கு பதிவு செய்த சிறுகனூர் போலீசார், தங்க சங்கிலிகளை பறித்து சென்ற மர்மநபர்களை வலைவீசி தேடி வருகின்றனர். இந்த சம்பவம் அப்பகுதியில் பரபரப்பை ஏற்படுத்தியுள்ளது.


தொடர்புடைய செய்திகள்

1. பெண்ணை தாக்கி 8 பவுன் சங்கிலி பறிப்பு மர்ம நபருக்கு வலைவீச்சு
பூம்புகார் அருகே பெண்ணை தாக்கி 8 பவுன் சங்கிலியை பறித்து சென்ற மர்ம நபரை போலீசார் வலைவீசி தேடி வருகின்றனர்.
2. மூதாட்டியிடம் 5 பவுன் நகை பறிப்பு கொள்ளையர்கள் தாக்கியதில் காயம் அடைந்ததால் மருத்துவமனையில் அனுமதி
வேதாரண்யம் அருகே மூதாட்டியிடம் 5 பவுன் நகையை மர்ம நபர்கள் பறித்து சென்றனர். இந்த சம்பவத்தின்போது கொள்ளையர்கள் தாக்கியதால் காயம் அடைந்த மூதாட்டி, மருத்துவமனையில் அனுமதிக்கப்பட்டு உள்ளார்.
3. அருள்வாக்கு கூறுவதாக ஓசூர் பெண்ணிடம் நகை-பணம் பறித்த சாமியார்: நாகர்கோவிலில் பதுங்கலா? போலீஸ் விசாரணை
அருள்வாக்கு சொல்வதாக கூறி ஓசூர் பெண்ணிடம் நகை-பணம் பறித்து விட்டு தலைமறைவான சாமியார் நாகர்கோவிலில் பதுங்கலா? என்று போலீசார் விசாரணை நடத்தி வருகின்றனர்.
4. சித்தாள் வேலைக்கு அழைத்து செல்வதாக கூறி பெண்ணின் காதை அறுத்து தங்க கம்மல் பறிப்பு
சித்தாள் வேலைக்கு அழைத்து செல்வதாக கூறி பெண்ணின் காதை அறுத்து தங்க கம்மலை பறித்து சென்ற மர்ம நபரை போலீசார் வலைவீசி தேடி வருகின்றனர்.
5. தஞ்சையில் பெண் போலீசிடம் 4 பவுன் சங்கிலி பறிப்பு
தஞ்சையில் பெண் போலீசிடம் 4 பவுன் சங்கிலியை பறித்து கொண்டு மோட்டார் சைக்கிளில் தப்பி சென்ற 3 பேரை போலீசார் வலைவீசி தேடி வருகின்றனர்.