மாவட்ட செய்திகள்

பல்லடம் அருகே அடுத்தடுத்த விபத்துகளில் 2 பேர் பலி + "||" + 2 killed in subsequent accidents near Palladam

பல்லடம் அருகே அடுத்தடுத்த விபத்துகளில் 2 பேர் பலி

பல்லடம் அருகே அடுத்தடுத்த விபத்துகளில் 2 பேர் பலி
பல்லடம் அருகே அடுத்தடுத்த நடந்த விபத்துகளில் 2 பேர் பலியாயினர்.
காமநாயக்கன்பாளையம்,

பல்லடம் காந்தி நகர் பகுதியை சேர்ந்தவர் அன்பரசு (வயது37). இவர் பல்லடம் பஸ் நிலைய பகுதியில் ஆட்டோ ஓட்டி வந்தார். இந்த நிலையில் நேற்று முன்தினம் இரவு 11 மணியளவில் பல்லடம்பஸ் நிலையத்தில் ஆட்டோவை நிறுத்தி விட்டு நடந்து கொசவம்பாளையம் பிரிவு அருகே சாலையை கடக்க முயன்றபோது ஒரு வாகனம் அன்பரசு மீது மோதி விட்டு நிற்காமல் சென்றுவிட்டது. இதில் அவர் பலத்த காயங்களுடன் கிடந்தார். அவ்வழியே சென்றவர்கள் கொடுத்த தகவலின்படி சம்பவ இடத்திற்கு சென்ற பல்லடம் போலீசார் ஆம்புலன்ஸ் மூலம் அவரை மீட்டு பல்லடம் அரசு மருத்துவமனைக்கு அனுப்பி வைத்தனர். அங்கு அன்பரசுவை பரிசோதித்த மருத்துவர்கள் அவர் ஏற்கனவே இறந்துவிட்டதாக தெரிவித்தனர்.


இதேபோல் பல்லடம் ஊஞ்சப்பாளையம் பகுதியில் வசித்து வந்தவர் சேகர் (வயது 50). இவர் கரடிவாவியில் உள்ள ஒரு மில்லில் தொழிலாளியாக வேலை பார்த்து வந்தார். இந்த நிலையில் நேற்றுமுன்தினம் இரவு 10 மணிக்கு வேலை முடிந்து மொபட்டில் வீடு திரும்பிக்கொண்டு இருந்தார். பல்லடம்- பூமலூர் சாலையில் உள்ள காளிவேலம்பட்டி பிரிவு அருகே வரும்போது நிலை தடுமாறி அருகில் உள்ள பள்ளத்தில் விழுந்து விட்டார். அவ்வழியே சென்றவர்கள் கொடுத்த தகவலின்படி ஆம்புலன்ஸ் மூலம் அவரை மீட்டு பல்லடம் அரசு மருத்துவ மனைக்கு கொண்டு சென்றனர். அவரை பரிசோதித்த மருத்துவர்கள் அவர் ஏற்கனவே இறந்துவிட்டதாக தெரிவித்தனர். பல்லடம் போலீசார் இந்த 2 விபத்துகள் குறித்தும் வழக்குப்பதிவு செய்து விசாரணை நடத்தி வருகின்றனர்.


தொடர்புடைய செய்திகள்

1. கூடலூர் அருகே, மோட்டார் சைக்கிள்கள் மோதி 2 பேர் பலி
கூடலூர் அருகே மோட்டார்சைக்கிள்கள் நேருக்குநேர் மோதி 2 பேர் பலியானார்கள்.
2. திருவெண்ணெய்நல்லூர், வானூரில், தனித்தனி விபத்து - 2 பேர் பலி
திருவெண்ணெய்நல்லூர், வானூரில் நடந்த தனித்தனி விபத்தில் 2 பேர் பலியாகினர்.
3. சென்னை பாடியில் பயங்கரம் தாறுமாறாக ஓடிய சொகுசு கார் மோதி 2 பேர் பலி மேலும் ஒரு பெண் படுகாயம்; தி.மு.க. பிரமுகர் கைது
சென்னை பாடி மேம்பாலத்துக்கு கீழே சர்வீஸ் சாலையில் தாறுமாறாக ஓடிய சொகுசு கார் மோதி பெண் உள்பட 2 பேர் பரிதாபமாக இறந்தனர். மேலும் ஒரு பெண் உயிருக்கு ஆபத்தான நிலையில் சிகிச்சை பெற்று வருகிறார். குடிபோதையில் காரை ஓட்டி வந்த தி.மு.க பிரமுகரை போலீசார் கைது செய்தனர்.
4. தஞ்சை அருகே மரத்தில் கார் மோதல், கேபிள் டி.வி. ஆபரேட்டர் உள்பட 2 பேர் பலி
தஞ்சை அருகே மரத்தில் கார் மோதிய விபத்தில் கேபிள் டி.வி. ஆபரேட்டர் உள்பட 2 பேர் பலியானார்கள்.
5. சிவகங்கை அருகே மஞ்சுவிரட்டு, காளைகள் முட்டியதில் 2 பேர் பலி - படுகாயம் அடைந்த 12 பேருக்கு தீவிர சிகிச்சை
மஞ்சுவிரட்டில் காளைகள் முட்டியதில் 2 பேர் பரிதாபமாக இறந்தனர். மேலும் படுகாயம் அடைந்த 12 பேருக்கு தீவிர சிகிச்சை அளிக்கப்பட்டு வருகிறது.