<
சென்னை துரைப்பாக்கத்தில் மனைவி, 2 குழந்தைகளை கொன்று ஆட்டோ டிரைவர் தற்கொலை
சென்னை துரைப்பாக்கத்தில் குடும்ப தகராறில் மனைவி, 2 குழந்தைகளை கொன்று ஆட்டோ டிரைவர் தற்கொலை செய்து கொண்டார்.
ஆலந்தூர்,
சென்னையை அடுத்த துரைப்பாக்கம் கண்ணகி நகர் அருகே உள்ள எழில் நகரை சேர்ந்தவர் பாபு (வயது 30). ஆட்டோ டிரைவர். இவருடைய மனைவி விமலா (27). இவர்களின் மகன் கிஷோர் (6), மகள் தியா (4).
பாபுவுக்கு குடிப்பழக்கம் இருந்ததால் கணவன், மனைவி இடையே அடிக்கடி தகராறு ஏற்பட்டு வந்தது. கடந்த 14-ந் தேதி குடும்ப தகராறு காரணமாக விமலா கோபித்து கொண்டு குழந்தைகளுடன் திருக்கழுக்குன்றத்தில் உள்ள தன் பெற்றோர் வீட்டுக்கு சென்றார்.
4 பேர் சாவு
இதனால் பாபு 16-ந் தேதி திருக்கழுக்குன்றம் சென்று மனைவியை சமாதானம் செய்து குழந்தைகளுடன் எழில் நகருக்கு அழைத்து வந்தார். இந்நிலையில் நேற்று இரவு வரை வீட்டில் இருந்து யாரும் வெளியே வராததால் அக்கம்பக்கத்தினர் பாபு வீட்டின் கதவை தட்டினர்.
நீண்ட நேரமாகியும் கதவு திறக்கப்படாததால் ஜன்னல் வழியாக பார்த்தபோது பாபு தூக்கில் தொங்குவதையும், விமலா மற்றும் 2 குழந்தைகள் இறந்து கிடப்பதையும் கண்டு அதிர்ச்சி அடைந்தனர். உடனடியாக இது குறித்து கண்ணகி நகர் போலீசாருக்கு தகவல் தந்தனர்.
கொலை-தற்கொலை
போலீசார் அங்கு விரைந்து சென்று வீட்டின் கதவை உடைத்து உள்ளே சென்று பார்வையிட்டு விசாரணை நடத்தினர். அப்போது குடும்ப தகராறில் மனைவியின் கழுத்தை கயிற்றால் இறுக்கி கொன்று ஜன்னலில் பாபு கட்டி போட்டுள்ளார். மற்றொரு கயிற்றில் 2 குழந்தைகளின் கழுத்தை இறுக்கி கொன்று விட்டு, பாபு தூக்குப்போட்டு தற்கொலை செய்து கொண்டது தெரியவந்தது.
இதையடுத்து 4 பேரின் உடல்களையும் போலீசார் கைப்பற்றி பிரேத பரிசோதனைக்காக அரசு மருத்துவமனைக்கு அனுப்பிவைத்தனர். மேலும் இது பற்றி போலீசார் வழக்குப்பதிவு செய்து விசாரணை நடத்தி வருகின்றனர்.
குடும்ப தகராறில் மனைவி, 2 குழந்தைகளை கொன்று ஆட்டோ டிரைவர் தற்கொலை செய்து கொண்ட சம்பவம் அப்பகுதியில் பரபரப்பை ஏற்படுத்தியது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
