<
பொம்மிடி அருகே பிளஸ்-1 மாணவி பாலியல் பலாத்காரம் தந்தை கைது
பொம்மிடி அருகே பிளஸ்-1 மாணவி பாலியல் பலாத்காரம் செய்யப்பட்டார். இதுதொடர்பாக அவரது தந்தையை போலீசார் கைது செய்தனர்.
பொம்மிடி,
இதுபற்றி போலீசார் தரப்பில் கூறப்பட்டதாவது:-
தர்மபுரி மாவட்டம், பொம்மிடி பகுதியை சேர்ந்தவர் கூலித்தொழிலாளி. இவருடைய முதல் மனைவி கருத்து வேறுபாடு காரணமாக பிரிந்து சென்று கோவையில் தங்கி கூலி வேலை செய்து வருகிறார். இவருடைய 16 வயது மகள் பாட்டியின் பராமரிப்பில் இருந்து வந்தார். இந்த மாணவி ஜாலியூர் அரசு மேல்நிலைப்பள்ளியில் பிளஸ்-1 படித்து வந்தார்.
கடந்த 5 மாதங்களுக்கு முன்பு மாணவியின் தந்தை, தனது செல்போனில் ஆபாச படம் பார்க்கும்படி, மகளை வற்புறுத்தியதாக கூறப்படுகிறது. இதற்கு மாணவி மறுப்பு தெரிவித்து விட்டு, அங்கிருந்து தப்பி சென்று விட்டார்.
இந்தநிலையில், கடந்த 22-ந்தேதி தனது மோட்டார் சைக்கிளில் மகளை மரவள்ளிக்கிழங்கு தோட்டத்திற்கு அழைத்துச்சென்று பாலியல் பலாத்காரம் செய்ததாக கூறப்படுகிறது. பின்னர், இது பற்றி, வெளியில் சொன்னால் கொலை செய்து விடுவதாக மகளை அவர் மிரட்டி உள்ளார். இதுகுறித்து மாணவி தனது பாட்டியிடம் தெரிவித்துள்ளார்.
இதையடுத்து கோவையில் உள்ள மாணவியின் தாயாருக்கு உறவினர்கள் தகவல் தெரிவித்தனர். இதுகுறித்து மாணவியின் தாயார் பொம்மிடி போலீஸ் நிலையத்தில் புகார் செய்தார். அதன்பேரில் போலீசார், போக்சோ சட்டத்தில் வழக்குப்பதிவு செய்து மகளை பாலியல் பலாத்காரம் செய்ததாக தந்தையை நேற்று கைது செய்தனர். இந்த சம்பவம் அந்த பகுதியில் பரபரப்பை ஏற்படுத்தி உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
