மாவட்ட செய்திகள்

தேர்தல் கூட்டணி, பொதுக்குழு கூட்டத்தில் விவாதித்து முடிவு எடுக்கப்படும் - டாக்டர் ராமதாஸ் பேச்சு + "||" + The election coalition will discuss and discuss the general meeting

தேர்தல் கூட்டணி, பொதுக்குழு கூட்டத்தில் விவாதித்து முடிவு எடுக்கப்படும் - டாக்டர் ராமதாஸ் பேச்சு

தேர்தல் கூட்டணி, பொதுக்குழு கூட்டத்தில் விவாதித்து முடிவு எடுக்கப்படும் - டாக்டர் ராமதாஸ் பேச்சு
தேர்தல் கூட்டணி குறித்து பொதுக்குழு கூட்டத்தில் விவாதித்து முடிவு எடுக்கப்படும் என்று டாக்டர் ராமதாஸ் கூறினார்.
கோவை,

பாட்டாளி மக்கள் கட்சியின் மாநில செயற்குழு கூட்டம் கோவை சிங்காநல்லூரில் நேற்று நடைபெற்றது. இந்த கூட்டத்தில், பா.ம.க. நிறுவனர் டாக்டர் ராமதாஸ், இளைஞர் அணி தலைவர் டாக்டர் அன்புமணி ராமதாஸ் எம்.பி, மாநில தலைவர் ஜி.கே.மணி மற்றும் மாநில நிர்வாகிகள் திரளாக கலந்து கொண்டனர். கூட்டத்தில் பா.ம.க. வளர்ச்சி குறித்து கட்சி நிர்வாகிகள் பேசினார்கள்.

கூட்டத்தில் பா.ம.க. நிறுவனர் டாக்டர் ராமதாஸ் பேசும் போது கூறியதாவது:-

பா.ம.க. நிர்வாகிகள், தொண்டர்கள் உள்பட அனைவரும் கட்சி வளர்ச்சிக்காக மிகவும் பாடுபட்டு வருகிறார்கள். இதற்காக அவர்களை பாராட்டுகிறேன். மக்களை பாதிக்கும் பிரச்சினைகளில் மக்களின் நலனுக்காக போராடி வருகிறோம். பா.ம.க. மக்களின் நம்பிக்கை பெற்ற கட்சியாக விளங்கி வருகிறது. டாக்டர் அன்புமணி ராமதாசுக்கு பொதுமக்களிடம் ஆதரவு பெருகி வருகிறது. அதை ஓட்டாக மாற்ற கட்சியினர் அனைவரும் பாடுபட வேண்டும். கட்சியினர் கடந்த ஆண்டில் நடைபெற்ற சம்பவங்களை அசை போட்டு பாருங்கள். அதில் குறைகள் ஏதும் இருந்தால் அதை திருத்தி வரும் ஆண்டு வெற்றி ஆண்டாக அமைய பாடுபடுங்கள். வரும் ஆண்டு நமது கட்சிக்கு வெற்றி ஆண்டாக அமையும். தேர்தல் கூட்டணி குறித்து இன்று (ஞாயிற்றுக்கிழமை) நடைபெறும் பொதுக்குழு கூட்டத்தில் கட்சி நிர்வாகிகளுடன் விவாதித்து முடிவு எடுக்கப்படும்.

இவ்வாறு அவர் கூறினார்.

இதில், டாக்டர் அன்புமணி ராமதாஸ் எம்.பி, பேசிய தாவது:-

2018-ம் ஆண்டு முடிந்து 2019-ம் ஆண்டு தொடங்க போகிறது. கடந்த ஆண்டில் பா.ம.க. மக்கள் நலனுக்காக பல்வேறு போராட்டங்களை நடத்தியது. கட்சியில் 60 லட்சம் உறுப்பினர்களை சேர்த்துள்ளோம். தமிழ்நாட்டில் நீர்நிலைகளை பாதுகாக்க பா.ம.க. தீவிர கவனம் செலுத்தி வருகிறது.

பா.ம.க. தொடங்கப்பட்டு 30 ஆண்டுகள் ஆகிறது. பொதுமக்கள், விவசாயிகள் என்று அனைத்து தரப்பு மக்களுக்காகவும் இந்த கட்சி வெறும் போராட்டங்களை மட்டும் நடத்தாமல், மக்களின் வாழ்வாதாரங்களை முன்னேற்ற பாடுபட்டு வருகிறது. அதற்கான திட்டங்களை தயாரித்து கொடுக்கிறோம்.

வரும் ஆண்டு தேர்தல் ஆண்டாகும். நாடாளுமன்ற தேர்தல் குறித்து மட்டுமே பேசுகிறார்கள். தமிழ்நாட்டில் 20 தொகுதிகளுக்கு நடைபெற உள்ள இடைத்தேர்தல் குறித்து பலர் மறந்து போய் விட்டனர். 20 சட்டமன்ற தொகுதி இடைத்தேர்தல் மூலம் தமிழ்நாட்டில் ஆட்சி மாற்றம் ஏற்பட போகிறது. இந்த தேர்தல் முக்கியமான தேர்தலாகும்.

கடந்த 2010-ம் ஆண்டுக்கு பின்னர் இடைத்தேர்தலில் நாங்கள் போட்டியிடவில்லை. ஆனால் இப்போது 20 தொகுதிகளுக்கான இடைத்தேர்தல் நடைபெற உள்ளது. இதில் போட்டியிடுவோம். ஏன் என்றால் 20 தொகுதிகளில் 11 தொகுதிகளான பெரம்பூர், பூந்தமல்லி, செங்கல்பட்டு, சோளிங்கர், குடியாத்தம், பாப்பிரெட்டிபட்டி, திருப்போரூர், அரூர், நிலக்கோட்டை, ஆம்பூர், தஞ்சாவூர் ஆகிய தொகுதிகளில் வெற்றியை நாங்கள் தான் தீர்மானிப்போம்.

நாங்கள் யாருடன் தேர்தல் கூட்டணி அமைப்போம் என்பதை விட, எங்களுடன் யார் கூட்டணி சேருவார்கள் என்பதுதான் முக்கியம். எங்கள் கட்சிக்கு மக்கள் அங்கீகாரம் அளித்து விட்டனர். மக்களின் நம்பிக்கையை ஓட்டாக மாற்றிக் காண்பிக்க வேண்டும். இதற்கு சமூக ஊடகங்களையும் பயன்படுத்த உள்ளோம்.

இவ்வாறு அவர் கூறினார்.

செயற்குழு கூட்டத்தில் முன்னாள் மத்திய மந்திரிகள் ஏ.கே.மூர்த்தி, ஆர்.வேலு, பொதுச்செயலாளர் வடிவேல் ராவணன், பொருளாளர் திலக பாமா, மாநில துணைத்தலைவர் பொங்கலூர் மணிகண்டன், மாநில துணை பொதுச்செயலாளர் ரகுபதி, நடிகர் ரஞ்சித் உள்பட பலர் கலந்துகொண்டனர்.

தொடர்புடைய செய்திகள்

1. போரில் தோற்றாலும், களத்தை இழக்கவில்லை : டாக்டர் ராமதாஸ் அறிக்கை
பா.ம.க. தேர்தல் போரில் தோற்றாலும், களத்தை இழக்கவில்லை என்று டாக்டர் ராமதாஸ் அறிக்கை வெளியிட்டுள்ளார்.
2. ‘மத்தியில் மீண்டும் பிரதமர் மோடியின் ஆட்சி அமைய போவது உறுதி’ சேலத்தில் டாக்டர் ராமதாஸ் பேச்சு
‘மத்தியில் மீண்டும் பிரதமர் மோடியின் ஆட்சி அமைய போவது உறுதி’ என்று சேலத்தில் நடந்த தேர்தல் பிரசார பொதுக்கூட்டத்தில் டாக்டர் ராமதாஸ் பேசினார்.
3. ஸ்டாலின் முதல்–அமைச்சர் கனவு நிறைவேறாது - டாக்டர் ராமதாஸ் பேச்சு
முதல்–அமைச்சராக நினைக்கும் மு.க.ஸ்டாலினின் கனவு நிறைவேறாது என்று பா.ம.க. நிறுவனர் டாக்டர் ராமதாஸ் தெரிவித்தார்.
4. வருகிற நாடாளுமன்ற தேர்தலில் 10 மாநிலங்களில் 325 தொகுதிகளில் காங்கிரஸ் தோல்வியை தழுவும் டாக்டர் ராமதாஸ் பேச்சு
வருகிற நாடாளுமன்ற தேர்தலில் 10 மாநிலங்களில் 325 தொகுதிகளில் காங்கிரஸ் தோல்வியை தழுவும் என்று டாக்டர் ராமதாஸ் கூறினார்.
5. தி.மு.க. அத்தியாயம் இந்த தேர்தலோடு முடிவுக்கு வரும் - கடலூரில் டாக்டர் ராமதாஸ் பேச்சு
தி.மு.க. அத்தியாயம் இந்த தேர்தலோடு முடிவுக்கு வரும் என்று கடலூரில் டாக்டர் ராமதாஸ் பேசினார்.