மாவட்ட செய்திகள்

சேலம் தாதகாப்பட்டியில்நடந்து சென்ற பெண்ணிடம் நகை பறிப்பு3 பேர் கைது + "||" + Salem in Dadagapatty Jewelry flush with the girl on the walk 3 people arrested

சேலம் தாதகாப்பட்டியில்நடந்து சென்ற பெண்ணிடம் நகை பறிப்பு3 பேர் கைது

சேலம் தாதகாப்பட்டியில்நடந்து சென்ற பெண்ணிடம் நகை பறிப்பு3 பேர் கைது
சேலம் தாதகாப்பட்டியில் நடந்து சென்ற பெண்ணிடம் நகையை பறித்தது தொடர்பாக 3 பேர் கைது செய்யப்பட்டனர்.
சேலம், 


இதுபற்றி போலீஸ் தரப்பில் கூறப்பட்டதாவது:-


சேலம் தாதகாப்பட்டி பகுதியை சேர்ந்தவர் சீனிவாசன். இவருடைய மனைவி சுமலதா (வயது 31). இவர் ஏற்காடு அடிவாரம் கொண்டப்பநாயக்கன்பட்டியில் உள்ள உறவினர் வீட்டுக்கு நேற்று முன்தினம் சென்றார். பின்னர் மாலையில் சுமலதா தாதகாப்பட்டி கேட்டிற்கு பஸ்சில் வந்தார். பஸ்நிறுத்தத்தில் இருந்து அவர் தனது வீட்டிற்கு நடந்து சென்று கொண்டிருந்தார். இதனிடையே பஸ்சில் யாராவது நகையை திருடி சென்று விடக்கூடாது என்பதற்காக, சுமலதா நகையை கழற்றி மணிபர்சில் வைத்திருந்தார்.

சுமலதாவை பின்தொடர்ந்து அந்த வழியாக 3 வாலிபர்கள் வந்தனர். அவர்கள் சுமலதாவின் கையில் இருந்த மணிபர்சை திடீரென பறித்தனர். இந்த வழிப்பறி சம்பவத்தால் சுமலதா அதிர்ச்சி அடைந்தார். பின்னர் அவர் திருடன், திருடன் என சத்தம் போட்டார். இதைக்கேட்டு அக்கம் பக்கத்தில் இருந்த பொதுமக்கள் ஓடி வந்து, அந்த வாலிபர்கள் 3 பேரையும் பிடிக்க முயன்றனர். உடனே அந்த வாலிபர்கள் பொதுமக்களை மிரட்டி விட்டு தப்பி சென்றனர்.

இது தொடர்பாக சுமலதா அன்னதானப்பட்டி போலீஸ் நிலையத்தில் புகார் கொடுத்தார். அதன்பேரில் போலீசார் வழக்குப்பதிவு செய்து விசாரணை நடத்தினர். இதில், சுமலதாவிடம் நகை, பணத்தை பறித்தவர்கள் சேலம் குகை பஞ்சதாங்கி ஏரி பகுதியை சேர்ந்த கார்த்திக் (21), தாதகாப்பட்டி சண்முகா நகரை சேர்ந்த பிரகாஷ் (23), மணியனூர் பகுதியை சேர்ந்த விஜயகுமார் (26) என்பது தெரியவந்தது. இதையடுத்து கார்த்திக், பிரகாஷ் ஆகியோரை போலீசார் கைது செய்தனர். பின்னர் அவர்களிடம் இருந்து 4 பவுன் நகை, செல்போன் மீட்கப்பட்டது. நேற்று விஜயகுமாரை போலீசார் கைது செய்தனர். கார்த்திக் மீது வழிப்பறி உள்ளிட்ட 10-க்கும் மேற்பட்ட வழக்குகளும், பிரகாஷ், விஜயகுமார் மீது சில வழக்குகளும் உள்ளன. இதில் கார்த்திக், பிரகாஷ் ஏற்கனவே குண்டர் சட்டத்தில் கைது செய்யப்பட்டவர்கள் என்பது குறிப்பிடத்தக்கது.

தொடர்புடைய செய்திகள்

1. ஓசூர் பகுதியில் நகை பறிப்பில் ஈடுபட்ட 2 வாலிபர்கள் கைது
ஓசூர் பகுதியில் நகை பறிப்பு சம்பவத்தில் ஈடுபட்ட 2 வாலிபர்கள் கைது செய்யப்பட்டனர்.
2. வீரபாண்டி பகுதியில், பெண்களிடம் நகை பறித்த 2 வாலிபர்கள் பிடிபட்டனர்
வீரபாண்டி பகுதியில் பெண்களிடம் நகை பறித்த 2 வாலிபர்கள் கைது செய்யப்பட்டனர்.
3. மேல்செங்கத்தில் அடுத்தடுத்த வீடுகளில் தூங்கிக்கொண்டிருந்த 5 பெண்களிடம் நகை பறிப்பு நள்ளிரவில் புகுந்த கொள்ளையர்கள் கைவரிசை
மேல்செங்கத்தில் அடுத்தடுத்த வீடுகளில் தூங்கிக்கொண்டிருந்த 5 பெண்களிடம் கொள்ளையர்கள் நகைகளை பறித்துக்கொண்டு ஓடிய சம்பவம் பீதியை ஏற்படுத்தி உள்ளது.
4. திருவண்ணாமலையில் 2 பெண்களிடம் நகை பறிப்பு மர்ம நபர்களுக்கு வலைவீச்சு
திருவண்ணாமலையில் வெவ்வேறு பகுதிகளில் 2 பெண்களிடம் நகைகளை பறித்து சென்ற மர்ம நபர்களை போலீசார் தேடி வருகின்றனர்.
5. சோழவந்தான் அருகே பள்ளிக்குள் புகுந்து தலைமை ஆசிரியையிடம் நகை பறிப்பு
சோழவந்தான் அருகே பள்ளிக்குள் புகுந்து தலைமை ஆசிரியையிடம் 7 பவுன் நகையை பறித்துச் சென்ற மர்ம ஆசாமிகளை போலீசார் தேடி வருகின்றனர்.