மாவட்ட செய்திகள்

முத்ரா திட்டத்தில் கடன் வழங்க மறுப்பு: வங்கியை முற்றுகையிட்டு பா.ஜ.க.வினர் போராட்டம் + "||" + Refusal to lend to Mudra project: The BJP's struggle to besiege the bank

முத்ரா திட்டத்தில் கடன் வழங்க மறுப்பு: வங்கியை முற்றுகையிட்டு பா.ஜ.க.வினர் போராட்டம்

முத்ரா திட்டத்தில் கடன் வழங்க மறுப்பு: வங்கியை முற்றுகையிட்டு பா.ஜ.க.வினர் போராட்டம்
முத்ரா திட்டத்தில் கடன் வழங்க மறுத்ததால் வங்கியை முற்றுகையிட்டு பா.ஜ.க.வினர் போராட்டம் நடத்தினர்.

புதுச்சேரி,

புதுச்சேரி தட்டாஞ்சாவடி விற்பனைக்குழு வளாகத்தில் உள்ள பாரத ஸ்டேட் வங்கி கிளையில் முத்ரா திட்டத்தின் கீழ் கடன் கேட்டு விண்ணப்பித்த சிலருக்கு கடன் வழங்கப்படவில்லை என்று கூறப்படுகிறது. இதனை கண்டித்தும், விண்ணப்பித்தவர்களுக்கு முத்ரா திட்டத்தின் கீழ் கடன் வழங்க வவேண்டும் என்று வலியுறுத்தியும் நேற்று காலை அந்த வங்கியை முற்றுகையிட்டு பா.ஜ.க.வினர் போராட்டம் நடத்தினர்.

அப்போது வங்கியின் கதவை இழுத்து மூடி வாசலில் அமர்ந்து அவர்கள் போராட்டம் நடத்தினர். போராட்டத்திற்கு கட்சியின் உழவர்கரை மாவட்ட தலைவர் சிவானந்தம் தலைமை தாங்கினார். போராட்டத்தில் தொகுதி தலைவர் சுந்தரமூர்த்தி, மாவட்ட பொது செயலாளர்கள் சுப்புராஜ், கமலநாதன், துணைத் தலைவர்கள் நரசிம்மன், உஷா, முருகன் உள்ளிட்டோர் கலந்து கொண்டனர்.

இதனால் வாடிக்கையாளர்கள் வங்கிக்குள் செல்ல முடியாமலும், வங்கியில் இருந்து வெளியே வரமுடியாமலும் அவதியடைந்தனர். இது பற்றிய தகவல் அறிந்து கோரிமேடு போலீசார் சம்பவ இடத்திற்கு விரைந்து சென்று போராட்டத்தில் ஈடுபட்டவர்களிடம் சமாதான பேச்சுவார்த்தை நடத்தினர். ஆனால் போராட்டத்தினை கைவிட அவர்கள் மறுத்தனர். பின்னர் பேச்சுவார்த்தை நடத்திய வங்கி அதிகாரிகள் முத்ரா திட்டத்தின் கீழ் வரும் விண்ணப்பங்களை பரிசீலித்து கடன் வழங்க நடவடிக்கை எடுப்பதாக உறுதியளித்தனர். இதை ஏற்று போராட்டம் கைவிடப்பட்டது. இதனால் அங்கு சிறிது நேரம் பரபரப்பு ஏற்பட்டது.


தொடர்புடைய செய்திகள்

1. புதுச்சேரியில் 4-வது நாளாக தர்ணா நீடிப்பு; ‘அரசுக்கு எதிராக கிரண்பெடி, ரங்கசாமி சதி செய்கிறார்கள்’ - முதல்-அமைச்சர் நாராயணசாமி பகிரங்க குற்றச்சாட்டு
புதுவை கவர்னர் மாளிகை முன்பு நேற்று 4-வது நாளாக போராட்டம் நீடித்தது. அப்போது ‘அரசை செயல்படவிடாமல் ரங்கசாமியும் கிரண்பெடியும் சேர்ந்து சதி செய்கின்றனர்’ என்று நாராயணசாமி பகிரங்கமாக குற்றம்சாட்டினார்.
2. கோவை ஆர்.எஸ்.புரம் பகுதியில் பேனர்களை அகற்ற கோரி டிராபிக் ராமசாமி தரையில் படுத்து போராட்டம்
கோவை ஆர்.எஸ்.புரம் பகுதியில் பேனர்களை அகற்ற கோரி டிராபிக் ராமசாமி தரையில் படுத்து போராட்டம் நடத்தினார்.
3. கிரண்பெடியை விரட்டும் வரை போராட்டம் தொடரும் அமைச்சர் நமச்சிவாயம் ஆவேசம்
புதுவையில் இருந்து கவர்னர் கிரண்பெடியை விரட்டும் வரை போராட்டம் தொடரும் என்று அமைச்சர் நமச்சிவாயம் ஆவேசமாக கூறினார்.
4. தர்ணாவுக்கு ஆதரவு தெரிவிக்க மு.க.ஸ்டாலின் இன்று புதுச்சேரி வருகிறார்
தர்ணா போராட்டத்தில் ஈடுபட்டுள்ள முதல்–அமைச்சர் நாராயணசாமி மற்றும் அமைச்சர்களுக்கு ஆதரவு தெரிவிக்கும் விதமாக தி.மு.க. தலைவர் மு.க.ஸ்டாலின் இன்று புதுச்சேரி வருகிறார்.
5. புதுவை கவர்னர் மாளிகை முன் நாராயணசாமி– அமைச்சர்கள் போராட்டம் 3–வது நாளாக நீடிப்பு துணை ராணுவத்தினரின் கெடுபிடியால் பரபரப்பு
புதுவை கவர்னர் மாளிகை முன் முதல்–அமைச்சர் நாராயணசாமி, மற்றும் அமைச்சர்கள், எம்.எல்.ஏ.க்களின் போராட்டம் 3–வது நாளாக நீடித்தது. முக்கிய பிரமுகர்களை போராட்ட களத்துக்குள் துணை ராணுவத்தினர் அனுமதிக்க மறுத்ததால் பரபரப்பு ஏற்பட்டது.