மாவட்ட செய்திகள்

பெருந்துறையில் கல்லூரி மாணவியை கடத்திய வாலிபர் போக்சோ சட்டத்தில் கைது + "||" + Young college student abducted Arrested in the Bochos Act

பெருந்துறையில் கல்லூரி மாணவியை கடத்திய வாலிபர் போக்சோ சட்டத்தில் கைது

பெருந்துறையில் கல்லூரி மாணவியை கடத்திய வாலிபர் போக்சோ சட்டத்தில் கைது
பெருந்துறையில் கல்லூரி மாணவியை கடத்திய வாலிபரை போக்சோ சட்டத்தில் போலீசார் கைது செய்தனர்.

பெருந்துறை,

ஈரோடு மாவட்டம் பெருந்துறை பகுதியை சேர்ந்தவர் 17 வயது கல்லூரி மாணவி. இவர் கடந்த 3–ந் தேதி கல்லூரிக்கு சென்றுவிட்டு வருவதாக கூறி விட்டு வீட்டில் இருந்து புறப்பட்டார். ஆனால் மாலை நேரமாகியும் அவர் வீடு திரும்பவில்லை. இதனால் உறவினர்கள் அவரை பல இடங்களில் தேடிப்பார்த்தனர். ஆனால் அவரை கண்டுபிடிக்க முடியவில்லை.

இதுகுறித்து மாணவியின் தந்தை பெருந்துறை போலீசில் புகார் அளித்தார். அதன்பேரில் போலீசார் வழக்குப்பதிவு செய்து அந்த மாணவியை தேடி வந்தனர். மேலும் இதுபற்றி அனைத்து போலீஸ் நிலையங்களுக்கும் தகவல் கொடுக்கப்பட்டது.

இந்தநிலையில் நீலகிரி மாவட்டம் கூடலூர் அருகே உள்ள நிலக்கோட்டை போலீஸ் நிலையத்தில் அந்த மாணவி ஒரு வாலிபருடன் நேற்று சரண் அடைந்தார். இதுபற்றி உடனே பெருந்துறை போலீசாருக்கு தகவல் கொடுக்கப்பட்டது. அதைத்தொடர்ந்து போலீஸ் இன்ஸ்பெக்டர் சுகவனம், சப்–இன்ஸ்பெக்டர் ராம்பிரபு அங்கு சென்று அந்த மாணவியை மீட்டனர்.

பின்னர் வாலிபரிடம் போலீசார் நடத்திய விசாரணையில் அவர், நிலக்கோட்டை பர்கானாவை சேர்ந்த மைதீன் குட்டி மகன் முகைதீன் (வயது 22) என்பது தெரியவந்தது.

இவர் ஈரோடு மாவட்டம் பெருந்துறை பகுதியில் தங்கியிருந்து போலீஸ் நிலையம் எதிரே உள்ள ஒரு டீக்கடையில் டீ மாஸ்டராக வேலை பார்த்து வந்துள்ளார். அங்குள்ள பஸ் நிறுத்தத்துக்கு பஸ் ஏறுவதற்காக கல்லூரி மாணவி தினமும் வந்து சென்றபோது இருவருக்கும் பழக்கம் ஏற்பட்டுள்ளது. இந்தநிலையில் ஆசை வார்த்தை கூறி அந்த மாணவியை ஊட்டிக்கு கடத்திச்சென்றுள்ளார். மாணவியை தேடுவதை அறிந்து அவருடன் போலீஸ் நிலையத்தில் சரண் அடைந்துள்ளார். மேற்கண்டவை போலீஸ் விசாரணையில் தெரிய வந்தது.

இதைத்தொடர்ந்து மாணவியும், முகைதீனும் மேல் விசாரணைக்காக ஈரோடு அனைத்து மகளிர் போலீஸ் நிலையத்தில் ஒப்படைக்கப்பட்டனர். இதுகுறித்து மகளிர் போலீசார் போக்சோ சட்டத்தின் கீழ் வழக்குப்பதிவு செய்து முகைதீனை கைது செய்தனர்.


தொடர்புடைய செய்திகள்

1. அறச்சலூரில் பரபரப்பு; மடிக்கணினி வழங்கக்கோரி மாணவ– மாணவிகள் சாலை மறியல், 60 பேர் கைது
அறச்சலூர் அரசு பள்ளிக்கூடம் அருகே மடிக்கணினி வழங்கக்கோரி சாலைமறியலில் ஈடுபட்ட மாணவ–மாணவிகள் 60 பேரை போலீசார் கைது செய்தனர். இதனால் போக்குவரத்து பாதிக்கப்பட்டது.
2. ஐ.எஸ். பயங்கரவாதிகள் 155 பேர் கைது - நாடாளுமன்றத்தில் மத்திய மந்திரி தகவல்
ஐ.எஸ். பயங்கரவாதிகள் 155 பேர் இதுவரை கைது செய்யப்பட்டுள்ளனர் என நாடாளுமன்றத்தில் மத்திய உள்துறை இணை மந்திரி கிஷன் ரெட்டி தெரிவித்தார்.
3. மோசடியில் கைதானவர்களுக்கு ஜாமீன் வழங்க கோர்ட்டில் போலி ஆவணங்கள் கொடுத்த 6 பேர் கைது
மோசடியில் கைதானவர்களுக்கு ஜாமீன் வழங்க கோர்ட்டில் போலி ஆவணங்கள் கொடுத்த 6 பேர் கைது செய்யப்பட்டனர்.
4. பெண் தற்கொலைக்கு காரணமான சுய உதவி குழு தலைவி கைது ரூ.10 லட்சம் மோசடி செய்தது அம்பலம்
திருச்சி அரியமங்கலத்தில் பெண் தற்கொலைக்கு காரணமான சுயஉதவி குழு தலைவியை போலீசார் கைது செய்தனர். மேலும் அவர் ரூ.10 லட்சம் மோசடி செய்ததும் அம்பலம் ஆனது.
5. இலங்கை குண்டுவெடிப்பு பயங்கரவாதிகள் அனைவரும் கைது செய்யப்பட்டு விட்டனர்; ரனில் விக்ரமசிங்கே
இலங்கை தொடர் குண்டுவெடிப்பில் குற்றச்சாட்டு கூறப்பட்ட அனைத்து பயங்கரவாதிகளும் கைது செய்யப்பட்டு விட்டனர் என பிரதமர் ரனில் விக்ரமசிங்கே கூறியுள்ளார்.

அதிகம் வாசிக்கப்பட்டவை