மாவட்ட செய்திகள்

வள்ளியூரில்பொதுமக்கள் உண்ணாவிரத போராட்டம் + "||" + In Valliyoor Public hunger strike

வள்ளியூரில்பொதுமக்கள் உண்ணாவிரத போராட்டம்

வள்ளியூரில்பொதுமக்கள் உண்ணாவிரத போராட்டம்
வள்ளியூரில் பொதுமக்கள் நேற்று உண்ணாவிரத போராட்டத்தில் ஈடுபட்டனர்.
வள்ளியூர், 

நெல்லை மாவட்டம் ராதாபுரம் தாலுகாவை இரண்டாக பிரித்து புதிய தாலுகாவாக திசையன்விளை தாலுகா உருவாக்கப்பட்டது. வள்ளியூர் அருகே உள்ள கோவன்குளம் மற்றும் கண்ணநல்லூர் பஞ்சாயத்துக்கு உட்பட்ட கிராமங்களை ராதாபுரம் தாலுகாவில் இருந்து பிரித்து திசையன்விளை தாலுகாவில் இணைக்கப்பட்டது.

இதனால் 20 கிலோமீட்டர் தொலைவில் உள்ள ராதாபுரம் தாலுகா அலுவலகத்துக்கு சென்ற கிராம மக்கள், தற்போது 60 கிலோமீட்டர் தொலைவில் உள்ள திசையன்விளை தாலுகா அலுவலகத்துக்கு செல்லும் சூழ்நிலை உருவாகியுள்ளது. இதனால் பொதுமக்கள் மிகுந்த சிரமத்துக்கு உள்ளாவதால், கோவன்குளம், கண்ணநல்லூர் ஆகிய 2 பஞ்சாயத்துகளையும் மீண்டும் ராதாபுரம் தாலுகாவில் இணைக்க வேண்டும் என்று மாவட்ட நிர்வாகத்துக்கும், அரசுக்கும் கோரிக்கை விடுத்து வந்தனர்.

ஆனால் இதற்கு எந்தவித நடவடிக்கையும் எடுக்காததால் தங்கள் எதிர்ப்பை தெரிவிக்கும் வகையில் கோவன்குளம், கண்ணநல்லூர் பஞ்சாயத்துகளை சேர்ந்த பொதுமக்கள் நேற்று வள்ளியூர் கலையரங்கு திடலில் ஒருநாள் அடையாள உண்ணாவிரத போராட்டம் நடத்தினர். இதற்கு பல்வேறு அரசியல் கட்சியினரும், பல்வேறு அமைப்பினரும் ஆதரவு தெரிவித்து உண்ணாவிரதம் இருந்தனர். மேலும் இந்த போராட்டத்துக்கு ஆதரவு தெரிவித்து பேசிய வசந்தகுமார் எம்.எல்.ஏ., இப்பிரச்சினை குறித்து சட்டமன்றத்தில் பேசி விரைவில் தீர்வு காண நடவடிக்கை எடுப்பதாக உறுதியளித்தார். முன்னாள் எம்.எல்.ஏ. அப்பாவு, உண்ணாவிரத போராட்டத்தை முடித்து வைத்தார்.

தொடர்புடைய செய்திகள்

1. இலங்கை சிறையில் உள்ள மாணவர்கள் உள்பட 8 மீனவர்களை விடுவிக்காவிட்டால் போராட்டம் - மீனவர்கள் அறிவிப்பு
இலங்கை சிறையில் உள்ள 2 மாணவர்கள் உள்பட 8 மீனவர்களை விடுவிக்காவிட்டால் போராட்டம் நடத்த உள்ளதாக மீனவர்கள் தெரிவித்துள்ளனர்.
2. பல்லடத்தில் மொபட் மீது பஸ் மோதல்; கட்டிட தொழிலாளி பரிதாப சாவு பொதுமக்கள் போராட்டம்
பல்லடத்தில் மொபட் மீது தனியார் பஸ் மோதிய விபத்தில் கட்டிடதொழிலாளி பரிதாபமாக இறந்தார். இதன் காரணமாக ஆத்திரம் அடைந்த பொதுமக்கள் பஸ்சை தாக்கி போராட்டத்தில் ஈடுபட்டனர்.
3. இலங்கை சிறையில் உள்ள மாணவர்களை விடுதலை செய்யாவிட்டால் போராட்டம், மீனவர்கள் அறிவிப்பு
இலங்கை சிறையில் உள்ள 2 மாணவர்களை உடனடியாக விடுதலை செய்யாவிட்டால் போராட்டத்தில் ஈடுபடுவோம் என்று சம்பந்தப்பட்ட மீனவர்களின் பெற்றோர் தெரிவித்துள்ளனர்.
4. சத்தியமங்கலம் அருகே பரபரப்பு; இலவச பொருட்களுடன் மலைவாழ் மக்கள் தேர்தல் புறக்கணிப்பு போராட்டம், அடிப்படை வசதிகளை நிறைவேற்ற கோரி நடந்தது
அடிப்படை வசதிகளை நிறைவேற்ற கோரி சத்தியமங்கலம் அருகே இலவச பொருட்களுடன் மலைவாழ் மக்கள் தேர்தல் புறக்கணிப்பு போராட்டத்தில் ஈடுபட்டதால் பரபரப்பு ஏற்பட்டது.
5. ஈரோடு ஆர்.என்.புதூரில் வீடுகளில் கருப்பு கொடி ஏற்றி பொதுமக்கள் போராட்டம் அடிப்படை வசதி கேட்டு நடந்தது
ஈரோடு ஆர்.என்.புதூரில் அடிப்படை வசதி செய்து தரக்கோரி பொதுமக்கள் தங்களது வீடுகளில் கருப்பு கொடி ஏற்றி போராட்டத்தில் ஈடுபட்டனர்.