மாவட்ட செய்திகள்

பெயர் பலகைகளில் நிறுவனத்தின் பெயரை தமிழில் எழுத வேண்டும் கலெக்டர் உத்தரவு + "||" + Name boards Company name should be written in Tamil Collector's order

பெயர் பலகைகளில் நிறுவனத்தின் பெயரை தமிழில் எழுத வேண்டும் கலெக்டர் உத்தரவு

பெயர் பலகைகளில்
நிறுவனத்தின் பெயரை தமிழில் எழுத வேண்டும்
கலெக்டர் உத்தரவு
பெயர் பலகைகளில் நிறுவனத்தின் பெயரை தமிழில் எழுத வேண்டும் என்று கலெக்டர் சுப்பிரமணியன் உத்தரவிட்டுள்ளார்.
விழுப்புரம், 

இதுகுறித்து அவர் வெளியிட்டுள்ள செய்திக்குறிப்பில் கூறியிருப்பதாவது:-

விழுப்புரம் மாவட்டத்தில் உள்ள கடைகள், தொழிற்சாலைகள், ஓட்டல்கள் உள்ளிட்ட அனைத்து வகையிலான வணிக நிறுவனங்களின் பெயர் பலகைகளில் நிறுவனத்தின் பெயர் கட்டாயமாக முதலில் தமிழில் எழுத வேண்டும். அதற்கடுத்து தேவைப்பட்டால் ஆங்கிலம் மற்றும் பிறமொழிகளிலும் இடம்பெறுமாறு அமைக்க வேண்டும்.

இவ்வாறு அமைக்க தமிழக அரசு, அரசாணையை பிறப்பித்துள்ளதோடு அந்த அரசாணையை செயல்படுத்துவதற்கு சென்னை ஐகோர்ட்டின் மதுரை கிளையும் ஆணையிட்டுள்ளது.

எனவே வணிக நிறுவனங்களில் பெயர் பலகைகளில் நிறுவனத்தின் பெயரை தமிழில் எழுதுவதற்கு விழுப்புரம் மாவட்டத்தில் உள்ள அனைத்து வணிக நிறுவனங்களும் நடவடிக்கை மேற்கொள்ள வேண்டும். பெயர் பலகைகள் உரிய முறையில் உள்ளனவா? என தமிழ் வளர்ச்சித்துறை அலுவலர்கள், தொழிலாளர் நலத்துறையினர் ஆய்வு மேற்கொள்வார்கள். விதிமுறைப்படி பெயர் பலகை அமைக்காத நிறுவனங்களுக்கு அபராத தொகை விதிக்கப்படும்.

எனவே தமிழ் வளர்ச்சிக்கு அரசின் பங்களிப்பு மட்டுமின்றி வணிகர்களும் தங்களின் பங்களிப்பை அளிக்கும் விதமாக உடனடியாக பெயர் பலகைகளை தமிழில் அமைக்க வணிக நிறுவனங்கள் நடவடிக்கை மேற்கொள்ள வேண்டும்.இவ்வாறு அந்த செய்திக்குறிப்பில் கூறப்பட்டுள்ளது.

தொடர்புடைய செய்திகள்

1. வேலூர் கன்சால்பேட்டையில் குடியிருப்புகளுக்குள் தண்ணீர் புகாமல் இருக்க தடுப்புச்சுவர் கலெக்டர் உத்தரவு
வேலூர் கன்சால்பேட்டை பகுதியில் உள்ள குடியிருப்புகளுக்குள் தண்ணீர் புகாமல் இருக்க கால்வாய் ஓரம் உயரமான தடுப்புச்சுவர் கட்ட கலெக்டர் ராமன் உத்தரவிட்டார்.
2. இளம்வயது திருமணங்களை தடுக்க கிராம அளவில் குழுக்கள் கலெக்டர் உத்தரவு
இளம்வயது திருமணங் களை தடுக்க வட்டார அளவிலும், கிராம அளவிலும் குழுக்கள் அமைத்து நடவடிக்கை எடுக்க கலெக்டர் பல்லவி பல்தேவ் உத்தரவிட்டார்.
3. வானூர் பகுதியில் மழையால் சேதமடைந்த சாலைகளை விரைந்து சீரமைக்க வேண்டும் கலெக்டர் உத்தரவு
வானூர் பகுதியில் மழையால் சேதமடைந்த சாலைகளை விரைந்து சீரமைக்க வேண்டும் என்று கலெக்டர் சுப்பிரமணியன் அதிகாரிகளுக்கு உத்தரவிட்டார்.
4. ஐ.எஸ்.ஐ. முத்திரையில்லாத தண்ணீர் பாக்கெட்டுகள் பறிமுதல் சுகாதார மேற்பார்வையாளர்களுக்கு கலெக்டர் உத்தரவு
ஐ.எஸ்.ஐ. தரச்சான்று முத்திரை இல்லாத தண்ணீர் பாக்கெட்டுகளை சுகாதார மேற்பார்வையாளர்கள் ஆய்வு மேற்கொண்டு பறிமுதல் செய்ய கலெக்டர் கே.எஸ்.கந்தசாமி உத்தரவிட்டு உள்ளார்.
5. டெங்கு கொசு உருவாகும் காரணிகளை முற்றிலும் அழிக்க வேண்டும் அதிகாரிகளுக்கு கலெக்டர் உத்தரவு
டெங்கு கொசு உருவாகும் காரணிகளை முற்றிலும் அழிக்க வேண்டும் என்று அதிகாரிகளுக்கு கலெக்டர் கணேஷ் உத்தரவிட்டார்.