மாவட்ட செய்திகள்

நாகர்கோவில் நாகராஜா கோவிலில் தை திருவிழா கொடியேற்றம் - திரளான பக்தர்கள் பங்கேற்பு + "||" + Thai Festival of Nagaraja Temple in Nagercoil - a large number of devotees participating

நாகர்கோவில் நாகராஜா கோவிலில் தை திருவிழா கொடியேற்றம் - திரளான பக்தர்கள் பங்கேற்பு

நாகர்கோவில் நாகராஜா கோவிலில் தை திருவிழா கொடியேற்றம் - திரளான பக்தர்கள் பங்கேற்பு
நாகர்கோவில் நாகராஜா கோவிலில் தை திருவிழா கொடியேற்றம் நடந்தது. இதில் திரளான பக்தர்கள் பங்கேற்றனர்.
நாகர்கோவில்,

நாகர்கோவில் நாகராஜா கோவிலில் ஆண்டுதோறும் தை திருவிழா வெகு விமரிசையாக கொண்டாடப்படுவது வழக்கம். அதுபோல் இந்த ஆண்டு தை திருவிழா நேற்று காலை கொடியேற்றத்துடன் தொடங்கியது. காலை 7 மணிக்கு கொடியேற்றம் நடந்தது. தந்திரி நீலகண்டபட்டதிரி திருக்கொடியை ஏற்றி வைத்தார். இதனையடுத்து கொடி மரத்துக்கு தீபாராதனை நடந்தது.


இதில் நீதிபதிகள் ஜாண் ஆர்.டி.சந்தோஷம், கோமதிநாயகம், திருக்கோவில்கள் இணை ஆணையர் அன்புமணி, தாசில்தார் அணில்குமார் உள்பட திரளான பக்தர்கள் கலந்து கொண்டனர்.

கொடியேற்றத்தை தொடர்ந்து நாகராஜருக்கு சிறப்பு அபிஷேகங்கள் மற்றும் பூஜைகள் நடந்தன. கோவிலுக்கு வந்த பக்தர்கள் நாகர் சிலைகளுக்கு பால் ஊற்றியும், மஞ்சள் பொடி தூவியும் வணங்கிவிட்டு நாகராஜரை தரிசனம் செய்தனர்.

நேற்று இரவில் பக்தி பாடல் மற்றும் சிறப்பு பட்டிமன்றம் நடந்தது. அதைத் தொடர்ந்து புஷ்பக விமானத்தில் சுவாமி எழுந்தருளினார்.

இன்று (திங்கட்கிழமை) காலை 7 மணிக்கு சிறப்பு அபிஷேக பூஜை, மாலையில் சமய சொற்பொழிவு, பக்தி இன்னிசை, மண்டகப்படி, இன்னிசை கச்சேரி ஆகியவற்றை தொடர்ந்து புஷ்பக விமானத்தில் சுவாமி எழுந்தருளி பக்தர்களுக்கு அருள் பாலிக்கிறார்.

15-ந் தேதி இரவு சிங்க வாகனத்திலும், 16-ந் தேதி இரவு கமல வாகனத்திலும், 17-ந் தேதி இரவு ஆதிசேஷ வாகனத்திலும், 18-ந் தேதி யானை வாகனத்திலும் சுவாமி எழுந்தருளுகிறார்.

விழாவின் முக்கிய நிகழ்ச்சியான தேரோட்டம் 21-ந் தேதி அதாவது 9-ம் நாள் திருவிழாவன்று காலை 7 மணிக்கு நடக்கிறது. அதன்பிறகு அன்னதானம் வழங்கப்படுகிறது. 10-ம் நாள் திருவிழாவன்று சப்தாவர்ணம் நடைபெற உள்ளது.


தொடர்புடைய செய்திகள்

1. நாகர்கோவிலில் பழுதான சாலைகளை சீரமைக்க கோரி தி.மு.க.வினர் ஆர்ப்பாட்டம் - சுரேஷ்ராஜன் எம்.எல்.ஏ. தலைமையில் நடந்தது
நாகர்கோவிலில் பழுதான சாலைகளை சீரமைக்க கோரி, சுரேஷ்ராஜன் எம்.எல்.ஏ. தலைமையில் தி.மு.க.வினர் ஆர்ப்பாட்டம் நடத்தினார்கள்.
2. நாகர்கோவில் ஆயுதப்படை முகாம் வளாகத்தில் போக்குவரத்து பூங்கா - டி.ஐ.ஜி. கபில்குமார் சரத்கார் திறந்து வைத்தார்
நாகர்கோவில் ஆயுதப்படை முகாம் வளாகத்தில் அமைக்கப்பட்டுள்ள போக்குவரத்து பூங்காவை நெல்லை சரக டி.ஐ.ஜி. கபில்குமார் சரத்கார் திறந்து வைத்தார்.
3. நாகர்கோவில் அருகே பெண் கொலை: காயம் அடைந்த கணவரும் ஆஸ்பத்திரியில் சாவு சொத்து தகராறில் கூலிப்படையை ஏவி தீர்த்துக்கட்டியது அம்பலம்
நாகர்கோவில் அருகே வீடு புகுந்து பெண் கொலை செய்யப்பட்டார். அரிவாள் வெட்டில் காயம் அடைந்த அந்த பெண்ணின் கணவரும் ஆஸ்பத்திரியில் பரிதாபமாக இறந்தார். சொத்து தகராறில் கூலிப்படையை ஏவி அந்த பெண்ணின் அண்ணனே தீர்த்துக்கட்டியது விசாரணையில் தெரிய வந்துள்ளது.
4. வருகிற 7-ந் தேதி நாகர்கோவில்- கன்னியாகுமரி இடையே நீராவி என்ஜின் ரெயில் இயக்கப்படுகிறது ஒரு பயணிக்கு ரூ.500 கட்டணம் நிர்ணயம்
நாகர்கோவில்- கன்னியாகுமரி இடையே நீராவி என்ஜின் பொருத்திய பாரம்பரிய ரெயில் வருகிற 7-ந் தேதி முதல் இயக்கப்படுகிறது. இதில் பயணம் செய்ய விரும்பும் ஒரு பயணிக்கு ரூ.500 கட்டணம் நிர்ணயம் செய்யப்பட்டுள்ளது.
5. திருச்சி வழியாக இன்று முதல் நாகர்கோவில்-வேளாங்கண்ணி இடையே சிறப்பு எக்ஸ்பிரஸ் ரெயில்கள் இயக்கம்
திருச்சி வழியாக இன்று (சனிக்கிழமை) முதல் நாகர்கோவில்-வேளாங்கண்ணி இடையே சிறப்பு எக்ஸ்பிரஸ் ரெயில்கள் இயக்கப்பட உள்ளது.