வானவில் : பாதுகாப்பான ஸ்மார்ட் பேட்லாக் பூட்டு

எண்களைக் கொண்டுத் திறக்கும் பேட்லாக் பூட்டுகள் சிறியது முதல் பெரிய அளவுகளில் கிடைக்கின்றன. இந்த இக்லூ ஹோம் ஸ்மார்ட் பூட்டு மேலும் பல சிறப்பம்சங்களைக் கொண்டுள்ளதால் தரமான பாதுகாப்பை நம் உடைமைகளுக்குத் தருகிறது. இந்த பூட்டை உபயோகிப்பவர் அனைவரும் எந்த செயலியும் தரவிறக்கம் செய்யத் தேவையில்லை. வங்கிகளில் உபயோகிக்கும் பின் கோடு முறையில் இவைகளைத் திறக்கலாம். இதன் பின்கோடுகளை வேண்டியவர்களுக்கு அல்லது குடும்ப உறுப்பினர்களுக்கு கொடுத்து அவர்களை பூட்டை திறக்கச் செய்யலாம் அல்லது புளூடூத் மூலம் அவர்களுக்கு கோடுகளை அனுப்பலாம். ஒரே பூட்டை பலரும் உபயோகிக்கலாம்.

இதன் சொந்தக்காரர் மட்டும் செயலியின் துணையுடன் பூட்டு எப்போது திறக்கப்பட்டுள்ளது, யார் திறந்தது போன்ற விவரங்களை பெற முடியும். உயர்தரமான ஸ்டீல் கொண்டு செய்யப்பட்டுள்ளதால் துரு பிடிக்காது. பேட்டரியில் இயங்கும் இந்த பூட்டு ஆயுட்காலம் முடியும் போது எச்சரிக்கை செய்யும்.

உள்ளே இருக்கும் பேட்டரி முடிந்து விட்டால் வெளியில் ஜம்ப் ஸ்டார்ட் செய்து இதனைத் திறக்க முடியும். மிகவும் பாதுகாப்பான அம்சங்கள் கொண்ட இந்த பூட்டிற்கு ஒரு வருடத்திற்கு ஒரு முறை பேட்டரி மாற்றினால் போதுமானது.