மாவட்ட செய்திகள்

மேகதாது அணை பிரச்சினையில் கர்நாடகத்தின் முழு ஆய்வு அறிக்கையை மத்திய அரசு ஏற்று இருப்பது அதிர்ச்சி அளிக்கிறது மு.க.ஸ்டாலின் பேச்சு + "||" + MK Stalin's speech shocked by the central government's acceptance of Karnataka's full study report on the issue of cloud issue

மேகதாது அணை பிரச்சினையில் கர்நாடகத்தின் முழு ஆய்வு அறிக்கையை மத்திய அரசு ஏற்று இருப்பது அதிர்ச்சி அளிக்கிறது மு.க.ஸ்டாலின் பேச்சு

மேகதாது அணை பிரச்சினையில் கர்நாடகத்தின் முழு ஆய்வு அறிக்கையை மத்திய அரசு ஏற்று இருப்பது அதிர்ச்சி அளிக்கிறது மு.க.ஸ்டாலின் பேச்சு
மேகதாது அணை பிரச்சினையில் கர்நாடகத்தின் முழு ஆய்வு அறிக்கையை மத்திய அரசு ஏற்று இருப்பது அதிர்ச்சி அளிக்கிறது என்று மு.க.ஸ்டாலின் கூறினார்.
திருச்சி,

நாடு இன்று இருக்கிற நிலை உங்களுக்கு தெரியும். எனவே அதைப்பற்றி அதிகமாக நான் சொல்ல வேண்டியது இல்லை. முக்கியமான ஒரு சில செய்தியை மட்டும் சொல்ல விரும்புகிறேன். மேகதாது அணை பிரச்சினையில் இன்று வந்துள்ள ஒரு செய்தி காவிரி பாசன விவசாயிகளுக்கு அதிர்ச்சி தரத்தக்கதாக உள்ளது. மேகதாதுவில் அணை கட்டுவது சம்பந்தமாக கர்நாடக அரசு தன்னிச்சையாக ஒரு முழு ஆய்வு அறிக்கையை தயாரித்து மத்திய அரசிடம் தாக்கல் செய்து இருக்கிறது. உச்சநீதிமன்றத்தில் இது தொடர்பான வழக்கு நிலுவையில் உள்ள போதே மத்திய அரசும் அதனை ஏற்று இருக்கிறது.


ஏற்கனவே தமிழகத்தை சேர்ந்த 55 நாடாளுமன்ற உறுப்பினர்கள் கட்சிக்கு அப்பாற்பட்டு பிரதமர் மோடியை நேரில் சந்தித்து காவிரியின் குறுக்கே மேகதாது என்ற இடத்தில் கர்நாடகம் அணை கட்டுவதற்கு அனுமதி வழங்க கூடாது என முறையிட்டு இருக்கிறார்கள்.

கடந்த 15 நாட்களுக்கு முன் மத்திய மந்திரி நிதின் கட்கரி நாடாளுமன்றத்தில் மத்திய அரசு அனுமதி வழங்காமல் மேகதாதுவில் கர்நாடகம் அணை கட்டமுடியாது என தெளிவாக கூறி இருக்கிறார். கேரள மாநிலமாக இருந்தாலும் சரி, புதுவை மாநிலமாக இருந்தாலும் சரி, தமிழகமாக இருந்தாலும், கர்நாடகமாக இருந்தாலும் அனைத்து மாநிலங்களையும் கலந்து தான் இதில் முடிவெடுப்போம் என்று உறுதி அளித்தார். ஆனால் அந்த உறுதியை எல்லாம் மீறி இப்போது மத்திய அரசு கர்நாடகத்தின் அறிக்கையை மகிழ்ச்சியுடன் ஏற்று இருக்கிறது.

இந்த செய்தி வெளியான பின்னரும் இதுவரை தமிழக முதல்-அமைச்சர் எடப்பாடி பழனிசாமி அதனை கண்டித்து ஒரு அறிக்கை கூட வெளியிடாமல் இருப்பது தமிழகத்தை பற்றி, தமிழக மக்களை பற்றி அவருக்கு கிஞ்சிற்றும் கவலை இல்லை என்பதையே காட்டுகிறது. எனவே வரக்கூடிய வாய்ப்புகளை பயன்படுத்தி இந்த ஆட்சிக்கு முற்றுப்புள்ளி வைக்க வேண்டும் என கேட்டு விடைபெறுகிறேன்.

இவ்வாறு மு.க. ஸ்டாலின் பேசினார்.

தொடக்கத்தில் திருச்சி தெற்கு மாவட்ட தி.மு.க. செயலாளர் கே.என்.நேரு எம்.எல்.ஏ. வரவேற்று பேசினார். அன்பில் மகேஷ் பொய்யாமொழி உள்பட எம்.எல்.ஏ.க்கள், முன்னாள் அமைச்சர்கள், பிரமுகர்கள் வாழ்த்தி பேசினார்கள். முடிவில் பரணிகுமார் நன்றி கூறினார்.

தொடர்புடைய செய்திகள்

1. தஞ்சை மாவட்டத்தில் குடிநீர் தட்டுப்பாடு இல்லை வைத்திலிங்கம் எம்.பி. பேச்சு
தஞ்சை மாவட்டத்தில் குடிநீர் தட்டுப்பாடு இல்லை என்று வைத்திலிங்கம் எம்.பி. கூறினார்.
2. தொண்டர்களை விஜயகாந்த் தலைகுனிய விடமாட்டார் விஜயபிரபாகரன் பேச்சு
தொண்டர்களை விஜயகாந்த் தலைகுனிய விடமாட்டார் விஜயபிரபாகரன் பேச்சு.
3. சங்க தவறுகளை தட்டிக்கேட்கவே போட்டியிடுகிறேன்; நடிகர் பாக்யராஜ் பேச்சு
சங்க தவறுகளை தட்டிக்கேட்கவே போட்டியிடுகிறேன் என்று நடிகர் பாக்யராஜ் பேசியுள்ளார்.
4. காவிரி பிரச்சினை குறித்த தமிழக எம்.பி.யின் பேச்சுக்கு கர்நாடக உறுப்பினர்கள் எதிர்ப்பு - மக்களவையில் திடீர் அமளி
காவிரி பிரச்சினை குறித்த தமிழக எம்.பி.யின் பேச்சுக்கு கர்நாடக உறுப்பினர்கள் எதிர்ப்பு தெரிவித்ததால், மக்களவையில் திடீர் அமளி ஏற்பட்டது.
5. மு.க.ஸ்டாலினுக்கு எதிரான வழக்கு: ஐகோர்ட்டில் அமைச்சர் வேலுமணி வாபஸ்
ஐகோர்ட்டில் தி.மு.க தலைவர் மு.க.ஸ்டாலினுக்கு எதிரான வழக்கினை அமைச்சர் வேலுமணி வாபஸ் பெற்றார்.

அதிகம் வாசிக்கப்பட்டவை