கோபி அருகே ஆடு திருடியவர்களை தடுத்த முதியவர் குத்திக்கொலை 3 பேர் சிக்கினர்

இதனால் ஆடு திருடியவர்கள் ஆத்திரம் அடைந்து கம்பியால் கண்ணுசாமியின் கழுத்தில் குத்தினர். இதில் ரத்த வெள்ளத்தில் சம்பவ இடத்திலேயே அவர் பரிதாபமாக இறந்தார்.

இதை கண்டதும் அந்த பகுதியை சேர்ந்தவர்கள் ஓடிச்சென்று மோட்டார்சைக்கிளில் சென்ற 3 பேரையும் துரத்தி பிடித்தனர். பிடிபட்ட 3 பேரும் கோபி போலீசாரிடம் ஒப்படைக்கப்பட்டனர்.

இதற்கிடையே போலீசார் சம்பவ இடத்துக்கு விரைந்து சென்று கண்ணுசாமியின் உடலை கைப்பற்றி பிரேத பரிசோதனைக்காக கோபி அரசு ஆஸ்பத்திரிக்கு அனுப்பி வைத்தனர். இதுகுறித்து போலீஸ் இன்ஸ்பெக்டர் பாலமுரளி சுந்தரம் வழக்குப்பதிவு செய்து பிடிபட்ட 3 பேரிடமும் விசாரணை நடத்தி வருகிறார்.

ஆடு திருடியவர்களை தடுத்த முதியவர் கொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தி உள்ளது.