மாவட்ட செய்திகள்

திருவாரூர் மாவட்டத்தில் இதுவரை82 ஆயிரம் டன் சம்பா நெல் கொள்முதல்மகசூல் குறைந்துள்ளதால் இழப்பீடு வழங்க விவசாயிகள் கோரிக்கை + "||" + In Tiruvarur district so far 82 thousand tons of Samba paddy procurement Farmers demand compensation for yield losses

திருவாரூர் மாவட்டத்தில் இதுவரை82 ஆயிரம் டன் சம்பா நெல் கொள்முதல்மகசூல் குறைந்துள்ளதால் இழப்பீடு வழங்க விவசாயிகள் கோரிக்கை

திருவாரூர் மாவட்டத்தில் இதுவரை82 ஆயிரம் டன் சம்பா நெல் கொள்முதல்மகசூல் குறைந்துள்ளதால் இழப்பீடு வழங்க விவசாயிகள் கோரிக்கை
திருவாரூர் மாவட்டத்தில் இதுவரை 82 ஆயிரம் டன் சம்பா நெல் கொள்முதல் செய்யப்பட்டுள்ளது. மகசூல் குறைந்துள்ளதால் இழப்பீடு வழங்க வேண்டும் என விவசாயிகள் கோரிக்கை விடுத்துள்ளனர்.
திருவாரூர், 

திருவாரூர் மாவட்டத்தில் 1 லட்சத்து 49 ஆயிரத்து எக்டேர் பரப்பில் சம்பா சாகுபடி செய்யப்பட்டது. தற்போது சம்பா அறுவடை பணிகள் தீவிரமாக நடைபெற்று வருகிறது. ஆள் பற்றாக்குறை காரணமாக எந்திரங்கள் மூலம் அறுவடை நடைபெற்று வரும் நிலையில், வேளாண் பொறியியல் துறையில் அதிகமான எந்திரங்கள் இல்லாததால் தனியார் வாடகை எந்திரங்களை பயன்படுத்த வேண்டிய நிலை இருந்து வருகிறது.

தனியார் எந்திரங்களுக்கு மணிக்கு ரூ.ஆயிரத்து 800 மேல் வாடகை தர வேண்டியுள்ளது. கஜா புயலினால் கதிர் வரும் நிலையில் பாதிப்பு, நோய் தாக்குதலிலும் சிக்கியது. இதனை தொடர்ந்து உரம், மருந்துகள் போன்ற கூடுதல் செலவுகளை கடன் வாங்கி விவசாயிகள் செய்து பயிர்களை பாதுகாத்தனர். இந்த கடன்களை அறுவடையில் கிடைக்கும் மகசூல் லாபத்தில் ஈடுகட்டலாம் என விவசாயிகள் கண்ட கனவு கலைந்து போனது.

கடந்த ஆண்டு ஏக்கருக்கு சராசரியாக 30 மூட்டைகளுக்கு மேல் மகசூல் கிடைத்தது. ஆனால் தற்போது இயற்கை இடர்பாடு, நோய் தாக்குதலால் ஏக்கருக்கு 20 மூட்டை என்ற விகிதத்தில் மகசூல் கிடைத்துள்ளது. இதனால் வாங்கிய கடனை அடைக்க முடியாமலும், குடும்பத்தின் செலவுகளை ஈடுகட்ட முடியாமலும் விவசாயிகள் சிரமப்படுகின்றனர். இதில் அறுவடை செய்த நெல்லை விற்பனை செய்வதில் பல்வேறு இடையூறு இருந்து வருகிறது.

திருவாரூர் மாவட்டத்தில் சம்பா அறுவடை தீவிரமாக நடைபெற்று வரும் நிலையில் விவசாயிகளிடம் இருந்து நெல்லை கொள்முதல் செய்ய 433 நெல் கொள்முதல் நிலையங்கள் மாவட்டம் முழுவதும் திறக்கப்பட்டுள்ளன. மாவட்டத்தில் இதுவரை 82 ஆயிரம் டன் சம்பா நெல் கொள்முதல் செய்யப்பட்டுள்ளது. இந்த பருவத்தில் குறுவையில் 50 ஆயிரம் டன்னுடன் சேர்த்து 1 லட்சத்து 32 ஆயிரம் டன் நெல் கொள்முதல் செய்யப்பட்டுள்ளது.

இதுகுறித்து விவசாயிகள் கூறுகையில், சம்பா அறுவடை பணிகள் நடைபெற்று வருவதால் விவசாயிகள் தேவைக்கு ஏற்ப அனைத்து பகுதிகளில் நெல் கொள்முதல் நிலையம் திறக்கப்பட வேண்டும். அறுவடை எந்திரங்கள் பற்றாக்குறையை போக்கிட வெளி மாவட்டங்களில் இருந்து எந்திரங்களை வேளாண் பொறியியல் துறை மூலம் பெற்று விவசாயிகளுக்கு வழங்குவதற்கு உரிய நடவடிக்கை எடுக்க வேண்டும்.

கொள்முதல் நிலையங்களில் தராசு, தார்பாய், சாக்கு போன்ற உபகரணங்கள் போதிய அளவு இருப்பு வைக்கப்பட்டு விவசாயிகளிடம் இருந்து நெல்லை தடையின்றி கொள்முதல் செய்திட வேண்டும். வெளி மாநில, மாவட்ட நெல்லை கொள்முதல் செய்யாமல் தடுக்கப்பட வேண்டும்.

நடமாடும் நெல் கொள்முதல் நிலையம் அமைக்கப்பட்டதால் விவசாயிகள் பெரிதும் பயன் அடைவார்கள். கொள்முதல் செய்ய நெல்லுக்கான பணத்தை நீண்ட காலம் கடத்தாமல் ஓரிரு, நாட்களில் விவசாயிகளுக்கு கிடைத்திட நடவடிக்கை எடுக்க வேண்டும். கஜா புயல் பாதிப்பால் சம்பா நெல் மகசூல் குறைந்துள்ளது. இதனால் அதற்கு உரிய இழப்பீடு அரசு வழங்க வேண்டும் என விவசாயிகள் கோரிக்கை விடுத்தனர்.

தொடர்புடைய செய்திகள்

1. சாத்தனூர் அணையை தூர்வார வேண்டும் குறைதீர்வு நாள் கூட்டத்தில் விவசாயிகள் கோரிக்கை
சாத்தனூர் அணையை தூர்வார வேண்டும் என்று குறைதீர்வு நாள் கூட்டத்தில் விவசாயிகள் கோரிக்கை விடுத்தனர்.
2. 8 வழிச்சாலை திட்டத்தை கைவிட சட்டசபையில் வலியுறுத்த வேண்டும் தி.மு.க. எம்.எல்.ஏ.விடம் விவசாயிகள் கோரிக்கை
8 வழிச்சாலை திட்டத்தை கைவிட சட்ட சபையில் வலியுறுத்த வேண்டும் என்று சேலத்தில் தி.மு.க. எம்.எல்.ஏ.விடம் விவசாயிகள் கோரிக்கை மனு அளித்தனர்.
3. உடுமலை அருகே குட்டையை ஆக்கிரமித்து தென்னை சாகுபடி; மீட்க வேண்டும் என்று விவசாயிகள் கோரிக்கை
உடுமலையை அடுத்த சின்னவாளவாடியில் குட்டைைய ஆக்கிரமித்து தென்னை சாகுபடி செய்யப்பட்டுள்ளது. எனவே அந்த குட்டையை மீட்கவேண்டும் என்று விவசாயிகள் கோரிக்கை விடுத்துள்ளனர்.
4. சர்க்கரை ஆலையில் ரூ.88½ கோடி மோசடி புகார், கடனில் இருந்து மீட்க வேண்டும் - கலெக்டரிடம், கரும்பு விவசாயிகள் கோரிக்கை
தனியார் சர்க்கரை ஆலைகளில் ரூ.88½ கோடி மோசடியால் பாதிக்கப்பட்ட விவசாயிகளை கடனில் இருந்து மீட்க நடவடிக்கை எடுக்க வேண்டும் என்று கலெக்டரிடம் கரும்பு விவசாயிகள் கோரிக்கை மனு கொடுத்தனர்.
5. வேலூர் மாவட்டத்தில் வறட்சியால் பாதிக்கப்பட்ட பயிர்களுக்கு இழப்பீடு வழங்க வேண்டும் விவசாயிகள் கோரிக்கை
வேலூர் மாவட்டத்தில் வறட்சியால் பாதிக்கப்பட்ட பயிர்களுக்கு இழப்பீடு வழங்க வேண்டும் என்று விவசாயிகள் மாவட்ட வருவாய் அலுவலரிடம் கோரிக்கை மனு அளித்தனர்.