மாவட்ட செய்திகள்

தெங்குமரஹாடாவில் வீடுபுகுந்து திருடிய வாலிபர் கைது + "||" + In tenkumarahata Home inroads Stolen young man arrested

தெங்குமரஹாடாவில் வீடுபுகுந்து திருடிய வாலிபர் கைது

தெங்குமரஹாடாவில் வீடுபுகுந்து திருடிய வாலிபர் கைது
தெங்குமரஹாடாவில் வீடுபுகுந்து திருடிய வாலிபரை போலீசார் கைது செய்தனர். மேலும் அவரிடம் இருந்த 4 பவுன் நகையை மீட்டனர். இதுகுறித்து போலீசார் தரப்பில் கூறப்படுவதாவது:-
கோத்தகிரி, 

மேட்டுப்பாளையம் அருகே உள்ள தெங்குமரஹாடாவை சேர்ந்தவர் ராமசாமி (வயது 66). விவசாயி. இவருடைய மனைவி வேலாத்தாள் (60). ராமசாமி கடந்த மாதம் 30-ந் தேதி சொந்த வேலையாக பண்ணாரிக்கு சென்றார். வீட்டில் வேலாத்தாள் மட்டும் தனியாக இருந்தார். அவர் சம்பவத்தன்று காலையில் தனது வீட்டை பூட்டி விட்டு தோட்டத்திற்கு வேலைக்கு சென்றுள்ளார். வேலை முடிந்து மாலையில் வீட்டிற்கு வந்தார். அப்போது கதவை உடைத்து வீட்டிற்குள் புகுந்த மர்ம நபர்கள், பீரோவில் இருந்த 4 பவுன் நகையை திருடி சென்றது தெரியவந்தது.

இதுகுறித்து ராமசாமி கொடுத்த புகாரின் பேரில் கோத்தகிரி அருகே உள்ள சோலூர் மட்டம் போலீசார் வழக்குப்பதிவு செய்து விசாரணை நடத்தி வந்தனர்.

இதனை தொடர்ந்து குன்னூர் போலீஸ் துணை சூப்பிரண்டு கிருஷ்ணமூர்த்தி உத்தரவின்படி, கோத்தகிரி இன்ஸ்பெக்டர் பாலசுந்தரம் தலைமையில் சோலூர் மட்டம் சப் இன்ஸ்பெக்டர் வேல்முருகன் மற்றும் போலீசார் அடங்கிய தனிப்படை அமைக்கப்பட்டு விசாரணை மேற்கொண்டு வந்தனர்.

இந்த நிலையில் நேற்று முன்தினம் சந்தேகத்தின் அடிப்படையில் அதே பகுதியை சேர்ந்த பாக்யராஜ் (32) என்பவரை போலீசார் பிடித்து விசாரணை நடத்தினர். இதில் அவர்கள் ராமசாமி வீட்டில் ஆளில்லாததை நோட்டமிட்டு, தனது நண்பர் ஹரி என்பவருடன் சேர்ந்து வீட்டின் கதவை உடைத்து நகையை திருடியதை ஒப்புக்கொண்டார்.

இதையடுத்து போலீசார் அவரை கைது செய்தனர். மேலும் அவர் கொடுத்த தகவலின் பேரில், மறைத்து வைத்திருந்த 4 பவுன் நகையை மீட்டனர். மேலும் இந்த வழக்கில் தலைமறைவாக உள்ள ஹரி என்பவரை போலீசார் தேடி வருகின்றனர்.

தொடர்புடைய செய்திகள்

1. திருக்கோவிலூர் அருகே, உரிய ஆவணமின்றி காரில் கொண்டு வரப்பட்ட 110 கிலோ நாட்டு வெடிகள் பறிமுதல் - வாலிபர் கைது
திருக்கோவிலூர் அருகே உரிய ஆவணமின்றி காரில் கொண்டு வரப்பட்ட நாட்டு வெடிகள் பறிமுதல் செய்யப்பட்டது. இதுதொடர்பாக வாலிபர் ஒருவர் கைது செய்யப்பட்டார்.
2. வில்லியனூர் அருகே, வீடு புகுந்து தொழிலாளி மீது தாக்குதல்
வில்லியனூர் அருகே தொழிலாளி வீடு புகுந்து தாக்கப்பட்டார். அது தொடர்பாக ஒரு வாலிபரை போலீசார் கைது செய்தனர். மேலும் 2 பேரை வலைவீசி தேடி வருகிறார்கள்.
3. சுடுகாட்டில் தொழிலாளி பிணம், குடிபோதையில் அடித்துக்கொன்ற வாலிபர் கைது
காரமடை அருகே சுடுகாட்டில் மதுஅருந்தும்போது குடிபோதையில் ஏற்பட்ட தகராறில் தொழிலாளியை அடித்து கொலை செய்த வாலிபரை போலீசார் கைது செய்தனர்.
4. வேலையை விட்டு நீக்கியதால் கன்டெய்னர் லாரியை கடத்திய வாலிபர் கைது
திருவொற்றியூர் எண்ணூர் விரைவு சாலையில் நிறுத்தி வைக்கப்பட்டிருந்த கன்டெய்னர் லாரியை கடத்தி சென்ற வாலிபரை போலீசார் கைது செய்தனர். வேலையை விட்டு உரிமையாளர் நீக்கியதால் ஆத்திரத்தில் லாரியை கடத்தியது விசாரணையில் தெரியவந்தது.
5. திருவள்ளூர் அருகே பெண்ணுக்கு கொலை மிரட்டல்; வாலிபர் கைது
திருவள்ளூர் அருகே பெண்ணுக்கு கொலை மிரட்டல் விடுத்த வாலிபர் கைது செய்யப்பட்டார்.