<
மராட்டிய பட்ஜெட் 27-ந் தேதி தாக்கல்
மராட்டிய பட்ஜெட் கூட்டத்தொடர் 25-ந்தேதி தொடங்குகிறது. 27-ந்தேதி பட்ஜெட்தாக்கல் செய்யப்படுகிறது.
மும்பை,
மராட்டிய சட்டசபை அலுவல் ஆய்வு கூட்டம் நேற்று நடைபெற்றது. இதில் பட்ஜெட் கூட்டத்தொடர் குறித்த முடிவு எடுக்கப்பட்டது.
அதன்படி பட்ஜெட் கூட்டத்தொடர் வரும் 25-ந்தேதி கவர்னர் வித்யாசாகர் ராவ் உரையுடன் தொடங்குகிறது.
27-ந்தேதி சட்டசபையில் பட்ஜெட் தாக்கல் செய்யப்படுகிறது. அடுத்த நாள்(28-ந் தேதி) பட்ஜெட் மீதான விவாதம் நடைபெறுகிறது. பின்னர் பட்ஜெட் நிறைவேற்றப்படுகிறது.
துணை மானிய கோரிக்கைகளை தவிர்த்து, மாநிலத்தில் இரு அவைகளிலும் வறட்சி குறித்த விவாதம் மார்ச் 1-ந்தேதி தொடங்குகிறது. 2-ந்தேதி அரசின் பதிலுடன் கூட்டத்தொடர் முடிவடையும்.
6 மசோதாக்கள் இந்த கூட்டத்தொடரில் நிறைவேற்றப்படும் என தெரிகிறது.
ஏற்கனவே மந்திரி சபை கூட்டத்தில் பட்ஜெட் கூட்டத்தொடரை 25-ந் தேதி முதல் மார்ச் 1-ந்தேதி வரை நடத்த திட்டமிடப்பட்டது.
இந்தநிலையில் மேலும் ஒருநாள் கூட்டத்தொடர் நீட்டிக்கப்பட்டுள்ளது குறிப்பிடத்தக்கது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
