மாவட்ட செய்திகள்

அரியலூரில் சாலை பாதுகாப்பு குறித்த விழிப்புணர்வு ஊர்வலம் + "||" + Awareness Process of Road Safety in Ariyalur

அரியலூரில் சாலை பாதுகாப்பு குறித்த விழிப்புணர்வு ஊர்வலம்

அரியலூரில் சாலை பாதுகாப்பு குறித்த விழிப்புணர்வு ஊர்வலம்
அரியலூரில் சாலை பாதுகாப்பு குறித்த விழிப்புணர்வு ஊர்வலம் நடைபெற்றது.
அரியலூர், 

அரியலூர் மாவட்ட போலீஸ் சூப்பிரண்டு சீனிவாசன் உத்தரவின் பேரில் சாலை பாதுகாப்பு வார விழாவையொட்டி அரியலூர் பஸ் நிலையம் அருகே போலீசார் சார்பில் விழிப்புணர்வு ஊர்வலம் நடைபெற்றது. இதற்கு கூடுதல் போலீஸ் துணை சூப்பிரண்டு பெரியய்யா தலைமை தாங்கி, கொடியசைத்து ஊர்வலத்தை தொடங்கி வைத்தார். இந்த ஊர்வலம் தேரடி, சத்திரம், திருச்சி சாலை, பிள்ளையார் கோவில் தெரு, வாரச்சந்தை வழியாக சென்று அண்ணா சிலை அருகே முடிவடைந்தது. மேலும் இருசக்கர வாகனம் ஓட்டும் போது ஹெல்மெட் அணிய வேண்டும். சாலை விதிமுறைகளை கடைபிடிக்க வேண்டும்.

துண்டுபிரசுரங்கள்

ஓட்டுனர் உரிமம் இல்லாமல் வாகனம் ஓட்டக்கூடாது. காரில் செல்லும் போது சீட் பெல்ட் அணிய வேண்டும். பஸ்சில் பயணம் செய்யும் போது படியில் நின்று பயணம் செய்ய கூடாது. மது அருந்திவிட்டு வாகனம் ஓட்டக்கூடாது. ஒரு மோட்டார் சைக்கிளில் 3 பேர் செல்ல கூடாது என்பன உள்பட பல்வேறு விழிப்புணர்வு வாசகங்கள் அடங்கிய துண்டுபிரசுரங்கள் பொதுமக்கள், வாகன ஓட்டிகளுக்கு வழங்கப்பட்டது. இதில் பங்கேற்ற போலீசார் ஹெல்மெட் அணிந்தவாறு இருசக்கர வாகனங்களில் ஊர்வலமாக சென்று விழிப்புணர்வு ஏற்படுத்தினர்.

இந்த ஊர்வலத்தில் அரியலூர் சரக துணை போலீஸ் சூப்பிரண்டு மோகன்தாஸ், போலீஸ் இன்ஸ்பெக்டர்அழகேசன், ராம்கோ சிமெண்டு முருகானந்தம் மற்றும் போலீசார், சிமெண்டு ஆலை ஊழியர்கள் உள்பட பலர் கலந்து கொண்டனர். 

தொடர்புடைய செய்திகள்

1. உலக புகைப்பட தின விழாவை முன்னிட்டு ஹெல்மெட் அணிவது குறித்த விழிப்புணர்வு ஊர்வலம் கலெக்டர் தொடங்கி வைத்தார்
உலக புகைப்பட தின விழாவை முன்னிட்டு ஹெல்மெட் அணிவது குறித்த விழிப்புணர்வு ஊர்வலத்தை மாவட்ட கலெக்டர் டி.ஜி.வினய் தொடங்கி வைத்தார்.
2. சேடக்குடிக்காடு சேத்து மாரியம்மன் கோவில் திருவிழா திரளான பக்தர்கள் கலந்து கொண்டனர்
சேடக்குடிக்காடு சேத்து மாரியம்மன் கோவிலில் நடந்த திருவிழாவில் திரளான பக்தர்கள் கலந்து கொண்டனர்.
3. மயிலாடுதுறையை மாவட்டமாக அறிவிக்கக்கோரி 5 ஒன்றியங்களில் விழிப்புணர்வு பிரசாரம் மாவட்ட அமைப்புக்குழு சார்பில் நடந்தது
மயிலாடுதுறையை மாவட்டமாக அறிவிக்கக்கோரி 5 ஒன்றியங்களில் விழிப்புணர்வு பிரசாரம் மாவட்ட அமைப்புக்குழு சார்பில் நடந்தது.
4. மாரியம்மன் கோவிலில் பால்குட ஊர்வலம்
பாடாலூர் அருகே விஜயாபுரத்தில் உள்ள மாரியம்மன் கோவிலில் பால்குட ஊர்வலம் நடைபெற்றது.
5. தில்லை காளியம்மன் கோவிலில் பால்குட ஊர்வலம்
அரியலூர் மாவட்டம், திருமானூர் ஒன்றியத்துக்கு உட்பட்ட அரண்மனைகுறிச்சி கிராமத்தில் தில்லை காளியம்மன் கோவிலில் பால்குட ஊர்வலம் நடைபெற்றது.