மாவட்ட செய்திகள்

திருபுவனத்தில் பா.ம.க. பிரமுகர் கொலை: போலீஸ் தேடிய கார் உரிமையாளர் கைது + "||" + PM in the church Murder killer: Police arrested arrested car owner

திருபுவனத்தில் பா.ம.க. பிரமுகர் கொலை: போலீஸ் தேடிய கார் உரிமையாளர் கைது

திருபுவனத்தில் பா.ம.க. பிரமுகர் கொலை: போலீஸ் தேடிய கார் உரிமையாளர் கைது
திருபுவனத்தில் பா.ம.க. பிரமுகர் கொலை வழக்கில் போலீஸ் தேடிய கார் டிரைவர் கைது செய்யப்பட்டார்.
கும்பகோணம்,

தஞ்சை மாவட்டம் கும்பகோணம் அருகே உள்ள திருபுவனம் துண்டிவிநாயகம் பேட்டையை சேர்ந்தவர் ராமலிங்கம். இவர் திருபுவனம் பகுதி பா.ம.க. முன்னாள் நகர செயலாளர் ஆவார். இவரை கடந்த 5-ந் தேதி இரவு ஒரு கும்பலை சேர்ந்தவர்கள் அரிவாளால் வெட்டி படுகொலை செய்தனர். இதுதொடர்பாக ராமலிங்கத்தின் மகன் ஷியாம்சுந்தர் திருவிடைமருதூர் போலீசில் புகார் கொடுத்தார். அதன் பேரில் போலீசார் வழக்குப்பதிவு செய்து விசாரணை மேற்கொண்டனர்.

தனிப்படை அமைக்கப்பட்டு கொலையாளிகளை போலீசார் தீவிரமாக தேடினர். இந்த வழக்கில் கடந்த 7-ந் தேதி 5 பேர், 9-ந் தேதி 3 பேர் என மொத்தம் 8 பேர் கைது செய்யப்பட்டிருந்தனர்.

கொலை சம்பவம் குறித்து தனிப்படை போலீசார் நடத்திய விசாரணையில் கொலை செய்த கும்பலை சேர்ந்தவர்கள் ஒரு காரில் வந்து, ராமலிங்கத்தை வெட்டி கொலை செய்து விட்டு தப்பி சென்றது தெரியவந்தது. அந்த காரின் உரிமையாளரை போலீசார் வலைவீசி தேடி வந்தனர்.

இதில் கார் தஞ்சை நாஞ்சிக்கோட்டை சாலை பகுதியை சேர்ந்த முகமது இப்ராகீம் (வயது47) என்பவருக்கு சொந்தமானது என்பது தெரியவந்தது. இதையடுத்து முகமது இப்ராகீமை போலீசார் நேற்று கைது செய்தனர். கொலைக்கு பயன்படுத்தப்பட்ட கார் அவரிடம் இருந்து பறிமுதல் செய்யப்பட்டது.

கைது செய்யப்பட்ட முகமது இப்ராகீமை, கும்பகோணம் கோர்ட்டில் போலீசார் ஆஜர்படுத்தினர். முன்னதாக அவருக்கு கும்பகோணம் அரசு மருத்துவமனையில் மருத்துவ பரிசோதனைகள் மேற்கொள்ளப்பட்டன.

அவரை நீதிபதி சண்முகப்பிரியா வருகிற 20-ந் தேதி வரை காவலில் வைக்க உத்தரவிட்டார். இதையடுத்து அவர் திருச்சி மத்திய சிறையில் அடைக்கப்பட்டார். முன்னதாக அவருக்கு கும்பகோணம் அரசு மருத்துவமனையில் மருத்துவ பரிசோதனைகள் மேற்கொள்ளப்பட்டன. கொலை சம்பவம் தொடர்பாக இதுவரை 9 பேர் கைது செய்யப்பட்டுள்ளனர் என்பது குறிப்பிடத்தக்கது.

தொடர்புடைய செய்திகள்

1. சேலத்தில் முன்விரோதம் காரணமாக தலையில் கல்லை போட்டு தொழிலாளி படுகொலை - வாலிபர் கைது
சேலத்தில் முன்விரோதம் காரணமாக தலையில் கல்லை போட்டு தொழிலாளியை கொன்ற வாலிபரை போலீசார் கைது செய்தனர்.
2. 8 வயது சிறுமியை பலாத்காரம் செய்து கொன்ற, விவசாயிக்கு இரட்டை ஆயுள் தண்டனை - வேலூர் மகளிர் கோர்ட்டு தீர்ப்பு
அரக்கோணம் அருகே 8 வயது சிறுமியை பாலியல் பலாத்காரம் செய்து கொன்ற வழக்கில் விவசாயிக்கு இரட்டை ஆயுள் தண்டனை விதித்து வேலூர் மகளிர் கோர்ட்டு தீர்ப்பு வழங்கியது. மேலும் சிறுமியின் குடும்பத்திற்கு ரூ.5 லட்சம் இழப்பீடு வழங்கவும் உத்தரவிடப்பட்டுள்ளது.
3. சேர்ந்து வாழ மறுத்த பெண் கொலை: முன்னாள் கவுன்சிலருக்கு விதித்த ஆயுள் தண்டனையை ஐகோர்ட்டு உறுதி செய்தது
தன்னுடன் சேர்ந்து வாழ மறுத்த பெண்ணை கொன்ற முன்னாள் கவுன்சிலருக்கு தஞ்சை கோர்ட்டு விதித்த ஆயுள் தண்டனையை உறுதி செய்து மதுரை ஐகோர்ட்டு உத்தரவிட்டது.
4. கேலி செய்ததை கண்டித்ததால் தீர்த்து கட்டினேன் முதியவர் கொலையில் கைதானவர் வாக்குமூலம்
கேலி செய்ததை கண்டித்ததால் தீர்த்து கட்டினேன் என்று முதியவர் கொலையில் கைதான வாலிபர் வாக்குமூலம் அளித்துள்ளார்.
5. மகள் தற்கொலைக்கு காரணமான அரசு பஸ் கண்டக்டரை கழுத்தை அறுத்து கொன்ற ஆட்டோ டிரைவர் போலீசார் கைது செய்தனர்
மகள் தற்கொலைக்கு காரணமான அரசு பஸ் கண்டக்டரை கழுத்தை அறுத்து கொலை செய்த ஆட்டோ டிரைவரை போலீசார் கைது செய்தனர்.