மாவட்ட செய்திகள்

கலெக்டர் அலுவலகத்தில் 2 குழந்தைகளுடன் தாய் தீக்குளிக்க முயற்சி + "||" + The mother is trying to fire with the kids in the collector's office

கலெக்டர் அலுவலகத்தில் 2 குழந்தைகளுடன் தாய் தீக்குளிக்க முயற்சி

கலெக்டர் அலுவலகத்தில் 2 குழந்தைகளுடன் தாய் தீக்குளிக்க முயற்சி
மதுரை கலெக்டர் அலுவலகத்தில் 2 குழந்தைகளுடன் தாய் தீக்குளிக்க முயன்றதால் பரபரப்பு ஏற்பட்டது.

மதுரை,

மதுரை கலெக்டர் அலுவலகத்தில் பொது மக்கள் குறைத்தீர்க்கும் கூட்டம் நேற்று நடந்தது. இந்த கூட்டத்தில் மனு கொடுப்பதற்காக மாவட்டத்தின் பல்வேறு பகுதிகளில் இருந்து ஏராளமானோர் வந்திருந்தனர்.

இந்த நிலையில் 2 குழந்தைகளுடன் வந்திருந்த பெண் ஒருவர், பையில் மறைத்து வைத்திருந்த மண்எண்ணெய் பாட்டிலை எடுத்து தன் மீது ஊற்றினார். பின்னர் தனது குழந்தைகள் மீதும் ஊற்ற முயற்சித்தார். அப்போது அருகில் இருந்தவர்கள் அதிர்ச்சி அடைந்து கூச்சலிட்டனர். சத்தம் கேட்டு பாதுகாப்புக்கு இருந்த போலீசார் விரைந்து வந்து அந்த பெண்ணிடம் இருந்து பாட்டிலை பறித்தனர். பின்னர் அவரை விசாரணைக்காக அழைத்து சென்றனர்.

விசாரணையில் அவர் சோழவந்தான் அருகே உள்ள நெடுங்குளம் கிராமத்தை சேர்ந்த பஞ்சவர்ணம் என்பது தெரியவந்தது.

அவரது கணவர் அருள்முருகன், கடந்த சில ஆண்டுகளுக்கு முன்பு இறந்து விட்டார். எனவே பஞ்சவர்ணம் தனது குழந்தைகள் முத்துதாஸ் (வயது12), கருப்பசாமி (9) ஆகியோருடன் தாய் வீட்டில் வசித்து வருகிறார்.

ஆனால் வீட்டில் இருந்து வெளியேறும்படி சகோதரர்கள் தொடர்ந்து துன்புறுத்தி வருகிறார்களாம். இது குறித்து பஞ்சவர்ணம் போலீசில் புகார் செய்தும் போலீசார் நடவடிக்கை எடுக்கவில்லை. எனவே விரக்தி அடைந்த பஞ்சவர்ணம், குழந்தைகளுடன் கலெக்டர் அலுவலகத்தில் தீக்குளிக்க முயற்சித்தது விசாரணையில் தெரிய வந்துள்ளது.


தொடர்புடைய செய்திகள்

1. கடன் தொல்லையால், காருக்குள் இருந்தபடி நகைக்கடை உரிமையாளர், தீக்குளித்து தற்கொலை
கடன் தொல்லையால், காருக்குள் இருந்தபடி நகைக்கடை உரிமையாளர் தீக்குளித்து தற்கொலை செய்து கொண்டார்.
2. ஈரோட்டில் பயங்கரம் தாயை அடித்துக்கொன்று மகன் தற்கொலை
ஈரோட்டில் தாயை அடித்துக்கொன்று மகன் தற்கொலை செய்துகொண்டார்.
3. வீட்டு செலவுக்கு பணம் கேட்டு மனைவி திட்டியதால் விஷம் தின்று தொழிலாளி தற்கொலை
மயிலாடுதுறை அருகே வீட்டு செலவுக்கு பணம் கேட்டு மனைவி திட்டியதால் தொழிலாளி விஷம் தின்று தற்கொலை செய்து கொண்டார்.
4. 5 வயதிற்கு உட்பட்ட அனைத்து குழந்தைகளுக்கும் உப்பு, சர்க்கரை பொட்டலங்கள் கலெக்டர் தகவல்
புதுக்கோட்டை மாவட்டத்தில் வருகிற 28-ந் தேதி முதல் 5 வயதிற்கு உட்பட்ட அனைத்து குழந்தைகளுக்கும் வீடு, வீடாக சென்று வாய்வழி உப்பு, சர்க்கரை பொட்டலங்கள் வழங்கப்பட உள்ளது என கலெக்டர் உமா மகேஸ்வரி தெரிவித்து உள்ளார்.
5. குடும்பத்தோடு தற்கொலை செய்த தொழில் அதிபர் வங்கிகளில் வாங்கிய கடன் விவரம் சேகரிப்பு கணக்காளரிடம் விசாரிக்க போலீஸ் முடிவு
நாகர்கோவிலில் குடும்பத்தோடு தற்கொலை செய்த தொழில் அதிபர் வங்கிகளில் வாங்கிய கடன் விவரங்களை போலீசார் சேகரித்து வருகிறார்கள். மேலும் அவருடைய கணக்காளரிடமும் விசாரணை நடத்த போலீசார் முடிவு செய்துள்ளனர்.