மாவட்ட செய்திகள்

திருமுல்லைவாயல் அருகே இளம்பெண் தூக்குப்போட்டு தற்கொலை ஆர்.டி.ஓ. விசாரணை + "||" + Young woman committed suicide by hanging herself RTO Inquiry

திருமுல்லைவாயல் அருகே இளம்பெண் தூக்குப்போட்டு தற்கொலை ஆர்.டி.ஓ. விசாரணை

திருமுல்லைவாயல் அருகே இளம்பெண் தூக்குப்போட்டு தற்கொலை ஆர்.டி.ஓ. விசாரணை
திருமுல்லைவாயல் அருகே திருமணமாகி 1½ ஆண்டு களான இளம்பெண் தூக்குப்போட்டு தற்கொலை செய்து கொண்டார். இதனால் ஆர்.டி.ஓ. விசாரணை நடக்கிறது.
ஆவடி,

திருமுல்லைவாயல் மாசிலாமனீஸ்வரர் நகரை சேர்ந்தவர் மணிகண்டன் (வயது 28). இவரது மனைவி அபிராமி (20). இவர்களது சொந்த ஊர் சேலம் ஆகும். இவர்கள் வாடகை வீட்டில் வசித்து வந்தனர். மணிகண்டன் காட்டூர் பகுதியில் உள்ள சிட்கோவில் உள்ள தனியார் கம்பெனியில் வேலை செய்கிறார். அபிராமி அண்ணனூர் பகுதியில் உள்ள ஒரு போட்டோ ஸ்டுடியோவில் வேலை செய்து வந்தார்.

திருமணமாகி 1½ ஆண்டு ஆகியும் குழந்தைகள் இல்லை. இந்நிலையில் மணிகண்டன் நேற்று முன்தினம் காலையில் வேலைக்கு சென்றுவிட்டார். அபிராமி உடல்நிலை சரியில்லை என்று கூறி வீட்டில் இருந்தார். இவர்களுடன் வசிக்கும் அபிராமியின் மாமியார் ஜெயா வீட்டு வேலைக் காக வெளியே சென்று விட்டார்.

இந்நிலையில் வீட்டு வேலை முடிந்து மதியம் ஜெயா வீட்டுக்கு திரும்பி வந்தபோது, அபிராமி மின்விசிறியில் தூக்கில் பிணமாக தொங்கிக் கொண்டிருப்பதை கண்டு அதிர்ச்சி அடைந்தார்.

இதுகுறித்து தகவல் கிடைத்ததும், திருமுல்லைவாயல் போலீசார் சம்பவ இடத்திற்கு சென்று அபிராமி உடலை மீட்டு பிரேத பரிசோதனைக் காக சென்னை கீழ்ப்பாக்கம் அரசு மருத்துவமனைக்கு அனுப்பி வைத்தனர்.

இதுகுறித்து, திருமுல்லைவாயல் போலீசில் அபிராமியின் பெற்றோர் புகார் கொடுத்தனர். புகாரின் அடிப்படையில் போலீசார் வழக்குப்பதிவு செய்து அபிராமியின் தற்கொலைக்கான காரணம் குறித்து விசாரித்து வருகின்றனர். அபிராமிக்கு திருமணமாகி 1½ ஆண்டுகள் ஆவதால் ஆர்.டி.ஓ. விசாரணை நடக்கிறது.

தொடர்புடைய செய்திகள்

1. திருமணத்துக்கு மறுத்ததால் காதலன் வீட்டு முன்பு இளம்பெண் தற்கொலை முயற்சி
திருமணத்துக்கு மறுத்ததால் காதலன் வீட்டு முன்பு இளம்பெண் தற்கொலை முயற்சியில் ஈடுபட்டார்.
2. குடும்ப கட்டுப்பாடு செய்த பெண் சாவு: நெல்லை மருத்துவக்குழு பரிசோதனைக்கு பிறகு உடல் உறவினர்களிடம் ஒப்படைப்பு
குடும்ப கட்டுப்பாடு செய்த பிறகு இறந்த பெண்ணின் உடல் நெல்லை மருத்துவக்குழு பரிசோதனைக்கு பிறகு உறவினர்களிடம் ஒப்படைக்கப்பட்டது.
3. குடும்ப கட்டுப்பாடு ஆபரே‌ஷன் செய்துகொண்ட இளம்பெண் சாவு: வெளிமாவட்ட டாக்டர் குழுவை கொண்டு பிரேத பரிசோதனை
அரசு ஆஸ்பத்திரியில் குடும்ப கட்டுப்பாடு ஆபரே‌ஷன் செய்து கொண்டு இறந்த இளம்பெண் உடலை வெளி மாவட்ட டாக்டர் குழுவை கொண்டு பிரேத பரிசோதனை செய்ய வேண்டும் என்று கலெக்டரிடம் உறவினர்கள் மனு கொடுத்தனர்.
4. அரசு ஆஸ்பத்திரியில் குடும்ப கட்டுப்பாடு ஆபரேஷன் செய்து கொண்ட இளம்பெண் திடீர் சாவு
நாகர்கோவில் ஆசாரிபள்ளம் அரசு ஆஸ்பத்திரியில் குடும்ப கட்டுப்பாடு ஆபரேஷன் செய்து கொண்ட இளம்பெண் திடீரென்று இறந்தார். உடலை வாங்க மறுத்து உறவினர்கள் போராட்டம் நடத்தினார்கள்.
5. கொலை மிரட்டல் விடுத்ததால் இளம்பெண் தீக்குளிப்பு தந்தை-மகன் கைது
மயிலாடுதுறை அருகே கொலைமிரட்டல் விடுத்ததால் மன முடைந்த இளம்பெண் தீக்குளித்தார். இது குறித்து தந்தை-மகனை போலீசார் கைது செய்தனர்.

ஆசிரியரின் தேர்வுகள்...