மாவட்ட செய்திகள்

மானியத்தில் மாட்டுத்தீவனங்கள் வழங்கக்கோரி சாலையில் பாலை கொட்டி விவசாயிகள் ஆர்ப்பாட்டம் + "||" + Demanding cow feeders in subsidy Farmers demonstrated the milk on the road

மானியத்தில் மாட்டுத்தீவனங்கள் வழங்கக்கோரி சாலையில் பாலை கொட்டி விவசாயிகள் ஆர்ப்பாட்டம்

மானியத்தில் மாட்டுத்தீவனங்கள் வழங்கக்கோரி சாலையில் பாலை கொட்டி விவசாயிகள் ஆர்ப்பாட்டம்
மானியத்தில் மாட்டுத்தீவனங்கள் வழங்கக்கோரி மதுரை உசிலம்பட்டியில் பால் உற்பத்தியாளர் சங்கத்தை சேர்ந்த விவசாயிகள் சாலையில் பாலை கொட்டி ஆர்ப்பாட்டத்தில் ஈடுபட்டனர்.

உசிலம்பட்டி,

மதுரை மாவட்டத்தில் கடந்த 5 ஆண்டுகளுக்கு மேலாக கடும் வறட்சி நிலவி வருகிறது. விவசாயிகள் பலரும் பயிர் சாகுபடி பணிகளை விட்டு, கால்நடை வளர்ப்பில் ஈடுபட்டுள்ளனர். அதனை நம்பியே தற்போது பிழைப்பு நடத்தி வருகின்றனர். இதற்கிடையே தவிடு, புண்ணாக்கு, வைக்கோல் உள்ளிட்ட மாட்டுத்தீவனம் விலை பல மடங்காக உயர்ந்துள்ளது. இதனால் மாட்டுத்தீவனங்களை முழு மானியத்தில் வழங்க வேண்டும், பால் கொள்முதல் விலையை உயர்த்தி விவசாயிகள் நலன் காக்க வேண்டும் என்று பலமுறை அரசுக்கு கோரிக்கை மனு விடுத்து வருகின்றனர்.

இந்தநிலையில் உசிலம்பட்டியில் பால் உற்பத்தியாளர்கள் சங்கத்தை சேர்ந்த விவசாயிகள், பால் கொள்முதல் விலையை உயர்த்த வேண்டும், மாட்டுத்தீவனங்களை மானிய விலையில் வழங்க வேண்டும். பிரதம பால் கூட்டுறவு சங்கங்களில் பணிபுரியும் பணியாளர்களுக்கு ஆவின் மூலம் மதிப்பூதியம் வழங்க வேண்டும். சத்துணவு திட்டத்தில் முட்டை வழங்குவது போன்று, விவசாயிகள் வழங்கும் பாலை கொள்முதல் செய்து மாணவர்களுக்கு வழங்க வேண்டும், மதுரை மாவட்ட மக்கள் பலரும் விவசாயத்திற்கு அடுத்தப்படியாக கால்நடைகளை நம்பி பிழைப்பு நடத்தி வருகின்றனர். எனவே கால்நடைகளை வளர்ப்பதற்கான அனைத்து உதவிகளையும் வழங்க வேண்டும் என்பது உள்பட பல்வேறு கோரிக்கைகளை வலியுறுத்தி நேற்று ஆர்ப்பாட்டத்தில் ஈடுபட்டனர்.

இந்த ஆர்ப்பாட்டத்திற்கு மாவட்ட தலைவர் வெண்மணிச்சந்திரன் தலைமை தாங்கினார். மாநில பொதுச்செயலாளர் முகமதுஅலி, மாவட்ட செயலாளர் முத்துப்பாண்டி ஆகியோர் கலந்து கொண்டு சிறப்புரையாற்றினர். இதில் பால் உற்பத்தியாளர் சங்கத்தை சேர்ந்த 200–க்கும் மேற்பட்ட விவசாயிகள் கறவை மாடுகளுடன் கலந்துகொண்டனர்.

ஆர்ப்பாட்டத்தை தொடர்ந்து விவசாயிகள் சிலர் சாலையில் பாலை கொட்டி தங்களது கோரிக்கைகளை நிறைவேற்ற வேண்டும் என்று வலியுறுத்தினர்.


தொடர்புடைய செய்திகள்

1. விவசாயிகளுக்கு ரூ.6 ஆயிரம் வழங்கும் திட்டம் மோடிக்கு வாக்குகளை பெற்றுத்தரும் - ஆய்வில் தகவல்
விவசாயிகளுக்கு ரூ.6 ஆயிரம் வழங்கும் திட்டம் மோடிக்கு வாக்குகளை பெற்றுத்தரும் என ஆய்வு ஒன்றில் தெரிவிக்கப்பட்டுள்ளது.
2. மத்திய அரசின் நிதி திட்டத்தில் பயன்பெறும் விவசாயிகள் பட்டியல் கிராம நிர்வாக அலுவலகங்களில் ஒட்டப்பட்டுள்ளது கலெக்டர் தகவல்
மத்திய அரசின் நிதி திட்டத்தில் பயன் பெறும் விவசாயிகளின் பட்டியல் கிராம நிர்வாக அலுவலகங்களில் ஒட்டப்பட்டுள்ளது என்று கலெக்டர் ஜெயகாந்தன் தெரிவித்தார்.
3. ஊக்கத்தொகை பெற விவசாயிகள் உரிய விண்ணப்பிக்கலாம் மாவட்ட கலெக்டர் வீரராகவ ராவ் தகவல்
பிரதம மந்திரி கிஷான் சம்மான் நிதி திட்டத்தின்கீழ் ஊக்கத்தொகை பெறுவதற்கு தகுதியான விவசாயிகள் உரிய ஆவணங்களுடன் விண்ணப்பிக்கலாம் என மாவட்ட கலெக்டர் வீரராகவ ராவ் தெரிவித்துள்ளார்.
4. மத்தியில் ராகுல் காந்தி தலைமையில் ஆட்சி அமைந்தவுடன் விவசாய கடன்கள் தள்ளுபடி செய்யப்படும் காங்கிரஸ் கட்சியின் அகில இந்திய செயலாளர் சஞ்சய்தத் பேச்சு
மத்தியில் ராகுல்காந்தி தலைமையில் காங்கிரஸ் கட்சி ஆட்சி அமைந்தவுடன் விவசாய கடன்கள் தள்ளுபடி செய்யப்படும் என்று காங்கிரஸ் கட்சியின் அகில இந்திய செயலாளர் சஞ்சய்தத் கூறினார்.
5. பல்வேறு இடங்களில் கவர்னர் கிரண்பெடிக்கு எதிராக கண்டன ஆர்ப்பாட்டம்
புதுச்சேரியில் பல்வேறு இடங்களில் கவர்னர் கிரண்பெடிக்கு எதிராக கண்டன ஆர்ப்பாட்டம் நடைபெற்றன.

ஆசிரியரின் தேர்வுகள்...