மாவட்ட செய்திகள்

சமணர் அடையாளங்களை பாரம்பரிய சின்னங்களாக அறிவிக்காதது ஏன்? ஐகோர்ட்டு கேள்வி + "||" + Why do not the Jain symbols be declared as traditional symbols? High Court QUESTION

சமணர் அடையாளங்களை பாரம்பரிய சின்னங்களாக அறிவிக்காதது ஏன்? ஐகோர்ட்டு கேள்வி

சமணர் அடையாளங்களை பாரம்பரிய சின்னங்களாக அறிவிக்காதது ஏன்? ஐகோர்ட்டு கேள்வி
சமணர் அடையாளங்களை பாரம்பரிய சின்னங்களாக அறிவிக்காதது ஏன்? என்று தொல்லியல் துறை அதிகாரிகளுக்கு மதுரை ஐகோர்ட்டு கேள்வி எழுப்பியது.

மதுரை,

மதுரை சமணர் பழங்கால மையத்தின் செயலாளர் ஆனந்தராஜ், மதுரை ஐகோர்ட்டில் தாக்கல் செய்த மனுவில், ‘தமிழகத்தில் 450–க்கும் அதிகமாக சமணர் அடையாள சின்னங்கள் உள்ளன. 2 ஆயிரம் ஆண்டுக்கு முன்பே தமிழ் பாரம்பரியத்தில் சமணர்கள் பங்கெடுத்ததற்கு சிலப்பதிகாரம், வளையாபதி இலக்கியங்கள் சான்றாக உள்ளன. மதுரையில் மட்டும் 26 சமணர் குகைகளும், 140 கல் படுகைகளும் உள்ளன. இந்த சான்றுகள் கி.மு.300 முதல் கி.பி.900–க்கும் இடைப்பட்ட காலத்தை சேர்ந்தவை.

இந்த குகை, கல்படுகைகளில் வட்டெழுத்துக்கள், தமிழ் பிராமி எழுத்துக்கள் காணப்படுகின்றன. தமிழ்மொழி 2 ஆயிரம் ஆண்டுகள் பழமையானது என்பதற்கு சான்றாக இருக்கும் சமணர் குகைகளையும், படுகைகளையும் பாதுகாக்க மத்திய, மாநில அரசுகள் நடவடிக்கை எடுக்கவில்லை. குவாரி நடவடிக்கைகளால் சமணர் அடையாள சின்னங்கள் சிதைக்கப்படுகின்றன.

இதனால் மதுரையில் உள்ள சமணர் அடையாளங்களை ஆய்வு செய்ய நிபுணர் குழு அமைக்கவும், யானைமலை, திருப்பரங்குன்றம், உள்ளிட்ட இடங்களில் உள்ள சமணர் அடையாள சின்னங்களை பாதுகாக்க போதிய பணியாளர்களை நியமிக்கவும் உத்தரவிட வேண்டும்.

இவ்வாறு மனுவில் கூறப்பட்டிருந்தது.

இந்த வழக்கு நீதிபதிகள் என்.கிருபாகரன், எஸ்.எஸ்.சுந்தர் ஆகியோர் முன்பு நேற்று விசாரணைக்கு வந்தது.

அப்போது நீதிபதிகள், “பழமையான வரலாறு தொடர்பாக 1 லட்சம் கல்வெட்டுகள் உள்ளன. இதில் 55 ஆயிரம் கல்வெட்டுகள் தமிழ் தொடர்பானவை. தமிழின் தொன்மைக்கு சான்றாக இருக்கும் அடையாளங்களை பாதுகாக்கவும், பராமரிக்கவும் தவறியது அதிர்ச்சி அளிக்கிறது. பழமை குறித்து பெருமை பேசுகிறோம். ஆனால் பாதுகாக்க தவறிவிடுகிறோம்“ என்றனர்.

விசாரணை முடிவில் நீதிபதிகள் பிறப்பித்த உத்தரவு வருமாறு:–

மதுரையில் உள்ள சமணர் அடையாளங்கள் அனைத்தையும் பாரம்பரிய சின்னங்களாக அறிவிக்காதது ஏன்? பாரம்பரிய சின்னங்களாக அறிவிக்காமல் இருக்கும் வரலாற்று சான்றுகள் எங்கெங்கு உள்ளன? அவை எப்போது பாரம்பரிய சின்னங்களாக அறிவிக்கப்படும்? பாரம்பரிய நினைவுச்சின்னங்களை பாதுகாக்க என்ன நடவடிக்கை எடுக்கப்பட்டுள்ளது? பாதுகாப்புக்காக எத்தனை பணியாளர்கள் நியமிக்கப்பட்டுள்ளனர்? என்பது தொடர்பாக மத்திய, மாநில தொல்லியல்துறை அதிகாரிகள் மார்ச் மாதம் 4–ந்தேதி அறிக்கை தாக்கல் செய்ய வேண்டும்.

இவ்வாறு நீதிபதிகள் உத்தரவிட்டனர்.


தொடர்புடைய செய்திகள்

1. சட்டவிரோத மணல் குவாரியை அனுமதித்த அதிகாரிகள் ரூ.75 லட்சம் டெபாசிட் செய்ய வேண்டும் மதுரை ஐகோர்ட்டு அதிரடி உத்தரவு
மணல் கடத்தலுக்கு உதவிய எத்தனை அதிகாரிகள் குண்டர் சட்டத்தில் கைது செய்யப்பட்டுள்ளனர்? என்று மதுரை ஐகோர்ட்டு அதிரடி கேள்வி எழுப்பியது. மேலும், சட்டவிரோத மணல் குவாரிக்கு அனுமதி வழங்கிய அதிகாரிகள் ரூ.75 லட்சம் டெபாசிட் செய்யவும் உத்தரவிட்டது.
2. கள ஆய்வு செய்யாமல் பட்டா வழங்கினால் அதிகாரிகள் மீது நடவடிக்கை மதுரை ஐகோர்ட்டு உத்தரவு
முறையாக விசாரிக்காமல், கள ஆய்வு செய்யாமல் பட்டா வழங்கினால் அதிகாரிகள் மீது துறை ரீதியிலான நடவடிக்கை எடுக்க வேண்டும் என்று மதுரை ஐகோர்ட்டு உத்தரவிட்டுள்ளது.
3. “வாரிசு அரசியலை கட்சிகள் ஊக்கப்படுத்துகின்றன” மதுரை ஐகோர்ட்டு நீதிபதிகள் கருத்து
வாரிசு அரசியலை பல்வேறு அரசியல் கட்சிகள் ஊக்கப்படுத்துவதாக மதுரை ஐகோர்ட்டு நீதிபதிகள் கருத்து தெரிவித்தனர்.
4. பழனி கோவில் கிரிவலப்பாதை ஆக்கிரமிப்புகளை இன்றைக்குள் அகற்ற வேண்டும் திண்டுக்கல் கலெக்டருக்கு, ஐகோர்ட்டு உத்தரவு
பழனி கோவில் கிரிவலப்பாதை ஆக்கிரமிப்புகளை இன்று மாலைக்குள் அகற்ற வேண்டும் என்று திண்டுக்கல் கலெக்டர், போலீஸ் சூப்பிரண்டுக்கு மதுரை ஐகோர்ட்டு உத்தரவிட்டுள்ளது.
5. ஆக்கிரமிப்பாளர்களிடம் இருந்து பாதுகாக்க கோவில் சொத்து விவரங்களை ஆன்லைனில் பதிவேற்றம் செய்யலாம் மதுரை ஐகோர்ட்டு நீதிபதிகள் கருத்து
கோவில் சொத்துகளை ஆக்கிரமிப்பாளர்களிடம் இருந்து பாதுகாக்க, சொத்து விவரங்களை ஆன்லைனில் பதிவேற்றம் செய்யலாம் என்று மதுரை ஐகோர்ட்டு நீதிபதிகள் தெரிவித்தனர்.