மாவட்ட செய்திகள்

சம்பள உயர்வு கோரி ரப்பர் தோட்ட தொழிலாளர்கள் ஆர்ப்பாட்டம் + "||" + Rubber plantation workers demanded a wage increase

சம்பள உயர்வு கோரி ரப்பர் தோட்ட தொழிலாளர்கள் ஆர்ப்பாட்டம்

சம்பள உயர்வு கோரி ரப்பர் தோட்ட தொழிலாளர்கள் ஆர்ப்பாட்டம்
சம்பள உயர்வு கோரி ரப்பர் தோட்ட தொழிலாளர்கள் வேலைநிறுத்தப் போராட்டம் மற்றும் ஆர்ப்பாட்டத்திலும் ஈடுபட்டனர்.
நாகர்கோவில்,

குமரி மாவட்டத்தில் அரசு ரப்பர் கழக தொழிலாளர்கள் 1-12-2016 முதல் வழங்க வேண்டிய சம்பள உயர்வு கோரி பலகட்டங்களாக ரப்பர் கழக அதிகாரிகளுடன் பேச்சுவார்த்தை நடத்தி வந்தனர். இந்தநிலையில் இடைக்கால நிவாரணமாக ரூ.23-ஐ அவர்களுடைய சம்பளத்தில் உயர்த்தி வழங்க அரசால் அறிவிப்பு வெளியிடப்பட்டது.


இதற்கிடையே இடைக்கால நிவாரணமாக அறிவிக்கப்பட்ட ரூ.23-ஐ சம்பள உயர்வாக அறிவித்து அரசாணை பிறப்பிக்கப்பட்டுள்ளதாக கூறப்படுகிறது. எனவே அரசு ரப்பர் கழக தொழிலாளர்களுக்கு உடனடியாக நியாயமான ஊதிய உயர்வை வழங்க வேண்டும் என்று கோரி நேற்று தொ.மு.ச., சி.ஐ.டி.யு., ஐ.என்.டி.யு.சி., மதசார்பற்ற ஜனதாதளம் உள்ளிட்ட தொழிற்சங்கங்களின் ஒருங்கிணைப்புக்குழு சார்பில் ஒரு நாள் அடையாள வேலைநிறுத்த போராட்டம் நடந்தது.

இதையொட்டி நாகர்கோவில் வடசேரியில் உள்ள அரசு ரப்பர் கழக நிர்வாக இயக்குனர் அலுவலகம் முன் ஆர்ப்பாட்டமும் நடந்தது. ஆர்ப்பாட்டத்தில் தொ.மு.ச. நிர்வாகிகள் இளங்கோ, ஞானதாஸ், ஐ.என்.டி.யு.சி. மாவட்ட தலைவர் அனந்தகிருஷ்ணன், சி.ஐ.டி.யு. தோட்ட தொழிலாளர்கள் சங்க பொதுச்செயலாளர் வல்சலம், பி.எம்.எஸ். மாவட்ட தலைவர் குமாரதாஸ், குமரி மாவட்ட மதசார்பற்ற ஜனதாதளம் தோட்ட தொழிலாளர் சங்க தலைவர் ஞானதாஸ் உள்பட பலர் கலந்து கொண்டு கோரிக்கைகளை வலியுறுத்தி பேசினார்கள். அவர்களுக்கு ஆதரவாக குமரி கிழக்கு மாவட்ட காங்கிரஸ் தலைவர் வக்கீல் ராதாகிருஷ்ணன் கலந்து கொண்டார். ஆர்ப்பாட்டத்தில் கோரிக்கைகளை வலியுறுத்தி கோஷங்களும் எழுப்பப்பட்டன. இதில் ஏராளமான ரப்பர் தோட்ட தொழிலாளர்களும் கலந்து கொண்டனர்.

ரப்பர் கழக தொழிலாளர்களின் வேலைநிறுத்த போராட்டத்தையொட்டி நேற்று ரப்பர் பால்வெட்டும் தொழில் உள்ளிட்ட பல்வேறு பணிகள் பாதிக்கப்பட்டது.

தொடர்புடைய செய்திகள்

1. முத்துப்பேட்டை அருகே எந்திரங்கள் பழுதால் 2 வாக்குச்சாவடிகளில், 5 மணி நேரம் தாமதமாக தொடங்கிய வாக்குப்பதிவு
முத்துப்பேட்டை அருகே மின்னணு வாக்குப்பதிவு எந்திரங்களில் ஏற்பட்ட பழுது காரணமாக 2 வாக்குச்சாவடிகளில் 5 மணி நேரம் வாக்குப்பதிவு தாமதமாக தொடங்கியது. ஒரு வாக்குச்சாவடியில் வாக்காளர்கள் தர்ணா போராட்டத்தில் ஈடுபட்டதால் பரபரப்பு ஏற்பட்டது.
2. செருமங்கலத்தில் அடிப்படை வசதிகள் செய்து தரக்கோரி காலிக்குடங்களுடன் கிராம மக்கள் ஆர்ப்பாட்டம்
செருமங்கலத்தில் அடிப்படை வசதிகள் செய்து தரக்கோரி காலிக்குடங்களுடன் கிராம மக்கள் ஆர்ப்பாட்டத்தில் ஈடுபட்டனர்.
3. தேர்தல் துணை கலெக்டர் பணியிடத்தை நிரப்பக்கோரி வருவாய்த்துறை அலுவலர்கள் ஆர்ப்பாட்டம்
தேர்தல் துணை கலெக்டர் பணியிடத்தை நிரப்பக்கோரி நாகையில் வருவாய்த்துறை அலுவலர்கள் ஆர்ப்பாட்டத்தில் ஈடுபட்டனர்.
4. விடுதலை சிறுத்தைகள் கட்சியினர் ஆர்ப்பாட்டம்
விடுதலை சிறுத்தைகள் கட்சி சார்பில், அக்கட்சி மாவட்ட துணை செயலாளர் சந்திர பாண்டியன் தாக்கப்பட்டதை கண்டித்தும், குற்றவாளிகளை கைது செய்ய வலியுறுத்தியும் கண்டன ஆர்ப்பாட்டம் கறம்பக்குடி சீனிக்கடை முக்கத்தில் நடைபெற்றது.
5. சுட்டெரிக்கும் வெயிலால் உப்பு உற்பத்தி அதிகரிப்பு போதிய விலை இல்லாததால் தொழிலாளர்கள் கவலை
குமரி மாவட்டத்தில் சுட்டெரிக்கும் வெயிலால் உப்பு உற்பத்தி அதிகரித்துள்ளது. போதிய விலை இல்லாததால் உப்பளத் தொழிலாளர்கள் கவலை அடைந்துள்ளனர்.