மாவட்ட செய்திகள்

ராஜபாளையத்தில் பரிதாபம் பள்ளிக்கு சென்ற பிளஸ்–1 மாணவர் லாரி மோதி சாவு + "||" + In Rajapalayam A student who went to school death of Lorry collide

ராஜபாளையத்தில் பரிதாபம் பள்ளிக்கு சென்ற பிளஸ்–1 மாணவர் லாரி மோதி சாவு

ராஜபாளையத்தில் பரிதாபம் பள்ளிக்கு சென்ற பிளஸ்–1 மாணவர் லாரி மோதி சாவு
ராஜபாளையத்தில் லாரி மோதியதில், பள்ளிக்கு சென்ற பிளஸ்–1 மாணவர் பரிதாபமாக உயிரிழந்தார்.

ராஜபாளையம்,

ராஜபாளையம் சின்னசுரைக்காய் பட்டியை சேர்ந்தவர் சுரேஷ். கூலி தொழிலாளியான இவருக்கு 2 மகன்கள். மூத்த மகன் அஜய்குமார்(வயது16) சத்திரப்பட்டி சாலையில் உள்ள தனியார் பள்ளியில் பிளஸ்–1 படித்தார். இரண்டாவது மகன் மாதேஷ் ஜவஹர் மைதானம் அருகே உள்ள தனியார் பள்ளியில் 3– ம் வகுப்பு படித்து வருகிறான்.

அஜய்குமார் தனது வீட்டில் இருந்து நடந்து சென்று, பழைய பஸ் நிலையத்தில் இருந்து பஸ் மூலம் பள்ளிக்கு செல்வது வழக்கம். வழக்கம் போல தனது வீட்டில் இருந்து நேற்று பஸ் நிலையத்திற்கு சென்று கொண்டிருந்த போது, எதிரே கோவையில் இருந்து, நெல்லை மாவட்டம் அம்பாசமுத்திரத்திற்கு அட்டை பாரம் ஏற்றி சென்று கொண்டிருந்த லாரி எதிர்பாராத விதமாக மாணவர் மீது மோதியது.

லாரி சக்கரத்தில் சிக்கி அஜய்குமார் உடல் நசுங்கினார். ரத்த வெள்ளத்தில் கிடந்த அவரை ஆம்புலன்ஸ் மூலம் அரசு மருத்துவமனைக்கு கொண்டு சென்றனர். அங்கு பரிசோதனை செய்த டாக்டர்கள் மாணவர் ஏற்கெனவே இறந்து விட்டதாக தெரிவித்தனர்.

இதனை அடுத்து லாரி டிரைவர் அம்பாசமுத்திரத்தை சேர்ந்த சிவா என்பவரை கைது செய்த வடக்கு போலீசார் விபத்து குறித்து விசாரித்து வருகின்றனர்.நடந்து சென்ற மாணவர் லாரி மோதி பலியான சம்பவம், ராஜபாளையம் பகுதி மக்கள் மற்றும் பள்ளி மாணவர்களிடையே பெரும் சோகத்தை ஏற்படுத்தி உள்ளது.


தொடர்புடைய செய்திகள்

1. கோவிலுக்கு தீர்த்தம் எடுக்க வந்தபோது காவிரி ஆற்றில் மூழ்கி 2 பேர் சாவு மேலும் ஒரு வாலிபரை தேடும் பணி தீவிரம்
கோவிலுக்கு தீர்த்தம் எடுக்க வந்தபோது காவிரி ஆற்றில் மூழ்கி 2 பேர் பரிதாபமாக இறந்தனர். மேலும் ஒரு வாலிபரை தேடும் பணி தீவிரமாக நடைபெற்று வருகிறது.
2. சத்தியமங்கலம் அருகே பொக்லைன் எந்திரம்– கார் மோதல்; 2 பேர் பரிதாப சாவு
சத்தியமங்கலம் அருகே பொக்லைன் எந்திரம்–கார் மோதிக்கொண்ட விபத்தில் 2 பேர் பரிதாபமாக இறந்தார்கள்.
3. காஷ்மீரில் பாதுகாப்பு படையினருடன் நடந்த துப்பாக்கி சண்டையில் பயங்கரவாதி பலி
காஷ்மீர் பண்டிபோரா பகுதியில் நடந்த துப்பாக்கி சண்டையில் பாதுகாப்பு படையினர் ஒரு பயங்கரவாதியை சுட்டுக்கொன்றனர். பணய கைதியாக பிடித்துவைத்திருந்த ஒருவரை மீட்டனர். மற்றொருவரை மீட்க முயற்சி நடக்கிறது.
4. மோட்டார் சைக்கிளில் சென்ற புகைப்பட கலைஞர் பலி தனியார் கல்லூரி பஸ் மோதியது
கூத்தாநல்லூர் அருகே மோட்டார் சைக்கிளில் சென்ற புகைப்பட கலைஞர், தனியார் கல்லூரி பஸ் மோதி இறந்தார்.
5. கொடிவேரி அணையில் மூழ்கி வாலிபர் சாவு பண்ணாரி கோவிலுக்கு வந்தபோது சோகம்
பண்ணாரி கோவிலுக்கு வந்துவிட்டு கொடிவேரி சென்ற வாலிபர் ஒருவர் அணையில் மூழ்கி பரிதாபமாக இறந்தார்.