மாவட்ட செய்திகள்

கொள்கைகளுக்கானது அல்ல: அ.தி.மு.க.-பா.ஜனதா கொள்ளை கூட்டணி கி.வீரமணி கடும்தாக்கு + "||" + Not for policies AIADMK - BJP Looting coalition

கொள்கைகளுக்கானது அல்ல: அ.தி.மு.க.-பா.ஜனதா கொள்ளை கூட்டணி கி.வீரமணி கடும்தாக்கு

கொள்கைகளுக்கானது அல்ல: அ.தி.மு.க.-பா.ஜனதா கொள்ளை கூட்டணி கி.வீரமணி கடும்தாக்கு
நாடாளுமன்ற தேர்தலை முன்னிட்டு கொள்கைகளுக்காக அல்லாமல் அ.தி.மு.க.-பாரதீய ஜனதா கொள்ளை கூட்டணி அமைத்துள்ளதாக கி.வீரமணி கூறினார்.
புதுச்சேரி,

புதுச்சேரி அண்ணா திடலில் காரை சி.மு. சிவம் நூற்றாண்டு மாநாடு நேற்று நடைபெற்றது. மாநாட்டிற்கு அமைச்சர் கமலக்கண்ணன் தலைமை தாங்கினார். சிவா எம்.எல்.ஏ., முன்னாள் அமைச்சர் விசுவநாதன் ஆகியோர் முன்னிலை வகித்தனர். மாநாட்டினை முதல்-அமைச்சர் நாராயணசாமி தொடங்கி வைத்தார். இதில் திராவிடர் கழக தலைவர் கி.வீரமணி கலந்துகொண்டு காரை சி.மு.சிவம் நூற்றாண்டு விழா மலரை வெளியிட்டார். அதனை முதல்-அமைச்சர் நாராயணசாமி பெற்றுக்கொண்டார்.


மாநாட்டில் முதல்-அமைச்சர் நாராயணசாமி பேசியதாவது:-

மக்கள் சக்திதான் மகத்தான சக்தி. தேர்தலில் எந்த கட்சி வெற்றி பெற வேண்டும் என்பதை மக்கள் தான் தீர்மானிப்பார்கள். ஒரு கட்சியை பற்றி ஊழல் குற்றச்சாட்டு கூறியவர்களே அந்த கட்சியுடன் கைக்கோர்த்து கூட்டணி அமைத்துக்கொள்கிறார்கள். இது சந்தர்ப்பவாத கூட்டணியாகும். மக்களுக்காக போராட வேண்டிய கடமை முதல்-அமைச்சருக்கு உண்டு. உரிமையை பெறுவதற்காகவே கவர்னர் மாளிகை முன்பு 39 கோரிக்கைகளுக்காக தர்ணா போராட்டத்தில் ஈடுபட்டோம். முக்கியமான 9 கோரிக்கைகளை நிறைவேற்றுவதற்கான நடவடிக்கைகள் எடுக்கப்பட்டு வருகிறது.

முன்னதாக திராவிடர் கழக தலைவர் கி.வீரமணி நிருபர்களிடம் கூறும்போது, “புதுச்சேரிக்கு மாநில அந்தஸ்து கட்டாயம் தேவை. நாடாளுமன்ற தேர்தலையொட்டி தமிழகம் மற்றும் புதுவையில் அ.தி.மு.க. மற்றும் பா.ஜனதா கூட்டணி கொள்கைக்காக அமைக்கப்படாமல் கொள்ளைக்காகவே அமைக்கப்பட்டுள்ளது” என்றார்.

முன்னதாக திராவிட கழக புதுவை மாநில தலைவர் சிவ.வீரமணி வரவேற்றார். இதில் சாதி, மத மறுப்பு திருமணம் செய்து கொண்ட தம்பதிகளை பாராட்டி பரிசுகளும், பெரியார் தொண்டர்களுக்கு நினைவு பரிசுகளும் வழங்கப்பட்டன. கலைமகள் இயல் பட்டறை சார்பில் பறை நிகழ்ச்சியும், தந்தை பெரியார் தொண்டால் அதிகம் பயன்பெற்றோர் ஆண்களா? பெண்களா? என்ற தலைப்பில் பட்டிமன்றமும் நடைபெற்றது. இந்த நிகழ்ச்சியில் மாநில, மண்டல, மாவட்ட திராவிடர் கழக நிர்வாகிகள் மற்றும் பல்வேறு கட்சி மற்றும் இயக்கங்களை சேர்ந்த தலைவர்கள் கலந்துகொண்டனர். முடிவில் அழகரசன் நன்றி கூறினார்.

தொடர்புடைய செய்திகள்

1. தென்கொரியாவில் கத்திக்குத்து தாக்குதலில் சிறுமி உள்பட 5 பேர் பலி: காரணம் என்ன? பரபரப்பு தகவல்கள்
தென்கொரியாவில் கத்திக்குத்து தாக்குதலில் சிறுமி உள்பட 5 பேர் பலியாயினர். இதற்கான காரணம் குறித்த தகவல்கள் வெளியாகி உள்ளன.
2. கொடுத்த பணத்தை திருப்பி கேட்ட கணவன்-மனைவி மீது தாக்குதல், ஒருவர் கைது
கொடுத்த பணத்தை திருப்பி கேட்ட கணவன்-மனைவியை தாக்கியவர் கைது செய்யப்பட்டார்.
3. ரபேல் விவகாரத்தில் ராகுல் காந்திக்கு எதிராக கோர்ட்டு அவமதிப்பு வழக்கு : சுப்ரீம் கோர்ட்டில் பா.ஜனதா தொடர்ந்தது
ரபேல் விவகாரத்தில் ராகுல் காந்திக்கு எதிராக சுப்ரீம் கோர்ட்டில் பா.ஜனதா சார்பில் அவமதிப்பு வழக்கு தொடரப்பட்டது.
4. கொள்கை இல்லை, கொள்ளை மட்டுமே நோக்கம்: எதிர்க்கட்சிகளின் கூட்டணி ஒரு பிணி - அமைச்சர் செல்லூர் ராஜூ பேட்டி
எதிர்க்கட்சிகளுக்கு கொள்கை இல்லை, கொள்ளை அடிப்பது மட்டுமே நோக்கம் என்றும், அவர்களுடையது கூட்டணி அல்ல பிணி என்றும் அமைச்சர் செல்லூர் ராஜூ கூறினார்.
5. திருப்பதி கோவிலில் தங்க கிரீடங்களை கொள்ளையடித்த ஆசாமி கைது
திருப்பதி கோவிலில் தங்க கிரீடங்களை கொள்ளையடித்த ஆசாமி மும்பையில் வைத்து கைது செய்யப்பட்டார்.