மாவட்ட செய்திகள்

பட்டுக்கோட்டை- திருவாரூர் அகல ரெயில் பாதையில் தென்னக ரெயில்வே கூடுதல் பொது மேலாளர் ஆய்வு + "||" + Southern Railway Additional general manager reviewed the Pattukottai-Tiruvarur-wide railway line

பட்டுக்கோட்டை- திருவாரூர் அகல ரெயில் பாதையில் தென்னக ரெயில்வே கூடுதல் பொது மேலாளர் ஆய்வு

பட்டுக்கோட்டை- திருவாரூர் அகல ரெயில் பாதையில் தென்னக ரெயில்வே கூடுதல் பொது மேலாளர் ஆய்வு
பட்டுக்கோட்டை- திருவாரூர் அகல ரெயில்பாதையில் தென்னகரெயில்வே கூடுதல் பொது மேலாளர் ஆய்வு செய்தார்.
பட்டுக்கோட்டை,

சிவகங்கை மாவட்டம் காரைக்குடியில் இருந்து திருவாரூர் வரை அகல ரெயில் பாதை அமைக்கும் பணி கடந்த 6 ஆண்டுகளாக நடைபெற்று முதலில் காரைக்குடி- பட்டுக்கோட்டை ரெயில்பாதை பணிகள் நிறைவு பெற்றது. இதைத்தொடர்ந்து கடந்த 6 மாதங்களாக வாரத்தில் திங்கள், வியாழக்கிழமைகளில் மட்டும் பட்டுக்கோட்டையில் இருந்து காரைக்குடி வரை பயணிகள் ரெயில் சேவை நடைபெற்று வருகிறது. தற்போது 75 கிலோ மீட்டர் தூரத்துக்கு பட்டுக்கோட்டை முதல் திருவாரூர் வரை அகல ரெயில் பாதை அமைக்கும் பணிகள் நிறைவடைந்துள்ளது.


இதைத்தொடர்ந்து நேற்று காலை பட்டுக்கோட்டை- திருவாரூர் அகலரெயில் பாதையில் ரெயில் என்ஜின் வெள்ளோட்டம் மூலம் அதிகாரிகள் ஆய்வுப்பணியில் ஈடுபட்டனர். தென்னக ரெயில்வே கூடுதல் பொது மேலாளர் ஏ.கே.மிஸ்ரா, திருச்சி கோட்ட ரெயில்வே மேலாளர் ஏ.உதயகுமார் ரெட்டி, முதன்மை பொறியாளர் இளம்பூரணம், துணை முதன்மை பொறியாளர் ஜே.சாம்சன்விஜயகுமார் மற்றும் ரெயில்வே அதிகாரிகள் இந்த ஆய்வுப்பணியில் ஈடுபட்டனர். பட்டுக்கோட்டை ரெயில் நிலையத்தில் காலை 10 மணிக்கு தொடங்கிய ஆய்வு அதிராம்பட்டினம், முத்துப்பேட்டை, திருத்துறைப்பூண்டு வழியாக திருவாரூரில் மதியம் 1 மணிக்கு நிறைவடைந்தது. ஆய்வின் போது தண்டவாளத்தில் அதிர்வுகள் ஏற்படுகிறதா? கோளாறுகள் ஏதாவது உள்ளதா? என அதிகாரிகள் கவனித்தனர்.

முன்னதாக பட்டுக்கோட்டை ரெயில் நிலையத்தில் ரெயில்வே அதிகாரிகளை பட்டுக்கோட்டை வட்ட ரெயில் பயணிகள் நல சங்க தலைவர் என்.ஜெயராமன், செயலாளர் வ.விவேகானந்தம், துணைத்தலைவர் கா.லெட்சுமிகாந்தன், பொருளாளர் பி.சுந்தரராஜுலு, உறுப்பினர்கள் மற்றும் பொதுமக்கள் வரவேற்றனர். பட்டுக்கோட்டை- திருவாரூர் இடையே ரெயில்சேவை தொடங்கும் தினத்தை இப்பகுதி மக்கள் ஆவலுடன் எதிர்பார்த்து உள்ளனர். பட்டுக்கோட்டை- திருவாரூர் வழித்தடத்தில் வருகிற 21, 22, 23-ந் தேதிகளில் ரெயில் சோதனை ஓட்டம் நடைபெறும் என்று தெரிகிறது.

தொடர்புடைய செய்திகள்

1. ரெயில் என்ஜினில் திடீர் கோளாறு பயணிகள் கடும் அவதி
மதுரை–ராமேசுவரம் பயணிகள் ரெயில் என்ஜினில் கோளாறு ஏற்பட்டதால் மண்டபம் முகாம் ரெயில்வே நிலையத்திலேயே நிறுத்தி வைக்கப்பட்டது. இதனால் பயணிகள் கடும் அவதி அடைந்தனர்.
2. ராமேசுவரம் ரெயில் நிலையத்தில் இலவச பேட்டாரி கார்கள் விரைவில் இயக்கம்
வயதானவர்கள் மற்றும் மாற்றுத்திறனாளிகள் செல்ல வசதியாக ராமேசுவரம் ரெயில் நிலையத்தில் இலவசமாக பேட்டாரி கார்கள் விரைவில் இயக்கப்பட உள்ளன.
3. வழிதெரியாமல் சென்றதால் விபரீதம்: தண்டவாளத்தில் சிக்கிக்கொண்ட கார் மீது சரக்கு ரெயில் மோதல் இறங்கி ஓடியதால் 5 பேர் தப்பினர்
உடுமலை அருகே வழி தெரியாமல் சென்றதால் தண்டவாளத்தில் சிக்கி கொண்ட கார் மீது சரக்கு ரெயில் மோதியது. காரில் இருந்தவர்கள் சரக்கு ரெயில் மோதுவதற்கு முன் இறங்கி ஓடியதால் அதிர்ஷ்டவசமாக 5 பேரும் உயிர் தப்பினர்.
4. பட்டுக்கோட்டை- திருவாரூர் இடையே ரெயில் சேவை தொடங்குவது எப்போது? பயணிகள் எதிர்பார்ப்பு
பட்டுக்கோட்டை- திருவாரூர் அகல ரெயில் பாதை பணிகள் நிறைவடைந்து அதிவேக சிறப்பு ரெயில் சோதனை ஒட்டம் முடிவடைந்துள்ளதால் ரெயில் போக்குவரத்து எப்போது தொடங்கும்? என பொதுமக்கள் எதிர்பார்த்து காத்திருக்கிறார்கள்.
5. மதுரை கோட்ட ரெயில்வே மேலாளராக தமிழகத்தை சேர்ந்த அதிகாரியை நியமிக்க வலியுறுத்தல்
மதுரை கோட்ட ரெயில்வே மேலாளராக தமிழகத்தை சேர்ந்த அதிகாரியை நியமிக்க வேண்டும் என்று பல்வேறு தரப்பில் இருந்தும் வலியுறுத்தப்பட்டுள்ளது.