மாவட்ட செய்திகள்

ஒகேனக்கல் காவிரி ஆற்றில் மூழ்கி 2 பேர் சாவு - உறவினர் இறுதி சடங்குக்கு சென்ற போது பரிதாபம் + "||" + Hogenakkal Cauvery River Sinking 2 Dead - Relatives Coming to the funeral

ஒகேனக்கல் காவிரி ஆற்றில் மூழ்கி 2 பேர் சாவு - உறவினர் இறுதி சடங்குக்கு சென்ற போது பரிதாபம்

ஒகேனக்கல் காவிரி ஆற்றில் மூழ்கி 2 பேர் சாவு - உறவினர் இறுதி சடங்குக்கு சென்ற போது பரிதாபம்
உறவினர் இறுதி சடங்குக்கு சென்ற போது ஒகேனக்கல் காவிரி ஆற்றில் மூழ்கி 2 பேர் பரிதாபமாக இறந்தனர்.
பென்னாகரம்,

நாமக்கல் மாவட்டம் பள்ளிபாளையம் பகுதியை சேர்ந்தவர் மாது. இவருடைய தந்தை கடந்த சில நாட்களுக்கு முன்பு இறந்து விட்டார். இதையடுத்து மாது குடும்பத்தினர் மற்றும் உறவினர்கள் 30 பேருடன் தந்தைக்கு இறுதி சடங்கு செய்வதற்காக ஒரு வேனில் தர்மபுரி மாவட்டம் ஒகேனக்கல்லுக்கு நேற்று சென்றார். ஆலாம்பாடி பகுதியில் காவிரி ஆற்றில் அவர்கள் இறுதி சடங்கு செய்தனர். பின்னர் மாது தனது மகன் செல்வம் (வயது 29), சேலம் மாவட்டம் தாரமங்கலம் அருகே உள்ள புதுகாடம்பட்டியை சேர்ந்த ஏழுமலை மகன் மாரிமுத்து(17) மற்றும் உறவினர்களுடன் காவிரி ஆற்றில் குளித்தார்.


அப்போது சிறுவன் மாரிமுத்து காவிரி ஆற்றில் ஆழமான பகுதிக்கு நீந்தி சென்ற போது திடீரென தண்ணீரில் மூழ்கினான். இதனால் அதிர்ச்சி அடைந்த செல்வம், காவிரி ஆற்றில் நீந்தி சென்று சிறுவனை காப்பாற்ற முயன்றார். அப்போது செல்வமும் தண்ணீரில் மூழ்கினார். இதுகுறித்து ஒகேனக்கல் போலீஸ் நிலையத்திற்கும், தீயணைப்பு நிலையத்திற்கும் தகவல் தெரிவிக்கப்பட்டது.

அதன்பேரில் தீயணைப்பு படை வீரர்கள் விரைந்து சென்று காவிரி ஆற்றில் தேடினர். அப்போது சிறுவன் மாரிமுத்து, செல்வம் ஆகிய 2 பேரும் தண்ணீரில் மூழ்கி இறந்து விட்டது தெரியவந்தது. இதையடுத்து தீயணைப்பு படை வீரர்கள் இறந்த 2 பேரின் உடல்களையும் மீட்டு கரைக்கு கொண்டு வந்தனர். அப்போது இறுதி சடங்கு நிகழ்ச்சிக்கு வந்த மாதுவின் குடும்பத்தினர் கதறி அழுதனர். இதையடுத்து சம்பவ இடத்திற்கு வந்த போலீசார் 2 பேரின் உடல்களையும் கைப்பற்றி பிரேத பரிசோதனைக்காக பென்னாகரம் அரசு ஆஸ்பத்திரிக்கு அனுப்பி வைத்தனர். மேலும் இதுதொடர்பாக போலீசார் வழக்குப்பதிவு செய்து விசாரணை நடத்தி வருகின்றனர். இறந்த உறவினரின் இறுதி சடங்கு நிகழ்ச்சிக்கு சென்ற போது காவிரி ஆற்றில் மூழ்கி 2 பேர் இறந்த சம்பவம் அந்த பகுதியில் பெரும் சோகத்தை ஏற்படுத்தியது.


தொடர்புடைய செய்திகள்

1. ஒகேனக்கல்லுக்கு நீர்வரத்து வினாடிக்கு 75 ஆயிரம் கனஅடியாக குறைந்தது
ஒகேனக்கல்லுக்கு நீர்வரத்து வினாடிக்கு 75 ஆயிரம் கனஅடியாக குறைந்தது.
2. நீர்வரத்து வினாடிக்கு 3 லட்சம் கனஅடியாக அதிகரிப்பு, வெள்ளக்காடாக மாறிய ஒகேனக்கல் - வீடுகளை தண்ணீர் சூழ்ந்தது
காவிரி ஆற்றில் நீர்வரத்து வினாடிக்கு 3 லட்சம் கனஅடியாக அதிகரித்துள்ளதால் ஒகேனக்கல் வெள்ளக்காடாக மாறியது. 10-க்கும் மேற்பட்ட வீடுகளை வெள்ளம் சூழ்ந்ததால் பரபரப்பு ஏற்பட்டது.
3. ஒகேனக்கலுக்கு நீர்வரத்து விநாடிக்கு 3 லட்சம் கனஅடி, வேகமாக நிரம்புகிறது மேட்டூர் அணை -வெள்ள அபாய எச்சரிக்கை விடுப்பு
ஒகேனக்கலுக்கு நீர்வரத்து விநாடிக்கு 3 லட்சம் கனஅடியாக அதிகரித்து உள்ளது. மேட்டூர் அணை வேகமாக நிரம்புகிறது.
4. கர்நாடக அணைகளில் இருந்து, காவிரியில் திறக்கப்பட்ட தண்ணீர் பிலிகுண்டுலு வந்தது
கர்நாடக அணைகளில் இருந்து காவிரி ஆற்றில் திறந்து விடப்பட்ட தண்ணீர் நேற்று பிலிகுண்டுலுவை வந்தடைந்தது. இதனால் ஒகேனக்கல்லுக்கு நீர்வரத்து வினாடிக்கு 40 ஆயிரம் கனஅடியாக அதிகரித்துள்ளது.
5. நீர்வரத்து குறைந்ததால் ஒகேனக்கல் காவிரி ஆற்றில் பரிசல் இயக்க தடை நீக்கம்
நீர்வரத்து குறைந்ததால் ஒகேனக்கல் காவிரி ஆறுறில் பரிசல் இயக்க விதிக்கப்பட்ட தடை நீக்கப்பட்டது. இதையடுத்து சுற்றுலா பயணிகள் பரிசலில் சென்று மகிழ்ந்தனர்.