மாவட்ட செய்திகள்

பாப்ஸ்கோ ஊழியர்கள் பணிக்கு வராததால் கியாஸ் சிலிண்டர்களுடன் பொதுமக்கள் சாலைமறியல் + "||" + Because Bobsco employees do not come to work Public road traffic with Kyas cylinders

பாப்ஸ்கோ ஊழியர்கள் பணிக்கு வராததால் கியாஸ் சிலிண்டர்களுடன் பொதுமக்கள் சாலைமறியல்

பாப்ஸ்கோ ஊழியர்கள் பணிக்கு வராததால் கியாஸ் சிலிண்டர்களுடன் பொதுமக்கள் சாலைமறியல்
பாப்ஸ்கோ ஊழியர்கள் பணிக்கு வராததால் கியாஸ் சிலிண்டர்களுடன் பொதுமக்கள் சாலைமறியலில் ஈடுபட்டனர்.
புதுச்சேரி,

புதுவை தட்டாஞ்சாவடியில் பாப்ஸ்கோ கியாஸ் முன்பதிவு மையம் செயல்பட்டு வருகிறது. இங்கு அரசின் இலவச திட்டத்தில் கியாஸ் இணைப்பு பெற்றவர்களுக்கு முன்பதிவு செய்யப்பட்டு சிலிண்டர்கள் சப்ளை செய்யப்படுகிறது.

இந்த பணியில் ஈடுபட்டு வரும் பாப்ஸ்கோ ஊழியர்களுக்கு பல மாதங்களாக சம்பளம் வழங்கப்படாத நிலை உள்ளது. இதனால் அவர்கள் அவ்வப்போது வேலைநிறுத்த போராட்டத்தில் ஈடுபட்டு வருகின்றனர். இந்தநிலையில் நேற்று முன்தினம் முதல் அவர்கள் வேலை நிறுத்த போராட்டத்தில் ஈடுபட்டு வருகின்றனர்.

இத்தகைய சூழ்நிலையில் நேற்று காலை கியாஸ் சிலிண்டர்கள் பெறுவதற்காக ஏராளமான பொதுமக்கள் காலி சிலிண்டர்களுடன் அங்கு வந்திருந்தனர். ஆனால் கியாஸ் பதிவு செய்யும் ஊழியர்கள் யாரும் வேலை நிறுத்தம் காரணமாக வரவில்லை. சற்று நேரம் பொறுத்து பார்த்த பொதுமக்கள் காலி சிலிண்டர்களுடன் திடீர் சாலைமறியலில் ஈடுபட்டனர். இதனால் அந்த பகுதியில் போக்குவரத்து பாதிக்கப்பட்டது.

இதுகுறித்து தகவல் கிடைத்ததும் அங்கு விரைந்து வந்த கோரிமேடு போலீசார், மறியலில் ஈடுபட்டவர்களை கைது செய்வோம் என்று எச்சரித்தனர். இதனால் சாலைமறியலை கைவிட்ட பொதுமக்கள் பாப்ஸ்கோ தலைமை அலுவலகம் முன்பு சென்று போராட்டத்தில் ஈடுபட்டனர்.

அவர்களிடம் பேச்சுவார்த்தை நடத்திய பாப்ஸ்கோ அதிகாரிகள் முன்பதிவுக்கு ஏற்பாடு செய்வதாக உறுதியளித்தனர். அதைத்தொடர்ந்து போராட்டத்தில் ஈடுபட்டவர்கள் அமைதியாக கலைந்துசென்றனர்.

தொடர்புடைய செய்திகள்

1. பயிர்க்காப்பீட்டு தொகை வழங்கக்கோரி விவசாயிகள் சாலைமறியல் போக்குவரத்து பாதிப்பு
பயிர்க்காப்பீட்டு தொகை வழங்கக்கோரி கீழச்சேரியில் விவசாயிகள் சாலைமறியலில் ஈடுபட்டனர். இதனால் அந்தபகுதியில் போக்குவரத்து பாதிக்கப்பட்டது.
2. ஓசூர் அருகே கர்நாடக எல்லையில் காங்கிரஸ் கட்சியினர் சாலைமறியல் - போக்குவரத்து பாதிப்பு
ஓசூர் அருகே கர்நாடக எல்லையில் காங்கிரஸ் கட்சியினர் சாலைமறியல் போராட்டத்தில் ஈடுபட்டனர். இதனால் போக்குவரத்து பாதிக்கப்பட்டது.
3. 2 பேரை கத்தியால் வெட்டி அட்டகாசம் போதை வாலிபர்களை கைது செய்யக்கோரி பொதுமக்கள் சாலைமறியல்
திருவண்ணாமலை அருகே 2 பேரை கத்தியால் வெட்டி அட்டகாசத்தில் ஈடுபட்ட போதை வாலிபர்களை கைது செய்யக்கோரி பொதுமக்கள் மறியலில் ஈடுபட்டனர்.
4. விக்கிரவாண்டி அருகே, குடிநீர் கேட்டு பொதுமக்கள் சாலை மறியல் - போக்குவரத்து பாதிப்பு
விக்கிரவாண்டி அருகே குடிநீர் கேட்டு பொது மக்கள் சாலைமறியலில் ஈடுபட்டனர். இதனால் அங்கு போக்குவரத்து பாதிக்கப்பட்டது.
5. நாமக்கல் அருகே அடிக்கடி மின்தடை ஏற்படுவதை கண்டித்து பொதுமக்கள் சாலைமறியல்
நாமக்கல் அருகே அடிக்கடி மின்தடை ஏற்படுவதை கண்டித்து பொதுமக்கள் சாலைமறியல் போராட்டத்தில் ஈடுபட்டனர்.