மாவட்ட செய்திகள்

பொள்ளாச்சி பாலியல் வழக்கு சி.பி.சி.ஐ.டி. விசாரணை தொடங்கியது, சம்பவம் நடந்த இடத்தில் போலீஸ் உயர் அதிகாரிகள் ஆய்வு + "||" + Pollachi Sexual Case CBCID The investigation began, The incident took place The police reviewed the high officials

பொள்ளாச்சி பாலியல் வழக்கு சி.பி.சி.ஐ.டி. விசாரணை தொடங்கியது, சம்பவம் நடந்த இடத்தில் போலீஸ் உயர் அதிகாரிகள் ஆய்வு

பொள்ளாச்சி பாலியல் வழக்கு சி.பி.சி.ஐ.டி. விசாரணை தொடங்கியது, சம்பவம் நடந்த இடத்தில் போலீஸ் உயர் அதிகாரிகள் ஆய்வு
பொள்ளாச்சி பாலியல் வழக்கு தொடர்பாக சி.பி.சி.ஐ.டி. பெண் போலீஸ் சூப்பிரண்டு விசாரணையை தொடங்கினார். மேலும் சம்பவம் நடந்த இடத்தில் போலீஸ் உயர் அதிகாரிகள் ஆய்வு செய்தனர்.
கோவை,

பொள்ளாச்சியில் மாணவிகள், இளம்பெண்களை ஏமாற்றி காதல் வலையில் வீழ்த்தி, சீரழித்த வழக்கில் பொள்ளாச்சி மாக்கினாம்பட்டியை சேர்ந்த நிதிநிறுவன அதிபர் திருநாவுக்கரசு (வயது 27), அவருடைய நண்பர்கள் என்ஜினீயர் சபரிராஜன் (27), சதீஷ் (27) மற்றும் வசந்தகுமார் (27) ஆகிய 4 பேரை போலீசார் கைது செய்தனர்.

அவர்களின் பின்னணியில் மேலும் சிலர் இருப்பதாகவும், அவர்களை தப்பிக்க வைக்க போலீசார் முயற்சி செய்வதாகவும் குற்றச்சாட்டு எழுந்தது. இந்த வழக்கை வேறு பிரிவுக்கு மாற்ற வேண்டும் என்றும், பெண் அதிகாரி தலைமையில் விசாரணை நடத்த வேண்டும் என்றும் கோரிக்கை வலுத்தது. இதையடுத்து இந்த வழக்கு சி.பி.சி.ஐ.டி. பிரிவுக்கு மாற்றப்பட்டது.

இதையடுத்து சி.பி.சி.ஐ.டி. போலீஸ் சூப்பிரண்டு நிஷா பார்த்திபன் தலைமையில், போலீசார் நேற்று முன்தினம் இரவில் கோவை வந்தனர். பின்னர் அவர்கள் இந்த வழக்கில் விசாரணை நடத்திய போலீசாரிடம் வழக்கு குறித்து கேட்டறிந்தனர். இந்த நிலையில் சி.பி.சி.ஐ.டி. போலீஸ் ஐ.ஜி. ஸ்ரீதர் நேற்று காலை கோவை வந்தார்.

பின்னர் அவர் கோவை மாவட்ட போலீஸ் சூப்பிரண்டு பாண்டியராஜனிடம் இந்த வழக்கு குறித்த விவரத்தை கேட்டறிந்தார். அப்போது போலீஸ் சூப்பிரண்டு நிஷா பார்த்திபனும் உடன் இருந்தார். அத்துடன் பொள்ளாச்சி போலீஸ் துணை சூப்பிரண்டு ஜெயராமன், இன்ஸ்பெக்டர் நடேசன் மற்றும் போலீசாரிடமும் ஐ.ஜி. விசாரணை நடத்தினார்.

அப்போது இந்த வழக்கில் பறிமுதல் செய்யப்பட்ட ஆவணங்களை மாவட்ட போலீஸ் சூப்பிரண்டு பாண்டியராஜன், சி.பி.சி.ஐ.டி. போலீசிடம் ஒப்படைத்தார். அதன்பின்னர் சி.பி.சி.ஐ.டி. போலீஸ் ஐ.ஜி. ஸ்ரீதர் நிருபர்களிடம் கூறியதாவது:-

இந்த வழக்கை விசாரிக்க போலீஸ் சூப்பிரண்டு நிஷா பார்த்திபன் தலைமையில் ஒரு போலீஸ் துணை சூப்பிரண்டு, 5 இன்ஸ்பெக்டர்கள் மற்றும் போலீசார் நியமிக்கப்பட்டு உள்ளனர். வழக்கு தொடர்பாக ஆவணங்களை பெற்று, பல்வேறு கோணங்களில் விசாரணை நடத்தி வருகிறோம்.

இப்போதுதான் நாங்கள் முதற்கட்ட விசாரணையை தொடங்கி உள்ளதால், இதில் யாருக்கு எல்லாம் தொடர்பு இருக்கிறது என்பதை கூற முடியாது. விசாரணை நடத்தினால்தான் முழு விவரமும் தெரிய வரும். எனவே இந்த சம்பவத்தில் யாருக்கு எல்லாம் தொடர்பு இருக்கிறதோ அவர்கள் அனைவரும் கண்டிப்பாக கைது செய்யப்படுவார்கள்.

கைதான 4 பேரும் தற்போது கோவை மத்திய சிறையில் உள்ளனர். அவர்களை போலீஸ் காவலில் எடுத்து விசாரணை செய்ய முடிவு செய்து உள்ளோம். இதில் சில சிக்கல்கள் இருப்பதாக கூறப்படுகிறது. எனவே இதுதொடர்பாக சட்ட நிபுணர்களுடன் ஆலோசனை செய்து 4 பேரையும் காவலில் எடுத்து விசாரணை செய்வோம்.

இந்த வழக்கு விரைவில் விசாரித்து முடிக்கப்படும். இந்த வழக்கை சி.பி.ஐ.க்கு மாற்ற முடிவு செய்து இருப்பதால் விசாரணை எவ்விதத்திலும் பாதிக்காது. சி.பி.ஐ.க்கு மாற்றினால் எங்களிடம் உள்ள ஆவணங்களை ஒப்படைப்போம்.

மேலும் இந்த வழக்கில் தேவைப்பட்டால் பாதிக்கப்பட்ட பெண்களிடம் விசாரணை நடத்தப்படும். பறிமுதல் செய்யப்பட்ட செல்போனில் என்னென்ன வீடியோக்கள் இருந்தன என்பதை தெரிந்து கொள்ள ஆய்வுக்கு அனுப்பி வைக்கப்பட்டு இருக்கிறது. ஆய்வு அறிக்கை வந்ததும் அதை வைத்து விசாரணை மேற்கொள்ளப்படும்.

போலீசார் நடத்திய விசாரணை சரியாக இல்லை என்று கூறுகிறார்கள். தற்போதுதான் நாங்கள் விசாரணையை தொடங்கி இருக்கிறோம். எனவே உடனடியாக எதுவும் சொல்ல முடியாது. போலீஸ் சூப்பிரண்டு தலைமையில் விசாரணை நடப்பதால், விசாரணை நேர்மையாகதான் இருக்கும்.

எனவே பாரபட்சம் இல்லாமல் நேர்மையாக விசாரணை நடத்தப்படும். மேலும் பல வீடியோக்கள் இருப்பதாக கூறுகிறார்கள். யாரிடமாவது வீடியோ இருந்தால் அதை எங்களிடம் தாராளமாக கொடுக்கலாம். உயர் அதிகாரிகள் தலைமையில் விசாரணை நடப்பதால் அரசியல் அழுத்தம் கொடுக்க முடியாது. விசாரணை முடிவில்தான் அரசியல்வாதிகளுக்கு தொடர்பு இருக்கிறதா என்பதை கூற முடியும்.

இவ்வாறு அவர் கூறினார்.

பின்னர் நேற்று மாலையில் சி.பி.சி.ஐ.டி. ஐ.ஜி. ஸ்ரீதர், போலீஸ் சூப்பிரண்டு நிஷா பார்த்திபன் மற்றும் போலீசார் ஆனைமலை அருகே உள்ள சின்னப்பம்பாளையத்தில் உள்ள திருநாவுக்கரசின் பண்ணை வீட்டுக்கு சென்றனர். ஊரின் ஒதுக்குப்புறத்தில் இருக்கும் அந்த பண்ணை வீட்டை திறந்து ஆய்வு செய்தனர்.

அந்த வீட்டிற்குள் 6 நாற்காலிகளை சேர்த்து கட்டிலாக மாற்றி அதன் மீது மெத்தை போடப்பட்டு இருந்தது. இந்த பண்ணை வீட்டில்தான் திருநாவுக்கரசு உள்பட 4 பேரும் பல பெண்களை வரவழைத்து சீரழித்தது தெரியவந்தது.

பின்னர் அந்த வீடு முழுவதும் போலீஸ் அதிகாரிகள் ஆய்வு செய்தனர். அதில் சில ஆவணங்களை கைப்பற்றியதாக தெரிகிறது. இந்த சோதனையின்போது உள்ளூர் போலீசார் யாரையும் வீட்டிற்குள் சி.பி.சி.ஐ.டி. போலீசார் அனுமதிக்கவில்லை.

இந்த ஆவணங்கள் குறித்து போலீசாரிடம் கேட்டபோது அதற்கு தகவல் கூற மறுத்துவிட்டனர். 15 நிமிடங்கள் ஆய்வு செய்த ஐ.ஜி., போலீஸ் சூப்பிரண்டு மற்றும் போலீசார் தங்களின் ஆய்வை முடித்துக் கொண்டு கோவை திரும்பினார்கள்.

முன்னதாக சி.பி.சி.ஐ.டி போலீஸ் அதிகாரிகள் தலைமையில் மற்றொரு பிரிவினர் நேற்று காலையில் மாக்கினாம்பட்டியில் உள்ள திருநாவுக்கரசு பண்ணை வீட்டில் ஆய்வு செய்தனர். அங்கும் சில ஆவணங்களை போலீசார் கைப்பற்றியதாக தெரிகிறது. அதை வைத்து போலீசார் தீவிர விசாரணையை மேற்கொண்டு வருகிறார்கள்.

சி.பி.சி.ஐ.டி. பிரிவில் கோவை மாவட்ட போலீஸ் துணை சூப்பிரண்டு பதவி காலியாக இருந்தது. பொள்ளாச்சி பாலியல் சம்பவம் தொடர்பாக சி.பி.சி.ஐ.டி. போலீசார் விசாரணை நடத்தி வருவதால், முத்துச்சாமி என்பவர் கூடுதல் பொறுப்பாக கோவை போலீஸ் துணை சூப்பிரண்டாக நியமிக்கப்பட்டு உள்ளார். சி.பி.சி.ஐ.டி. போலீசார் தங்களின் விசாரணையை தொடங்கி விட்டதால் இந்த வழக்கு தொடர்பாக உள்ளூர் போலீசார் விசாரிக்க மாட்டார்கள் என்று போலீசார் தெரிவித்தனர்.

தொடர்புடைய செய்திகள்

1. பொள்ளாச்சி பாலியல் வழக்கு: பாதிக்கப்பட்ட பெண்களுக்கு உதவ குழு அமைப்பு முன்னாள் டி.ஜி.பி. திலகவதி தகவல்
பொள்ளாச்சி பாலியல் வன்கொடுமையால் பாதிக்கப்பட்டவர்களுக்கு உதவ 28 பேர் கொண்ட குழு அமைக்கப்பட்டு உள்ளது என முன்னாள் டி.ஜி.பி. திலகவதி கூறினார்.
2. பொள்ளாச்சி பாலியல் வழக்கு: சி.பி.சி.ஐ.டி. விசாரணை தொடங்கியது சம்பவம் நடந்த இடத்தில் உயர் அதிகாரிகள் ஆய்வு
பொள்ளாச்சி பாலியல் வழக்கு தொடர்பாக சி.பி.சி.ஐ.டி. பெண் போலீஸ் சூப்பிரண்டு விசாரணையை தொடங்கினார்.
3. பொள்ளாச்சி பாலியல் கொடூர வழக்கு : சிபிஐக்கு மாற்ற தமிழக அரசு முடிவு
பொள்ளாச்சி பாலியல் கொடூர வழக்கை சிபிஐ விசாரணைக்கு மாற்ற தமிழக அரசு முடிவு செய்து இருப்பதாக தகவல் வெளியாகி உள்ளது.