மாவட்ட செய்திகள்

கார்-மொபட் மோதல், முன்னாள் ராணுவ வீரர், மனைவியுடன் பலி - தஞ்சை அருகே பரிதாபம் + "||" + The car-mobot conflict, The former soldier, was killed along with his wife - Near Tanjore Pity

கார்-மொபட் மோதல், முன்னாள் ராணுவ வீரர், மனைவியுடன் பலி - தஞ்சை அருகே பரிதாபம்

கார்-மொபட் மோதல், முன்னாள் ராணுவ வீரர், மனைவியுடன் பலி - தஞ்சை அருகே பரிதாபம்
தஞ்சை அருகே காரும், மொபட்டும் மோதிக்கொண்ட விபத்தில் முன்னாள் ராணுவ வீரர் மனைவியுடன் பலியானார். இந்த பரிதாப சம்பவம் பற்றிய விவரம் வருமாறு:-
திருக்காட்டுப்பள்ளி,

தஞ்சை மாவட்டம் பூதலூர் அருகே உள்ள தொண்டராயன்பாடி கிராமத்தை சேர்ந்தவர் ஜெயராமன்(வயது 65). முன்னாள் ராணுவ வீரர். இவரும், இவரது மனைவி மனோன்மணியும்(60) மாரநேரியில் உள்ள உறவினர் வீட்டுக்கு செல்வதற்காக நேற்று மொபட்டில் சென்றனர். வீட்டில் இருந்து புறப்பட்டு சிறிது தொலைவில் தொண்டராயன்பாடி மாதா கோவில் அருகே சென்றபோது எதிரில் ஒரு கார் வந்தது.

அந்த கார் எதிர்பாராதவிதமாக மொபட் மீது மோதியது. இந்த விபத்தில் அந்த இடத்திலேயே ஜெயராமன் பலியானார். மனோன்மணி தலையில் படுகாயம் அடைந்தார். உடனடியாக அவரை சிகிச்சைக்காக 108 ஆம்புலன்ஸ் மூலம் தஞ்சை மருத்துவக்கல்லூரி மருத்துவமனைக்கு கொண்டு சென்றனர். ஆனால் வழியிலேயே அவரும் பரிதாபமாக உயிரிழந்தார்.

விபத்தை ஏற்படுத்திய கார் பூதலூர் ஒன்றிய தி.மு.க. பிரமுகர் ஒருவருக்கு சொந்தமானது என்று தெரிகிறது. விபத்து நடந்தவுடன் காரை ஓட்டி வந்தவர் அங்கேயே காரை நிறுத்தி விட்டு தலைமறைவாகி விட்டார்.

இந்த விபத்து குறித்து பூதலூர் போலீஸ் இன்ஸ்பெக்டர் கரிகால் சோழன் வழக்குப்பதிவு செய்து விபத்தை ஏற்படுத்திய கார் டிரைவரை தேடி வருகிறார்.

விபத்தில் ராணுவ வீரரும், அவரது மனைவியும் பலியான சம்பவத்தால் தொண்டராயன்பாடி கிராமமே சோகத்தில் ஆழ்ந்துள்ளது. இந்த தம்பதியினருக்கு 2 மகன்களும், 2 மகள்களும் உள்ளனர்.

தொடர்புடைய செய்திகள்

1. கும்பகோணம் பள்ளி தீ விபத்து 15-வது ஆண்டு நினைவு தினம்: பலியான 94 குழந்தைகளுக்கு பெற்றோர்-பொதுமக்கள் கண்ணீர் அஞ்சலி
கும்பகோணம் பள்ளி தீ விபத்தில் குழந்தைகள் பலியான 15-ம் ஆண்டு நினைவு தினம் நேற்று அனுசரிக்கப்பட்டது. இதில் பெற்றோர், பொதுமக்கள் உள்பட ஏராளமானோர் கலந்து கொண்டு அஞ்சலி செலுத்தினர்.
2. திருவெறும்பூர் அருகே நின்ற லாரி மீது கார் மோதல்; முதியவர் பலி
திருவெறும்பூர் அருகே நின்று கொண்டிருந்த லாரி மீது கார் மோதியதில் முதியவர் பரிதாபமாக இறந்தார்.
3. ஆரல்வாய்மொழி அருகே ஆம்னி பஸ்–மோட்டார் சைக்கிள் மோதல்; கணியான் கூத்து கலைஞர் பலி நண்பர் படுகாயம்
ஆரல்வாய்மொழி அருகே ஆம்னி பஸ்–மோட்டார் சைக்கிள் மோதிய விபத்தில் கணியான் கூத்து கலைஞர் பலியானார். நண்பர் படுகாயம் அடைந்தார்.
4. தாராபுரம் அருகே சம்பவம்; மோட்டார் சைக்கிள்கள் மோதிக்கொண்ட விபத்தில் தந்தையுடன் சென்ற பெண் டாக்டர் பலி
தாராபுரம் அருகே மோட்டார் சைக்கிள்கள் மோதிய விபத்தில் தந்தையுடன் சென்ற பெண் டாக்டர் பலியானார். வேகமாக வந்த வாகனம் ஏறி இறங்கியதில் இந்த பரிதாப சம்பவம் நடந்து விட்டது.
5. அரவக்குறிச்சி அருகே மரத்தில் கார் மோதி புதுமாப்பிள்ளை பலி புதுப்பெண் உள்பட 5 பேர் காயம்
அரவக்குறிச்சி அருகே டயர் வெடித்ததால் மரத்தில் கார் மோதியதில் விபத்துக்குள்ளானது. இதில் புதுமாப்பிள்ளை பலியானார். இதில் புதுப்பெண் உள்பட 5 பேர் காயமடைந்தனர்.