வானவில் : லெனோவா ஐடியா பேட் லேப்டாப்

மின்னணு பொருள்கள் உற்பத்தியில் முன்னிலை வகிக்கும் லெனோவா நிறுவனம் சமீபத்தில் ஐடியா பேட் என்ற பெயரில் புதிய லேப்டாப்பை அறிமுகம் செய்துள்ளது. இது 15.60 அங்குல திரையைக் கொண்டுள்ளது. இதில் 1366 X 768 என்ற விகிதத்தில் பிக்ஸெல் உள்ளதால் படங்கள் மிகத் தெளிவாகத் தெரியும். இது 4 ஜி ரேம் 1 டெராபைட் ஹெச்.டி.டி. நினைவக வசதி கொண்டது.

இதில் இன்டெல் ஹெச்.டி. கிராபிக்ஸ் 520 கார்டு உள்ளது. புளூடூத் வழியாகவும் எதெர்னெட் மூலமாகவும் இணைத்து செயல்படுத்த முடியும். இதில் 3 யு.எஸ்.பி. போர்ட்கள் உள்ளன. 2 யு.எஸ்.பி.க்கள் 3.0 டைப் சி பிரிவைக் கொண்டதாகவும், ஹெச்.டி.எம்.ஐ. போர்ட், மைக் இன் வசதி, ஆர்.ஜே45 (லான்) போர்ட் இதில் உள்ளது.

பெய்ஜிங்கில் 1984-ம் ஆண்டு உருவான லெனோவா நிறுவனம் 2005-ம் ஆண்டில் ஐ.பி.எம்.மின் பர்சனல் கம்ப்யூட்டர் சார்ந்த பிரிவை மட்டும் கையகப்படுத்தியது. அதிலிருந்து பல கம்ப்யூட்டர், லேப்டாப்களைத் தயாரித்து வருகிறது. 8 ஆண்டுகளில் இந்நிறுவனம் பர்சனல் கம்ப்யூட்டர் உற்பத்தியில் உலகிலேயே முன்னணி நிறுவனமாக வளர்ந்தது.

இந்நிறுவனம் 2011-ம் ஆண்டிலிருந்து ஆண்ட்ராய்டு மற்றும் விண்டோஸ் இயங்குதளத்தில் செயல்படும் டேப்லெட்களை 2011-ம் ஆண்டு தயாரிக்கத் தொடங்கியது. 2012-ம் ஆண்டு ஆண்ட்ராய்டு இயங்குதளத்தில் செயல்படும் ஸ்மார்ட் போன்களையும் உற்பத்தி செய்யத் தொடங்கியது. 2014-ம் ஆண்டு கூகுள் நிறுவனத்திடமிருந்து மோட்டரோலா செல்போன் பிரிவைக் கையகப்படுத்தி கடந்த 5 ஆண்டுகளாக மோட்டரோலா ஸ்மார்ட்போன்களை லெனோவா நிறுவனம் தயாரித்து வருகிறது. சீனாவில் மட்டும் இந்நிறுவனம் ஸுக் என்ற பெயரில் ஸ்மார்ட்போன்களை தயாரித்து விற்பனை செய்கிறது. இந்நிறுவனத்தின் லேட்டஸ்ட் அறிமுகமான ஐடியா பேட் லேப்டாப் எடை 2.10 கிலோவாகும். இதன் விலை ரூ.22 ஆயிரமாகும்.