மாவட்ட செய்திகள்

திருநின்றவூர், பட்டாபிராம் பகுதியில் வழிப்பறி கொள்ளையன் கைது + "||" + Thiruninavoor, Bhattapiram Area The robber arrested

திருநின்றவூர், பட்டாபிராம் பகுதியில் வழிப்பறி கொள்ளையன் கைது

திருநின்றவூர், பட்டாபிராம் பகுதியில் வழிப்பறி கொள்ளையன் கைது
திருநின்றவூர், பட்டாபிராம் பகுதிகளில் வழிப்பறி மற்றும் கொள்ளை வழக்கில் ஈடுபட்ட பிரபல கொள்ளையன் கைது செய்யப்பட்டார்.

ஆவடி,

ஆவடியில் உள்ள பட்டாபிராம், திருநின்றவூர் ஆகிய பகுதிகளில் அடிக்கடி வழிப்பறி மற்றும் கொள்ளை நடந்து வந்தன. இதையடுத்து துணை கமி‌ஷனர் ஈஸ்வரன் உத்தரவின்பேரில், போலீஸ் இன்ஸ்பெக்டர் குணசேகரன், சப்–இன்ஸ்பெக்டர் ராஜன் ஆகியோர் கொண்ட தனிப்படை அமைக்கப்பட்டு கொள்ளையர்களை வலைவீசி தேடி வந்தனர்.

இந்நிலையில் நேற்று திருநின்றவூர் கோமதிபுரம் பகுதியில் நடந்து வந்த லத்தீப் (வயது 37) என்பவரை வழிமறித்து மர்ம நபர் ஒருவர் ரூ.1,500–ஐ பறித்து கொண்டு தப்பிச்சென்றார். இதுகுறித்து அவர் திருநின்றவூர் போலீசில் புகார் கொடுத்தார். அதன் அடிப்படையில் போலீசார் வழக்குப்பதிவு செய்து மர்ம நபரை தேடி வந்தனர். அப்பகுதியில் கண்காணிப்பு பணியில் ஈடுபட்டிருந்தபோது லட்சுமிபுரம் அருகே சந்தேகப்படும்படியாக திரிந்த நபரை பிடித்து போலீசார் விசாரித்தனர்.

விசாரணையில், அவர் விழுப்புரம் மாவட்டம் செஞ்சி அடுத்த மேல்மலையனூரை சேர்ந்த குமார் என்ற குள்ள குமார் (41) என்பது தெரியவந்தது. அவர் லத்தீப்பிடம் வழிப்பறி செய்தது தெரியவந்தது.

மேலும் பட்டாபிராம் மாடர்ன் சிட்டி பகுதியில் 2 வீடுகளின் பூட்டை உடைத்து நகை, பணம், வெள்ளி பொருட்களை கொள்ளையடித்ததும், இவர் மீது பள்ளிக்கரணை, சேலையூர், ஆதம்பாக்கம், உள்ளிட்ட சென்னை புறநகர் பகுதிகளில் உள்ள போலீஸ் நிலையங்களில் பல குற்ற வழக்குகள் இருப்பதும் தெரியவந்தது. இதையடுத்து போலீசார் குமார் மீது வழக்குப்பதிவு செய்து திருவள்ளூர் நீதிமன்றத்தில் ஆஜர்படுத்தி புழல் சிறையில் அடைத்தனர்.

அவரிடமிருந்து ஒரு கிலோ வெள்ளி மற்றும் ரூ.75 ஆயிரத்தை போலீசார் பறிமுதல் செய்தனர்.


தொடர்புடைய செய்திகள்

1. நாமக்கல்லில் தடைசெய்யப்பட்ட ரூ.4 லட்சம் புகையிலை பொருட்கள் பறிமுதல் - 3 பேர் கைது
நாமக்கல்லில் தமிழக அரசால் தடைசெய்யப்பட்ட ரூ.4 லட்சம் மதிப்பிலான புகையிலை பொருட்களை பறிமுதல் செய்த போலீசார் 3 பேரை கைது செய்து விசாரணை நடத்தி வருகின்றனர்.
2. ஈரோட்டில் கத்தியால் குத்தப்பட்ட வாலிபர் சாவு; 4 பேர் கைது
ஈரோட்டில் கத்தியால் குத்தப்பட்ட வாலிபர் சிகிச்சை பலனின்றி இறந்தார். இது தொடர்பாக 4 பேரை போலீசார் கைது செய்தனர்.
3. சட்டவிரோத பண பரிமாற்ற வழக்கில் கைதான டி.கே.சிவக்குமாருக்கு திடீர் உடல் நலக்குறைவு - டெல்லி ஆஸ்பத்திரியில் சிகிச்சை
சட்டவிரோத பண பரிமாற்ற வழக்கில் கைதாகியுள்ள முன்னாள் மந்திரி டி.கே.சிவக்குமாருக்கு நேற்று திடீரென்று உடல் நலக்குறைவு ஏற்பட்டது. இதையடுத்து, அவர் டெல்லியில் உள்ள ஆஸ்பத்திரியில் அனுமதிக்கப்பட்டு சிகிச்சை பெற்று வருகிறார்.
4. ஆந்திர பிரதேசம்: பைக் திருட்டு கும்பல் கைது, 130 வாகனங்கள் மீட்பு
ஆந்திர பிரதேசத்தில் நீண்ட காலமாக பைக் திருட்டில் ஈடுபட்டு வந்த கும்பலை காவல்துறையினர் கைது செய்துள்ளனர்.
5. காஷ்மீரில் போஸ்டர்களால் மக்களை அச்சுறுத்திய 8 லஷ்கர் இ தொய்பா பயங்கரவாதிகள் கைது
காஷ்மீரில் போஸ்டர்களால் உள்ளூர்வாசிகளை அச்சுறுத்திய லஷ்கர் இ தொய்பா பயங்கரவாதிகள் 8 பேர் கைது செய்யப்பட்டு உள்ளனர்.

அதிகம் வாசிக்கப்பட்டவை