மாவட்ட செய்திகள்

சாலையில் தேங்கும் அரசு ஆஸ்பத்திரி கழிவுநீர் நகரசபை நிர்வாகம் நடவடிக்கை எடுக்க கோரிக்கை + "||" + Waste water on the road Urban management request to take action

சாலையில் தேங்கும் அரசு ஆஸ்பத்திரி கழிவுநீர் நகரசபை நிர்வாகம் நடவடிக்கை எடுக்க கோரிக்கை

சாலையில் தேங்கும் அரசு ஆஸ்பத்திரி கழிவுநீர் நகரசபை நிர்வாகம் நடவடிக்கை எடுக்க கோரிக்கை
விருதுநகர் அரசு ஆஸ்பத்திரியில் இருந்து வெளியேற்றப்படும் கழிவுநீர் மற்றும் பொருட்கள் சாலையில் தேங்கி நிற்கும் நிலை உள்ளதால் அதனை அகற்ற நகராட்சி நிர்வாகம் உரிய நடவடிக்கை எடுக்க வேண்டும் என கோரிக்கை விடுக்கப்பட்டு உள்ளது.

விருதுநகர்,

விருதுநகர் அரசு ஆஸ்பத்திரியில் இருந்து வெளியேற்றப்படும் கழிவுநீர் மற்றும் பொருட்கள் சாலையில் தேங்கி நிற்கும் நிலையில் இதனை அகற்றுவதற்கு கழிவுநீர் குழாய்கள் அமைத்து பாதாள சாக்கடை பிரதான குழாய்களுடன் இணைக்க வேண்டும் என கோரிக்கை விடுக்கப்பட்டு இருந்தது. இதன் அடிப்படையில் நகராட்சி நிர்வாகமும், அதற்கான ஏற்பாடுகளை செய்து இருந்தது.

இந்தநிலையில் கழிவுநீர் குழாயை பாதாள சாக்கடையின் பிரதான குழாயுடன் இணைப்பதற்கு நெடுஞ்சாலையை கடந்து குழாயை கொண்டு செல்வதற்கு விதிமுறைப்படி அனுமதி இல்லை என்று கூறப்படுகிறது. மேலும் அப்பகுதியில் அமைக்கப்பட்டிருந்த பாதாள சாக்கடை ஆள் இறங்கும் குழி சாலையில் தரம் உயர்த்தப்பட்டதால் எந்த இடத்தில் இருக்கிறது என்று கண்டுபிடிக்க முடியாத நிலையில் இருக்கிறது.

இதனால் அரசு ஆஸ்பத்திரியில் இருந்து வெளியேற்றப்படும் கழிவநீர் மற்றும் பொருட்கள் சாலையின் ஓரத்திலேயே தேங்கி நிற்கும் நிலை உள்ளது. இதன்காரணமாக அருகில் உள்ள பள்ளி மாணவ,மாணவிகளுக்கு, குடியிருப்பு பகுதிகளுக்கு சுகாதார கேட்டால் பாதிப்பு ஏற்படும் என அஞ்சப்படுகிறது.

எனவே நகராட்சி நிர்வாகம் நெடுஞ்சாலைத்துறையுடன் கலந்து ஆலோசனை செய்து அரசு ஆஸ்பத்திரியில் இருந்து வெளியேற்றப்படும் கழிவுநீர் மற்றும் கழிவு பொருட்களை அகற்றுவதற்கு உரிய நடவடிக்கை எடுக்கப்பட வேண்டும் என கோரப்பட்டுள்ளது. இதில் தாமதம் ஆகும் பட்சத்தில் அந்த பகுதிலேயே நோய் தொற்று ஏற்படும் நிலை உருவாகிவிடும்.


தொடர்புடைய செய்திகள்

1. பரிசோதிக்காத ரத்தம் செலுத்தியதால் பாதிக்கப்பட்ட சாத்தூர் பெண்ணுக்கு பிறந்த குழந்தைக்கு எச்.ஐ.வி. பரிசோதனை மதுரை அரசு ஆஸ்பத்திரி டீன் விளக்கம்
பரிசோதிக்கப்படாத ரத்தம் செலுத்தியதால் எச்.ஐ.வி. தொற்றுக்கு ஆளான சாத்தூர் பெண்ணுக்கு பிறந்த குழந்தைக்கு முதல் முறையாக நேற்று மதுரை அரசு ஆஸ்பத்திரியில் எச்.ஐ.வி. பரிசோதனை நடந்தது. அதன் முடிவு வெளியாவது குறித்து மதுரை அரசு ஆஸ்பத்திரி டீன் விளக்கம் அளித்தார்.
2. அரசு ஆஸ்பத்திரியில் மகப்பேறு முதுகலை பட்டப்படிப்பு மத்திய குழு உறுப்பினர் ஆய்வு
ராமநாதபுரம் அரசு ஆஸ்பத்திரியில் மகப்பேறு முதுகலை பட்டப்படிப்பு தொடங்குவது தொடர்பாக மத்திய குழு உறுப்பினர் நேரில் ஆய்வு மேற்கொண்டார்.
3. திருமங்கலம் அரசு ஆஸ்பத்திரியில் யோகா, இயற்கை வாழ்வியல் முறை மருத்துவ பிரிவு அமைச்சர் ஆர்.பி.உதயகுமார் தொடங்கிவைத்தார்
யோகா மற்றும் இயற்கை வாழ்வியல் முறை மருத்துவ பிரிவு தொடக்க விழா திருமங்கலம் அரசு ஆஸ்பத்திரியில் நடைபெற்றது.
4. விருதுநகர் அரசு ஆஸ்பத்திரியில் எலும்பு, கண்நோய் சிகிச்சை பிரிவிற்கு டாக்டர்கள் நியமிக்க கோரிக்கை
விருதுநகரில் உள்ள மாவட்ட தலைமை அரசு ஆஸ்பத்திரியில் எலும்பு மற்றும் கண்நோய் சிகிச்சை பிரிவில் டாக்டர்களை நியமிக்க தமிழக அரசு நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.
5. மதுரை அரசு ஆஸ்பத்திரியில் 16 வயது சிறுமிக்கு ஆண் குழந்தை பிறந்தது
மதுரை அரசு ஆஸ்பத்திரியில் 16 வயது சிறுமிக்கு ஆண் குழந்தை பிறந்தது.