மாவட்ட செய்திகள்

டிரான்ஸ்பார்மர் பழுதை சரிசெய்யக்கோரி மின்வாரிய அலுவலகத்தை முற்றுகையிட்ட பெண்கள் + "||" + Need to adjust the Transformer Error Women besieged by the electricity office

டிரான்ஸ்பார்மர் பழுதை சரிசெய்யக்கோரி மின்வாரிய அலுவலகத்தை முற்றுகையிட்ட பெண்கள்

டிரான்ஸ்பார்மர் பழுதை சரிசெய்யக்கோரி மின்வாரிய அலுவலகத்தை முற்றுகையிட்ட பெண்கள்
டிரான்ஸ்பார்மர் பழுதை சரிசெய்யக்கோரி மின்வாரிய அலுவலகத்தை காலிக்குடங்களுடன் சென்று பெண்கள் முற்றுகையிட்டனர்.

மானாமதுரை,

மானாமதுரை அருகே உள்ளது பனிக்கனேந்தல் கிராமம். இங்கு 300–க்கும் மேற்பட்டோர் வசித்து வருகின்றனர். மானாமதுரை துணை மின்நிலையத்தில் இருந்து இந்த கிராமத்திற்கு மின்சாரம் வழங்கப்படுகிறது. கிராமத்தில் உள்ள வீடுகளுக்கு தனி டிரான்ஸ்பார்மரும், விவசாய இணைப்பு மற்றும் குடிநீர் தொட்டிகளுக்கு என தனி டிரான்ஸ்பார்மரும் அமைக்கப்பட்டுள்ளது. இதில் விவசாய இணைப்பு மற்றும் தண்ணீர் தொட்டிகளுக்கு செல்லும் டிரான்ஸ்பார்மர் கடந்த ஒரு மாதத்திற்கு முன் பழுதானது.

இதுகுறித்து கிராமமக்கள் மானாமதுரை மின்வாரிய அலுவலகத்தில் புகார் செய்தனர். ஆனால் அதிகாரிகள் அதை கண்டு கொள்ளாததால், ஒரு மாதமாக குடிநீர் மோட்டார் இயக்காமலும், விவசாய கிணறுகளில் உள்ள மோட்டார்களும் செயல்படாமல் கிராம மக்கள் அவதிப்பட்டு வருகின்றனர். குடிநீர் இல்லாததால் கடந்த ஒரு மாத காலமாக அருகில் உள்ள கிராமத்திற்கு சென்று தண்ணீர் எடுத்து வருகின்றனர்.

பலமுறை புகார் அளித்தும் மின்வாரிய அதிகாரிகள் நடவடிக்கை எடுக்காததால், இன்று 100–க்கும் மேற்பட்ட பெண்கள் காலிக்குடங்களுடன் மின்வாரிய அலுவலகத்திற்கு வந்தனர். அவர்கள் அங்குள்ள உதவி மின்பொறியாளர் ஜெயபாண்டியம்மாளை முற்றுகையிட்டனர். இதனால் அங்கு பரபரப்பு ஏற்பட்டது. தகவலறிந்து வந்த வருவாய் துறையினர், போலீசார் பொதுமக்களை சமாதானப்படுத்தி, விரைவில் உரிய நடவடிக்கை எடுக்கப்படும் என்றனர்.

இதையடுத்து சுமார் 2 மணி நேரமாக நடந்த முற்றுகை போராட்டம் கைவிடப்பட்டது. இதுகுறித்து உதவி மின்பொறியாளர் கூறும்போது, புதிய டிரான்ஸ்பார்மர் இருப்பு இல்லை, எனவே வேறு டிரான்ஸ்பார்மரை தயார் செய்து கொண்டு செல்ல இருந்தது, அதற்குள் கிராம மக்கள் போராட்டம் நடத்தினர் என்றார்.


தொடர்புடைய செய்திகள்

1. போலீஸ் அதிகாரி அலுவலகத்தை வக்கீல்கள் முற்றுகை
முசிறி போலீஸ் துணை சூப்பிரண்டு அலுவலகத்தை நாமக்கல் வக்கீல் சங்க நிர்வாகிகள் மற்றும் வக்கீல்கள் முற்றுகையிட்டனர்.
2. திருச்சியில் பரபரப்பு: போலீஸ் நிலையத்தை வக்கீல்கள் திடீர் முற்றுகை
திருச்சி செசன்சு கோர்ட்டு போலீஸ் நிலையத்தை வக்கீல்கள் திடீரென முற்றுகையிட்டதால் பரபரப்பு ஏற்பட்டது.
3. அடிக்கடி மின்தடை ஏற்படுவதை கண்டித்து முத்தையாபுரம் மின்வாரிய அலுவலகத்தை பொதுமக்கள் முற்றுகை
முத்தையாபுரம் பகுதியில் அடிக்கடி மின்தடை ஏற்படுவதை கண்டித்தும், சீரான மின்வினியோகம் செய்ய வலியுறுத்தியும் மின்வாரிய அலுவலகத்தை பொதுமக்கள் நேற்று முற்றுகையிட்டு போராட்டம் நடத்தினர்.
4. சாத்தான்குளத்தில் நகர பஞ்சாயத்து அலுவலகத்தை வியாபாரிகள் முற்றுகை
சாத்தான்குளத்தில் பிளாஸ்டிக் பொருட்களை பறிமுதல் செய்து கடை உரிமையாளர்களுக்கு அபராதம் விதிக்கப்பட்டதை கண்டித்து நகர பஞ்சாயத்து அலுவலகத்தை வியாபாரிகள் முற்றுகையிட்டு போராட்டம் நடத்தினர்.
5. தினக்கூலியை உயர்த்தி வழங்கக்கோரி திருச்சி மாநகராட்சி அலுவலகத்தை துப்புரவு தொழிலாளர்கள் முற்றுகை
தினக்கூலியை உயர்த்தி வழங்கக்கோரி திருச்சி மாநகராட்சி அலுவலகத்தை துப்புரவு தொழிலாளர்கள் முற்றுகையிட்டு போராட்டம் நடத்தினார்கள்.