<
பரமத்திவேலூர் அருகே மொபட்டில் சென்ற கணவன்-மனைவி பலி டிராக்டர் சக்கரத்தில் சிக்கிய பரிதாபம்
பரமத்திவேலூர் அருகே மொபட்டில் சென்ற கணவன்-மனைவி, டிராக்டர் சக்கரத்தில் சிக்கி பலியானார்கள்.
பரமத்திவேலூர்,
நாமக்கல் மாவட்டம், பரமத்திவேலூர் அருகே உள்ள கபிலர்மலை கபிலக்குறிச்சி பகுதியை சேர்ந்தவர் செங்கோடன் (வயது 65), கூலித்தொழிலாளி. நேற்று மாலை இவரும், இவருடைய மனைவி பாவாயியும்(60) கபிலர் மலை சந்தைக்கு காய்கறிகள் வாங்க மொபட்டில் சென்றனர்.
அங்கு அவர்கள் காய்கறிகளை வாங்கிக்கொண்டு மீண்டும் வீட்டுக்கு திரும்பி வந்து கொண்டிருந்தனர். கபிலக்குறிச்சி செக்குமேடு அருகே வந்து கொண்டிருந்த போது, முன்னால் சென்ற டிராக்டரை, செங்கோடன் மொபட்டில் முந்த முயன்றுள்ளார். அப்போது நிலைதடுமாறி, டிராக்டரின் பின் சக்கரத்தில் மொபட் சிக்கியது.
இதில் கணவன்-மனைவியும் டிராக்டர் சக்கரத்தில் சிக்கி படுகாயம் அடைந்தனர். பின்னர் உயிருக்கு ஆபத்தான நிலையில் அவர்கள் இருவரையும் அந்த பகுதியை சேர்ந்தவர்கள் உடனடியாக மீட்டு நாமக்கல் அரசு ஆஸ்பத்திரிக்கு அனுப்பி வைத்தனர். அங்கு அவர்களை பரிசோதித்த டாக்டர்கள் அந்த தம்பதி ஏற்கனவே இறந்து விட்டதாக கூறினர்.
டிராக்டர் சக்கரத்தில் சிக்கி மொபட்டில் சென்ற தம்பதி பலியான இந்த விபத்து குறித்து ஜேடர்பாளையம் போலீசார் வழக்குப்பதிவு செய்து விசாரணை நடத்தி வருகிறார்கள்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
