மாவட்ட செய்திகள்

ராமேசுவரம் ரெயில் நிலையத்தில் இலவச பேட்டாரி கார்கள் விரைவில் இயக்கம் + "||" + Rameswaram Railway Station Free Battery Cars Coming soon

ராமேசுவரம் ரெயில் நிலையத்தில் இலவச பேட்டாரி கார்கள் விரைவில் இயக்கம்

ராமேசுவரம் ரெயில் நிலையத்தில் இலவச பேட்டாரி கார்கள் விரைவில் இயக்கம்
வயதானவர்கள் மற்றும் மாற்றுத்திறனாளிகள் செல்ல வசதியாக ராமேசுவரம் ரெயில் நிலையத்தில் இலவசமாக பேட்டாரி கார்கள் விரைவில் இயக்கப்பட உள்ளன.

ராமேசுவரம்,

அகில இந்திய புண்ணிய தலங்களில் ஒன்றாக கருதப்படும் ராமேசுவரத்திற்கு பல்வேறு பகுதிகளில் இருந்து ரெயில்கள் வந்து செல்கின்றன. ராமேசுவரம் ரெயில் நிலையத்தில் பயணிகளுக்கு தேவையான அனைத்து வசதிகளையும் ஏற்படுத்தவும்,ரெயில்வே நிலையத்திற்கு வந்து செல்லும் பயணிகள் சிரமம் இன்றி நடந்து செல்லவும் வசதி ஏற்படுத்த மதுரை ரெயில்வே கோட்ட மேலாளர் உத்தரவிட்டார்.

அதை தொடர்ந்து கடந்த சில மாதங்களாக ரெயில்வே நிலைய பகுதியை சுற்றிருந்த கருவேல மரங்கள் முழுமையாக அகற்றப்பட்டுள்ளதுடன் ரெயில் தண்டவாள பாதைகள் முழுமையாக சுத்தம் செய்யப்பட்டுள்ளது. பயணிகள் காத்திருப்பு கட்டிடமும் புதிதாக கட்டும் பணிகளும் நடைபெற்று வருவதுடன் ரெயில் நிலைய முகப்பு பகுதி முழுவதும் சுத்தம் செய்யப்பட்டு அலங்கார மின் விளக்குகளும் அமைக்கப்பட்டு பயணிகள் நடந்துசெல்லும் வகையில் ரெயில் நிலைய பாதையில் அலங்கார கற்கள் பதிக்கப்பட்டு வருகின்றன.

இந்நிலையில் ராமேசுவரத்திற்கு ரெயில்களில் வரும் வயதானவர்கள் மற்றும் மாற்றுத் திறனாளிகளின் வசதிக்காக ரெயில் நிலைய பிளாட்பாரத்தில் இருந்து வெளியே வாசலுக்கு சுலபமாக வரும் வகையிலும் அதுபோல் வெளிவாசல் பகுதியில் இருந்து உள்ளே வரவும் இலவசமாக பேட்டரி கார்கள் இயக்கப்பட உள்ளன.அதற்காக ராமேசுவரம் ரெயில் நிலையத்திற்கு 3 பேட்டரி கார்கள் கொண்டுவரப்பட்டு உள்ளன.

இதுபற்றி ரெயில்வே அதிகாரி ஒருவர் கூறியதாவது:– ராமேசுவரம் ரெயில் நிலையத்திற்கு வரும் மற்றும் ரெயில்களில் மாற்றுத்திறனாளிகள், வயதானவர்கள் வசதிக்காக இலவசமாக பேட்டரி கார்கள் இயக்கப்பட உள்ளன.அதற்காக 3 பேட்டரி கார்கள் புதிதாக வாங்கப்பட்டு ரெயில் நிலையத்தில் நிறுத்தி வைக்கப்பட்டுள்ளது. விரைவில் 3 பேட்டரி கார்களும் பயணிகளின் வசதிக்காக விரைவில் இயக்கப்பட உள்ளன.இவ்வாறு அவர் கூறினார்.


தொடர்புடைய செய்திகள்

1. ஆதர்ஷ் திட்டத்தின் கீழ் புதுப்பொலிவு பெறும் திருமங்கலம் ரெயில் நிலையம் கூடுதல் வசதிகள் ஏற்படுத்த நிதி ஒதுக்கீடு
மதுரை தோப்பூரில் அமைய உள்ள எய்ம்ஸ் ஆஸ்பத்திரிக்காக திருமங்கலம் ரெயில்நிலையம் புதுப்பொலிவு பெறும் வகையில் ஆதர்ஷ் திட்டத்தின் கீழ் கூடுதலாக பல்வேறு வசதிகள் ஏற்படுத்தப்பட உள்ளது.
2. ரெயில்கள் எதிர் எதிரே வந்த சம்பவம்: திருமங்கலம் ஸ்டேஷன் மாஸ்டருக்கு குற்றச்சாட்டு நோட்டீஸ்
திருமங்கலம் அருகே ரெயில்கள் எதிர் எதிரே வந்த சம்பவம் தொடர்பாக திருமங்கலம் ஸ்டேஷன் மாஸ்டருக்கு குற்றச்சாட்டு நோட்டீஸ் வழங்கப்பட்டுள்ளது.
3. சமூக விரோத செயல்கள் நடைபெறுவதால் ரெயில்வே பாலங்களில் கண்காணிக்க வலியுறுத்தல்
மானாமதுரையில் உள்ள ரெயில்வே பாலங்களில் சமூக விரோத செயல்கள் நடைபெறுவதால், பாலங்களில் பலத்த கண்காணிப்பு நடத்த வேண்டும் என்று ரெயில்வே ஊழியர்கள் வலியுறுத்தி உள்ளனர்.
4. மதுரை– பரமக்குடி நான்கு வழிச்சாலையில் திருப்புவனம் ரெயில்வே மேம்பாலத்தில் வாகனங்கள் செல்ல அனுமதி
மதுரையில் இருந்து பரமக்குடி செல்லும் நான்கு வழிச்சாலையில் திருப்புவனம் ரெயில்வே மேம்பாலத்தின் ஒரு பகுதியில் தற்போது போக்குவரத்திற்கு அனுமதி வழங்கப்பட்டு அந்த வழியாக வாகனங்கள் சென்று வருகின்றன.
5. இருவழி ரெயில்பாதை பணியை விரைவுபடுத்த வேண்டும்; ரெயில்வே அமைச்சகத்திடம் வலியுறுத்தல்
தென்மாவட்டங்களுக்கான இருவழி ரெயில்பாதை திட்டப்பணியை விரைவுபடுத்த ரெயில்வே அமைச்சகம் நடவடிக்கை எடுக்கவேண்டும் என வலியுறுத்தப்பட்டு உள்ளது.