மாவட்ட செய்திகள்

திருமங்கலத்தில் ஓடும் ரெயிலில் இருந்து இறங்கிய வாலிபர் சக்கரத்தில் சிக்கி பலி + "||" + The young man who fled from the running train Get stuck on the wheel

திருமங்கலத்தில் ஓடும் ரெயிலில் இருந்து இறங்கிய வாலிபர் சக்கரத்தில் சிக்கி பலி

திருமங்கலத்தில் ஓடும் ரெயிலில் இருந்து இறங்கிய வாலிபர் சக்கரத்தில் சிக்கி பலி
திருமங்கலம் ரெயில் நிலையத்தில் ஓடும் ரெயிலில் இருந்து இறங்கிய மதுரையை சேர்ந்த வாலிபர் தண்டவாளத்தில் விழுந்து ரெயில் சக்கரத்தில் சிக்கி பரிதாபமாக இறந்துபோனார்.

திருமங்கலம்,

மதுரை புதுவிளாங்குடியை சேர்ந்தவர் சுதர்சனம் (வயது 32). இவர் சென்னையில் உள்ள தனியார் நிறுவனத்தில் வேலை செய்து வந்தார். இவருக்கு திருமணமாகி மனைவி, 5 மாத குழந்தை உள்ளனர். இவர் நேற்று முன்தினம் வேலை முடிந்து சென்னையில் இருந்து மதுரை வருவதற்காக கன்னியாகுமரி எக்ஸ்பிரஸ் ரெயிலில் வந்து கொண்டிருந்தார்.

அந்த ரெயில் நள்ளிரவு மதுரை வந்தது. அப்போது சுதர்சனம் அசந்து தூங்கி கொண்டிருந்தார். இதனால் அந்த ரெயில் மதுரையை கடந்து சென்று கொண்டிருந்தது. இதற்கிடையே சுதர்சனம் கண்விழித்து பார்த்தபோது, அந்த ரெயில் திருமங்கலம் அருகில் சென்று கொண்டிருந்தது.

இந்தநிலையில் திருமங்கலம் ரெயில் நிலையத்தில் அந்த ரெயில் வந்தபோது, பிளாட்பாரத்தில் சற்று மெதுவாக சென்று கொண்டிருந்தது. இதனால் சுதர்சனம் ரெயிலில் இருந்து இறங்கினார். இதற்கிடையே கால் தடுமாறி அவர் பிளாட்பாரத்திற்கும், ரெயிலுக்கும் இடையே தண்டவாளத்தினுள் விழுந்தார். இதில் ரெயில் சக்கரம் அவர் மீது ஏறி இறங்கியது. இதில் உடல் நசுங்கி சுதர்சனம் பரிதாபமாக இறந்துபோனார்.

இதுகுறித்து தகவல் அறிந்த மதுரை ரெயில்வே போலீசார் இறந்துபோன சுதர்சனம் உடலை மீட்டு பிரேத பரிசோதனைக்காக திருமங்கலம் அரசு ஆஸ்பத்திரிக்கு அனுப்பிவைத்தனர். மேலும் இதுதொடர்பாக ரெயில்வே போலீசார் வழக்குப்பதிவு செய்து விசாரணை நடத்தி வருகின்றனர்.

ஓடும் ரெயிலில் இறங்கிய வாலிபர் தவறி விழுந்து ரெயில் சக்கரத்தில் சிக்கி இறந்த சம்பவம் அப்பகுதியில் பரிதாபத்தை ஏற்படுத்தியது.


தொடர்புடைய செய்திகள்

1. அமெரிக்காவில் ஆற்றில் மூழ்கி இந்திய மாணவர்கள் 2 பேர் பலி
அமெரிக்காவின் டெக்சாஸ் மாகாணம் அர்லிங்டோன் நகரில் உள்ள டெக்சாஸ் பல்கலைக்கழகத்தில் இந்தியாவை சேர்ந்த அஜய்குமார் கோயல்முடி (வயது 23) மற்றும் தேஜா கவுசிக் (22) ஆகிய இருவரும் பொறியியல் பட்டப்படிப்பு படித்து வந்தனர்.
2. ஆத்தூர் அருகே, கார் கவிழ்ந்தது: தங்கை திருமணத்திற்கு சென்ற என்ஜினீயர் விபத்தில் பலி - தாயார் உள்பட 3 பேர் படுகாயம்
ஆத்தூர் அருகே கார் கவிழ்ந்து விபத்துக்குள்ளானதில் தங்கை திருமணத்திற்கு சென்ற என்ஜினீயர் பரிதாபமாக இறந்தார். தாயார் உள்பட 3 பேர் படுகாயம் அடைந்தனர். இந்த சோக சம்பவம் குறித்து போலீஸ்தரப்பில் கூறப் பட்டதாவது:-
3. தென்னிலை அருகே லாரி மோதியதில் சரக்கு வேனில் சென்ற 2 பேர் பலி 7 பேர் படுகாயம்
தென்னிலை அருகே லாரி மோதியதில் சரக்கு வேனில் சென்ற 2 பேர் பரிதாபமாக இறந்தனர். மேலும் 7 பேர் படுகாயமடைந்தனர்.
4. ஏரியூர் அருகே, காவிரி ஆற்றில் மூழ்கி 2 மாணவிகள் பலி
ஏரியூர் அருகே பாட்டியுடன் துணிதுவைக்க சென்றபோது காவிரி ஆற்றில் மூழ்கி 2 மாணவிகள் பரிதாபமாக இறந்தனர்.
5. கொடுமுடி அருகே காவிரி ஆற்றில் மூழ்கி வாலிபர் சாவு; நண்பர்களுடன் குளித்தபோது பரிதாபம்
கொடுமுடி அருகே நண்பர்களுடன் காவிரி ஆற்றில் குளித்தபோது தண்ணீரில் மூழ்கி வாலிபர் பரிதாபமாக இறந்தார்.

அதிகம் வாசிக்கப்பட்டவை