மாவட்ட செய்திகள்

காங்கிரஸ் ஆட்சியில் சிறுபான்மையினர் ஒருவருக்குக்கூட கடனுதவி வழங்கவில்லை - ரங்கசாமி குற்றச்சாட்டு + "||" + Congress rule Minorities do not even give credit to one person Rangaswamy's allegation

காங்கிரஸ் ஆட்சியில் சிறுபான்மையினர் ஒருவருக்குக்கூட கடனுதவி வழங்கவில்லை - ரங்கசாமி குற்றச்சாட்டு

காங்கிரஸ் ஆட்சியில் சிறுபான்மையினர் ஒருவருக்குக்கூட கடனுதவி வழங்கவில்லை - ரங்கசாமி குற்றச்சாட்டு
சிறுபான்மையினர் ஒருவருக்குக்கூட இந்த ஆட்சியில் கடனுதவி வழங்கப்படவில்லை என்று முன்னாள் முதல்-அமைச்சர் ரங்கசாமி குற்றஞ்சாட்டினார்.
புதுச்சேரி,

புதுவை எம்.பி. தொகுதியில் என்.ஆர்.காங்கிரஸ் சார்பில் டாக்டர் நாராயணசாமி போட்டியிடுகிறார். அவரை ஆதரித்து அக்கட்சி தலைவர் ரங்கசாமி நேற்று மாலை முத்தியால்பேட்டையில் வீதி வீதியாக சென்று பிரசாரம் மேற்கொண்டார். அப்போது ரங்கசாமி பேசியதாவது:-


சிறிய கட்சிகளை ஒருங்கிணைத்து கூட்டணி ஆட்சி அமைப்பதாக மோடி தெரிவித்துள்ளார். அதன்படி புதுவை என்.ஆர்.காங்கிரஸ் வேட்பாளர் வெற்றி பெற்றால் மத்திய அமைச்சரவையில் அவருக்கு இடம் பெற வாய்ப்பு உள்ளது. கடந்த 3 ஆண்டுகளாக ஆளும் காங்கிரஸ் கட்சியினர் மத்திய அரசையும், புதுவை கவர்னரையும் தொடர்ந்து குறை கூறி வருகிறார்கள். மக்களை பற்றி சிந்திக்கவில்லை. தேர்தல் வாக்குறுதிகளை நிறைவேற்றவில்லை. காலியாக உள்ள அரசு பணியிடங்கள் நிரப்பப்படவில்லை.

இவ்வாறு அவர் பேசினார். பிரசாரத்தில் அன்பழகன் எம்.எல்.ஏ. உள்பட கூட்டணி கட்சி நிர்வாகிகள் பலர் கலந்துகொண்டனர்.

முன்னதாக மாகி, பள்ளூர் பகுதியில் தேர்தல் பிரசாரத்தில் ஈடுபட்ட ரங்கசாமி, இந்த அரசு ஒரு செயலற்ற அரசாக உள்ளது. நான் முதல்-அமைச்சராக இருந்தபோது அனைத்து பிராந்தியங்களிலும் சமவளர்ச்சி ஏற்படுத்த வேண்டும் என்று செயல்பட்டேன். சிறுபான்மையினர் மேம்பாட்டு கழகம் மூலம் சிறுபான்மையினர் தொழில் தொடங்கி வளர்ச்சி அடைய கடனுதவி வழங்கப்பட்டது. ஆனால் இந்த ஆட்சியில் கடந்த 3 ஆண்டுகளாக ஒருவருக்குக்கூட கடனுதவி வழங்கவில்லை. இந்த ஆட்சியில் அனைத்து தரப்பு மக்களும் கடும் அவதிப்படுகின்றனர் என்றார்.

பிரசாரத்தில் அ.தி.மு.க. எம்.பி. கோகுலகிருஷ்ணன், மாகி பிராந்திய அ.தி.மு.க. கன்வீனர் பாஸ்கரன், முன்னாள் வக்பு வாரிய தலைவர் ரகுமான் உள்பட பலர் கலந்துகொண்டனர்.

தொடர்புடைய செய்திகள்

1. கவர்னர் கிரண்பெடியுடன், ரங்கசாமி திடீர் சந்திப்பு; சபாநாயகர் மீது நம்பிக்கையில்லா தீர்மான நகலை வழங்கினார்
கவர்னர் கிரண்பெடியை, எதிர்க்கட்சி தலைவர் ரங்கசாமி நேற்று இரவு திடீரென சந்தித்து பேசினார். அப்போது அவர் சட்டசபை சபாநாயகர் மீது கொண்டு வரும் நம்பிக்கையில்லா தீர்மான நகலை கவர்னரிடம் வழங்கினார்.
2. எதிர்க்கட்சி எம்.எல்.ஏ.க்களுடன் ரங்கசாமி திடீர் ஆலோசனை; கவர்னரை சந்திக்கும் திட்டம் ரத்து
புதுவை எதிர்க்கட்சி எம்.எல்.ஏ.க்களுடன் ரங்கசாமி திடீர் ஆலோசனை நடத்தினார். கவர்னரை சந்தித்து பேச திட்டமிட்டு இருந்தது திடீரென ரத்தானது.
3. பிரதமர் பதவியேற்பு விழாவிற்கு சென்று பாதியிலேயே திரும்பிய ரங்கசாமி
பிரதமர் மோடி பதவியேற்பு விழாவிற்கு சென்ற என்.ஆர்.காங்கிரஸ் கட்சி தலைவர் ரங்கசாமி பாதியிலேயே புதுச்சேரி திரும்பினார்.
4. காங்கிரஸ் ஆட்சியை எதுவும் செய்ய முடியாது; தேர்தல் முடிந்ததும் என்.ஆர். காங்கிரஸ் எம்.எல்.ஏ.க்களை எண்ணிப் பார்ப்பீர்கள் - அமைச்சர் நமச்சிவாயம் பேச்சு
காங்கிரஸ் ஆட்சியை ரங்கசாமியால் எதுவும் செய்ய முடியாது. தேர்தல் முடிந்ததும் என்.ஆர்.காங்கிரஸ் கட்சியில் எத்தனை எம்.எல்.ஏ.க்கள் இருக்கிறார்கள் என்பதை எண்ணிப் பார்ப்பீர்கள் என்று அமைச்சர் நமச்சிவாயம் கூறினார்.
5. காங்கிரஸ் ஆட்சியில் நடத்தப்பட்ட பொக்ரான் அணுகுண்டு சோதனையை ஏன் ரகசியமாக வைக்கவில்லை? - ப.சிதம்பரத்துக்கு, பிரதமர் மோடி பதிலடி
காங்கிரஸ் ஆட்சியில் நடத்தப்பட்ட பொக்ரான் அணுகுண்டு சோதனையை ஏன் ரகசியமாக வைக்கவில்லை? என ப.சிதம்பரத்துக்கு பிரதமர் மோடி பதிலடி கொடுத்துள்ளார்.