மாவட்ட செய்திகள்

மாற்றுத்திறனாளிகள் வாக்களிக்க தவற கூடாதுகலெக்டர் ஆனந்த் வலியுறுத்தல் + "||" + Do not miss the voter turnout Collector Anand's assertion

மாற்றுத்திறனாளிகள் வாக்களிக்க தவற கூடாதுகலெக்டர் ஆனந்த் வலியுறுத்தல்

மாற்றுத்திறனாளிகள் வாக்களிக்க தவற கூடாதுகலெக்டர் ஆனந்த் வலியுறுத்தல்
மாற்றுத்திறனாளிகள் வாக்களிக்க தவற கூடாது என மாவட்ட கலெக்டர் ஆனந்த் வலியுறுத்தி உள்ளார்.
திருவாரூர், 

நாகை தொகுதி நாடாளுமன்ற தேர்தல் மற்றும் திருவாரூர் சட்டசபை இடைத்தேர்தலில் மாற்றுத்திறனாளிகள் தவறாமல் வாக்களிக்க வேண்டும் என்பதை வலியுறுத்தும் விதமாக மாற்றுத்திறனாளிகளுக்கு தபால் அட்டை அனுப்பி வைக்கும் நிகழ்ச்சி, திருவாரூர் மாவட்ட கலெக்டர் அலுவலகத்தில் நடந்தது.

நிகழ்ச்சியில் நாகை நாடாளுமன்ற தொகுதி தேர்தல் பார்வையாளர் நேமா, திருவாரூர் சட்டசபை இடைத்தேர்தல் பார்வையாளர் சந்திரகாந்த் டாங்கே, மாவட்ட கலெக்டரும், தேர்தல் அதிகாரியுமான ஆனந்த் ஆகியோர் தபால் அட்டை அனுப்பி வைக்கும் பணியை தொடங்கி வைத்தனர்.

நிகழ்ச்சியில் மாவட்ட கலெக்டர் ஆனந்த் கூறியதாவது:-

நாகை தொகுதி நாடாளுமன்ற தேர்தல் மற்றும் திருவாரூர் சட்டசபை இடைத்தேர்தலில் மாற்றுத்திறனாளிகள் சிரமமின்றி வாக்களிக்க ஏதுவாக வாக்குச்சாவடிகளில் சாய்தள வசதி ஏற்படுத்தப்பட்டு உள்ளது. சக்கர நாற்காலி, வழிகாட்டி பலகை போன்ற சிறப்பு ஏற்பாடுகள் செய்யப்பட்டு உள்ளன.

திருவாரூர் மாவட்டத்தில் 7,260 மாற்றுத்திறனாளிகள் தேர்தலில் வாக்களிக்க உள்ளனர். இதில் 909 மாற்றுத்திறனாளிகள் கண் பார்வையற்றவர்கள். இவர்கள் அனைவரும் 100 சதவீதம் கண்ணியத்துடன் வாக்களிக்க வேண்டும். வாக்களிக்க தவற கூடாது என்பதை வலியுறுத்தி தபால் அட்டைகள் அனுப்பி வைக்கப்பட்டுள்ளன. கண் பார்வையற்றவர்களுக்காக பிரெய்லி முறையில் எழுதப்பட்டுள்ள தபால் அட்டைகள் அனுப்பப்பட்டு உள்ளன.

வாக்குச்சாவடிகளில் மாற்றுத்திறனாளிகளுக்கு செய்யப்பட்டுள்ள வசதிகள் குறித்து தபால் அட்டையில் குறிப்பிடப்பட்டுள்ளது. எனவே மாற்றுத்திறனாளிகள் வாக்களிக்க தவற கூடாது.

இவ்வாறு அவர் கூறினார்.

நிகழ்ச்சியில் மாவட்ட கலெக்டரின் நேர்முக உதவியாளர்கள் உமாமகேஸ்வரி, பால்துரை, மகளிர் திட்ட இயக்குனர் ஸ்ரீலேகா, அஞ்சல் துறை திருவாரூர் உபகோட்ட உதவி கண்காணிப்பாளர் லெட்சுமி, திருவாரூர் அஞ்சலக அலுவலர் லெட்சுமணன் மற்றும் அதிகாரிகள் கலந்து கொண்டனர்.

தொடர்புடைய செய்திகள்

1. மேனாங்குடி, மூங்கில்குடியில், குடிமராமத்து பணிகளை கலெக்டர் ஆய்வு
மேனாங்குடி, மூங்கில்குடியில் பாசனத்தாரர் சங்கம் மூலம் நடைபெறும் குடிமராமத்து பணிகளை கலெக்டர் ஆனந்த் பார்வையிட்டு ஆய்வு செய்தார்.
2. குழந்தை தொழிலாளர் எதிர்ப்பு தின போட்டியில் வெற்றி பெற்ற மாணவ-மாணவிகளுக்கு பரிசு கலெக்டர் ஆனந்த் வழங்கினார்
குழந்தை தொழிலாளர் எதிர்ப்பு தின போட்டியில் வெற்றி பெற்ற மாணவ-மாணவிகளுக்கு பரிசுகளை கலெக்டர் ஆனந்த் வழங்கினார்.
3. காணொலிக்காட்சி மூலம் முதல்-அமைச்சர் திறந்து வைத்தார்: திருவாரூர் புதிய பஸ்நிலையம் பயன்பாட்டிற்கு வந்தது கலெக்டர் ஆனந்த் குத்துவிளக்கேற்றினார்
சென்னை தலைமை செயலகத்தில் இருந்து காணொலிக்காட்சி மூலம் ரூ.13 கோடியே 36 லட்சம் மதிப்பிலான திருவாரூர் புதிய பஸ் நிலையத்தை முதல்-அமைச்சர் எடப்பாடி பழனிசாமி திறந்து வைத்தார். இதையடுத்து பயன்பாட்டிற்கு வந்த பஸ்நிலையத்தில் மாவட்ட கலெக்டர் ஆனந்த் குத்து விளக்கேற்றி வைத்தார்.