மாவட்ட செய்திகள்

கொடைரோடு அருகே, மான் வேட்டையாடிய 2 பேர் சிக்கினர் + "||" + Near the Koda Road, Deer 2 people were hunted down

கொடைரோடு அருகே, மான் வேட்டையாடிய 2 பேர் சிக்கினர்

கொடைரோடு அருகே, மான் வேட்டையாடிய 2 பேர் சிக்கினர்
கொடைரோடு அருகே மானை வேட்டையாடிய 2 பேர் வனத்துறையினரிடம் சிக்கினர்.
கொடைரோடு, 

கொடைரோடு அருகே உள்ள சிறுமலையில் மர்மநபர்கள் சிலர் மான் வேட்டையாடுவதாக வனத்துறையினருக்கு தகவல் கிடைத்தது. அதன்பேரில் சிறுமலை வனச்சரகர் மனோஜ், கொடைரோடு பிரிவு வனவர் சக்திவேல், வனக்காப்பாளர் சுந்தரராஜன் மற்றும் வன காவலர் ராஜேந்திரன் ஆகியோர் தீவிர ரோந்து பணியில் ஈடுபட்டனர்.

நேற்று முன்தினம் கொடைரோட்டில் பயணியர் விடுதி அருகே ஒருவர் மான் இறைச்சி வைத்து விற்பனை செய்வதாக ரகசிய தகவல் கிடைத்தது. இதையடுத்து மாறு வேடத்தில் சென்ற வனத்துறை அதிகாரிகள், அந்த நபரிடம் மான் இறைச்சி இருக்கிறதா? என்று கேட்டனர்.

மாறு வேடத்தில் வந்தது வனத்துறை அதிகாரிகள் என்பது தெரியாமல் அவரும், மான் இறைச்சி இருப்பதாக தெரிவித்துள்ளார். இதையடுத்து மறைத்து வைத்திருந்த மான் இறைச்சியை எடுத்து வந்து வனத்துறையினரிடம் கொடுத்துள்ளார். அப்போது அவரை வனத்துறை அதிகாரிகள் கையும், களவுமாக மடக்கி பிடித்தனர்.விசாரணையில் அவர் கொடைரோடு அருகே உள்ள அம்மாப்பட்டியை சேர்ந்த சிமியோன்ராஜா (வயது 32) என்பது தெரியவந்தது. இவர், அதே பகுதியை சேர்ந்த மோசை (67) என்பவருடன் சேர்ந்து சிறுமலை அடிவாரத்தில் மானை வேட்டையாடியது கண்டுபிடிக்கப்பட்டது. இதையடுத்து மோசையையும் வனத்துறையினர் பிடித்தனர். அவர்களிடம் இருந்து 5 கிலோ மான் இறைச்சி பறிமுதல் செய்யப்பட்டது.

பின்னர் 2 பேரும் திண்டுக்கல் மாவட்ட வன அலுவலர் வித்யா முன்பு ஆஜர்ப்படுத்தப்பட்டனர். இதையடுத்து மோசை, சிமியோன்ராஜா ஆகியோருக்கு தலா ரூ.25 ஆயிரம் அபராதம் விதிக்கப்பட்டது.

தொடர்புடைய செய்திகள்

1. செம்பரம்பாக்கம் ஏரியில் 2 பவுன் நகைக்காக பெண் கொலை கட்டிடத்தொழிலாளிகள் 2 பேர் கைது
செம்பரம்பாக்கம் ஏரியில் 2 பவுன் நகைக்காக பெண்ணை கொன்று, நகையை அடகு வைத்து மது குடித்த கட்டிடத்தொழிலாளர்கள் 2 பேரை போலீசார் கைது செய்தனர்.
2. மோகனூரில் வாக்கு சேகரிப்பின் போது இருதரப்பினர் மோதல்; 2 பேர் கைது 31 பேர் மீது வழக்கு
மோகனூரில் வாக்கு சேகரிப்பின் போது இருதரப்பினரிடையே ஏற்பட்ட மோதல் தொடர்பாக 2 பேரை போலீசார் கைது செய்தனர். மேலும் 31 பேர் மீது வழக்குப்பதிவு செய்துள்ளனர்.
3. மறைமலைநகர் பகுதியில் தொடர்திருட்டு, வழிப்பறி; 2 பேர் கைது 30 பவுன் நகை, மோட்டார் சைக்கிள்கள் பறிமுதல்
மறைமலைநகர் பகுதியில் தொடர் திருட்டு, வழிப்பறியில் ஈடுபட்டதாக 2 பேர் கைது செய்யப்பட்டனர். அவர்களிடம் இருந்து 30 பவுன் நகை, மோட்டார் சைக்கிள்கள் பறிமுதல் செய்யப்பட்டது.
4. 7 கிலோ கஞ்சாவுடன் 2 பேர் கைது
ராமநாதபுரம் மாவட்டத்தில் போதைப்பொருள் தடுப்பு நுண்ணறிவு பிரிவு போலீசார் அதிரடி சோதனையிட்டபோது இருவேறு இடங்களில் 7 கிலோ கஞ்சாவுடன் 2 பேர் கைது செய்யப்பட்டனர்.
5. கள்ளக்குறிச்சி பகுதியில், தொடர் திருட்டில் ஈடுபட்ட 2 பேர் சிக்கினர்
கள்ளக்குறிச்சி பகுதியில் தொடர் திருட்டில் ஈடுபட்ட 2 பேரை போலீசார் கைது செய்தனர்.