மாவட்ட செய்திகள்

முன்னோடி மாநிலமாக தமிழகம் திகழ மக்கள் நீதி மய்யத்திற்கு ஆதரவு தாருங்கள் கமல்ஹாசன் பேச்சு + "||" + Let us support the people's justice in Tamil Nadu as a prelude state Kamal Haasan talks

முன்னோடி மாநிலமாக தமிழகம் திகழ மக்கள் நீதி மய்யத்திற்கு ஆதரவு தாருங்கள் கமல்ஹாசன் பேச்சு

முன்னோடி மாநிலமாக தமிழகம் திகழ மக்கள் நீதி மய்யத்திற்கு ஆதரவு தாருங்கள் கமல்ஹாசன் பேச்சு
முன்னோடி மாநிலமாக தமிழகம் திகழ மக்கள் நீதி மய்யத்திற்கு ஆதரவு தாருங்கள் என கரூர் பிரசாரத்தில் கமல்ஹாசன் பேசினார்.
கரூர்,

நாடாளுமன்ற தேர்தலில் மக்கள் நீதி மய்யம் கட்சி சார்பில் கரூர் தொகுதியில் டாக்டர் ஹரிகரன் போட்டியிடுகிறார். அவரை ஆதரித்து, மக்கள் நீதி மய்யம் கட்சியின் தலைவரும், நடிகருமான கமல்ஹாசன் கரூர் மனோகரா கார்னரில் நேற்று பிரசாரம் செய்தார்.


அப்போது அவர் பேசியதாவது:-

மக்கள் நீதி மய்யம் நாடு தழுவிய கட்சியாக மாறுவதற்கான சாயல்கள் கரூரில் தெரிகிறது. கரூர் முன்னோடியாக இருந்து தமிழகத்தை வழிநடத்த வேண்டும். நேர்மையான மற்றும் மாற்று அரசியலை முன்னிலைப்படுத்தி செல்ல துணிச்சலுடன் இருப்பது கரூர் மாவட்டம் தான்.

அநீதிக்கு எதிராக, ஊழலுக்கு எதிராக குரல் கொடுத்து தொண்டை வற்றினாலும், இவர்கள் (மற்ற கட்சி அரசியல்வாதிகள்) கட்டி வைத்திருக்கும் மனக்கோட்டைகள் இடியும். அதற்கான செயலை தமிழகம் தொடங்கி விட்டது என்பதற்கான சாயலாகவே இங்கு கூடியிருக்கும் நல்லவர்களை (மக்கள்) பார்க்கிறேன். நல்லவர்கள் எனக்கூறுவது உங்களை காக்கா பிடிக்க அல்ல. மாறாக காசு வாங்காமல் இங்கு கூடியிருக்கிறீர்களே அதற்காக தான்.

நாளைமறுநாள் (வியாழக் கிழமை) புது விவசாயத்திற்கான விதையை நட வேண்டும். இது பிரதமர் யார்? என்பதை முடிவு செய்யும் தேர்தல் மட்டும் அல்ல. மாறாக நாம் பெற வேண்டியவற்றை நாடாளுமன்றத்தில் எடுத்து சொல்வதற்கான ஒரு வாய்ப்பாக கருத வேண்டும். அங்கேபோய் தலையாட்டி பொம்மைகளாய் நின்று விட்டு, திரும்பி வந்து இந்தியில் ஏதோ சொன்னார்கள் புரியவில்லையே என சொல்வது கிடையாது.

தேசம் முன்னேற வேண்டும் என்றால் மாநிலங்கள், மாவட்டங்கள் சுயாட்சியாக இயங்க வேண்டும். சர்வாதிகாரத்தை இந்தியா என்றுமே ஏற்காது. ஓர் உதாரணமாக இந்தியாவுக்கு முன்னோடியாக தமிழகம் திகழ வேண்டும். எனவே நேர்மையானவர்களுக்கு வாக்களியுங்கள். மக்கள் நீதி மய்யத்திற்கு ஆதரவு தாருங்கள்.

இவ்வாறு அவர் கூறினார்.

பிரசாரத்தில் ஏராளமான பெண்கள், நடிகர் கமல்ஹாசன் முகமூடி அணிந்து இருந்தது குறிப்பிடத்தக்கது.

தொடர்புடைய செய்திகள்

1. மயிலாடுதுறையை மாவட்டமாக அறிவிக்கக்கோரி 5 ஒன்றியங்களில் விழிப்புணர்வு பிரசாரம் மாவட்ட அமைப்புக்குழு சார்பில் நடந்தது
மயிலாடுதுறையை மாவட்டமாக அறிவிக்கக்கோரி 5 ஒன்றியங்களில் விழிப்புணர்வு பிரசாரம் மாவட்ட அமைப்புக்குழு சார்பில் நடந்தது.
2. கமல்ஹாசனுக்கு எதிரான வழக்கு அக்டோபர் 15-ந்தேதிக்கு ஒத்திவைப்பு: டெல்லி கோர்ட்டு உத்தரவு
இந்துக்களின் மனதை புண்படுத்தும் வகையில் பேசியதாக, கமல்ஹாசனுக்கு எதிராக தொடரப்பட்ட வழக்கை வருகிற அக்டோபர் 15-ந்தேதிக்கு ஒத்திவைத்து டெல்லி கோர்ட்டு உத்தரவிட்டது.
3. புதிய கல்வி கொள்கையை திரும்ப பெறக்கோரி மார்க்சிஸ்ட் கம்யூனிஸ்டு கட்சியினர் தெருமுனை பிரசாரம்
புதிய கல்வி கொள்கையை திரும்ப பெறக்கோரி மார்க்சிஸ்ட் கம்யூனிஸ்டு கட்சியினர் தெருமுனை பிரசாரம் முத்துப்பேட்டையில் நடந்தது.
4. திருமணிமுத்தாறு-காவிரி உபரிநீர் திட்டத்தை நிறைவேற்றக்கோரி இருசக்கர வாகன பிரசாரம்
திருமணிமுத்தாறு-காவிரி உபரிநீர் திட்டத்தை நிறைவேற்றக்கோரி நேற்று மார்க்சிஸ்ட் கம்யூனிஸ்டு கட்சி சார்பில் இருசக்கர வாகன பிரசாரம் நடைபெற்றது.
5. ‘‘அரசாங்கம் துரத்தும் படங்களை எடுத்து இருக்கிறோம்’’ பட விழாவில் கமல்ஹாசன் பேச்சு
ராஜேஷ் செல்வா இயக்கத்தில் விக்ரம் நடித்துள்ள புதிய படம் ‘கடாரம் கொண்டான்’. கமல்ஹாசன் தயாரித்துள்ளார். இந்த படத்தின் டிரெய்லர் வெளியீட்டு விழா சென்னையில் நடந்தது.