மாவட்ட செய்திகள்

திருமூர்த்தி அணையில் இருந்து 4–ம் சுற்றுக்கு தண்ணீர் திறக்க நடவடிக்கை எடுக்க வேண்டும்; கலெக்டர் அலுவலகத்தில், விவசாயிகள் மனு + "||" + From Thirumurthi Dam To open water to the 4th round should take action

திருமூர்த்தி அணையில் இருந்து 4–ம் சுற்றுக்கு தண்ணீர் திறக்க நடவடிக்கை எடுக்க வேண்டும்; கலெக்டர் அலுவலகத்தில், விவசாயிகள் மனு

திருமூர்த்தி அணையில் இருந்து 4–ம் சுற்றுக்கு தண்ணீர் திறக்க நடவடிக்கை எடுக்க வேண்டும்; கலெக்டர் அலுவலகத்தில், விவசாயிகள் மனு
திருமூர்த்தி அணையில் இருந்து 4–ம் சுற்றுக்கு தண்ணீர் திறந்து விட நடவடிக்கை எடுக்க வேண்டும் என்று கலெக்டர் அலுவலகத்தில் விவசாயிகள் கோரிக்கை மனு கொடுத்தனர்.

திருப்பூர்,

திருப்பூர் மாவட்ட கலெக்டர் அலுவலகத்தில் விவசாயிகள் ஒரு கோரிக்கை மனு கொடுத்தனர். அந்த மனுவில் அவர்கள் கூறியிருப்பதாவது:–

பரம்பிக்குளம்–ஆழியாறு பாசன திட்டம் மூலம் கோவை, ஈரோடு, திருப்பூர் உள்ளிட்ட மாவட்டங்கள் பயன்பெற்று வருகின்றன. இதன் மூலம் கிடைக்கும் தண்ணீரால் விவசாயிகள் விவசாயம் செய்து வருகின்றனர். இந்த நிலையில் தற்போது கோடை வெயிலின் தாக்கம் அதிகமாக இருந்து வருகிறது.

இதனால் விவசாயிகள் தண்ணீரின்றி தவித்து வந்து கொண்டிருக்கிறோம். பரம்பிக்குளம்–ஆழியாறு பாசன திட்டத்தில் திருமூர்த்தி அணையில் இருந்து 3–ம் மண்டலத்திற்கு 4–ம் சுற்றுக்கு தண்ணீர் திறந்து விடுவதற்கு அணையில் போதுமான அளவு தண்ணீர் இருக்கிறது.

இதனால் தண்ணீர் திறந்து விட வேண்டும் என்று பொதுப்பணித்துறை அதிகாரிகளிடம் கோரிக்கை விடுத்து வருகிறோம். இருப்பினும் அதிகாரிகள் தண்ணீர் திறந்து விடாமல் இருந்து வருகிறார்கள். காலதாமதம் செய்கிறார்கள். இதன் காரணமாக இந்த தண்ணீரை நம்பி விவசாயம் செய்துள்ள வெங்காயம் உள்பட காய்கறி பயிர்கள் பல கருகும் நிலையில் உள்ளன.

எனவே விவசாயிகளின் இந்த சூழ்நிலையை மாவட்ட கலெக்டர் புரிந்துகொண்டு உதவி செய்ய வேண்டும். கருகும் பயிர்களை காப்பாற்ற 3–ம் மண்டலத்திற்கு 4–ம் சுற்றுக்கு தண்ணீர் திறந்துவிட உடனே நடவடிக்கை எடுக்க வேண்டும்.

இவ்வாறு அதில் கூறப்பட்டுள்ளது.


தொடர்புடைய செய்திகள்

1. பெருமத்தூர் மாரியம்மன் கோவில் திருவிழாவை நடத்தக்கோரி கலெக்டர் அலுவலகத்தில் மனு
பெருமத்தூர் மாரியம்மன் கோவில் திருவிழாவை நடத்தக்கோரி கிராம மக்கள் கலெக்டர் அலுவலகத்தில் மனு அளித்தனர்.
2. தீவன சோளம்-தட்டைப்பயிறு உற்பத்தி செய்ய 100 சதவீத மானியத்தில் விதைகள் கலெக்டர் உமா மகேஸ்வரி தகவல்
தீவன சோளம் மற்றும் தட்டைப்பயிறு உற்பத்தி செய்ய 100 சதவீத மானியத்தில் விதைகள் வழங்கப்படும் என கலெக்டர் உமா மகேஸ்வரி தெரிவித்து உள்ளார்.
3. அமராவதி ஆற்றுநீர் செல்லும் வாய்க்கால்களின் கரைகளை பலப்படுத்தும் பணிகள் தீவிரம்
அமராவதி ஆற்றுநீர் செல்லும் வாய்க்கால் களின் கரைகளை பலப்படுத்தும் பணிகள் தீவிரமாக நடந்து வருகிறது.
4. கிசான் மன்தான் யோஜனா திட்டத்தின் கீழ் சிறு, குறு விவசாயிகளுக்கு ரூ.3 ஆயிரம் ஓய்வூதியம் கலெக்டர் தகவல்
கிசான் மன்தான் யோஜனா திட்டத்தின் கீழ் சிறு மற்றும் குறு விவசாயிகளுக்கு ரூ.3 ஆயிரம் ஓய்வூதியம் வழங்கப்படும் என கலெக்டர் சுரேஷ்குமார் தெரிவித்துள்ளார்.
5. குழித்துறையில் 2 ராணுவ வீரர்களை தாக்கிய போலீசார் மீது நடவடிக்கை கலெக்டர் அலுவலகத்தில் மனு
குழித்துறையில் 2 ராணுவ வீரர்களை தாக்கிய போலீசார் மீது நடவடிக்கை எடுக்கக்கோரி கலெக்டர் அலுவலகத்தில் மனு கொடுக்கப்பட்டுள்ளது.