மாவட்ட செய்திகள்

கொட்டாம்பட்டி அருகே திருமணமான 5-வது நாளில் புதுப்பெண் தற்கொலை; சாவில் மர்மம் இருப்பதாக போலீசில் புகார் + "||" + Near Kottampatti, New marriage woman suicide on the 5th day of after marriage

கொட்டாம்பட்டி அருகே திருமணமான 5-வது நாளில் புதுப்பெண் தற்கொலை; சாவில் மர்மம் இருப்பதாக போலீசில் புகார்

கொட்டாம்பட்டி அருகே திருமணமான 5-வது நாளில் புதுப்பெண் தற்கொலை; சாவில் மர்மம் இருப்பதாக போலீசில் புகார்
திருமணமான 5-வது நாளில் புதுப்பெண் விஷம் குடித்து தற்கொலை செய்துகொண்டார். சாவில் மர்மம் இருப்பதாக அந்த பெண்ணின் தந்தை போலீசில் புகார் அளித்துள்ளார்.
கொட்டாம்பட்டி,

மதுரை மாவட்டம் கொட்டாம்பட்டி அருகே வெள்ளாலபட்டி கிராமத்தை சேர்ந்தவர் ஒய்யப்பன், விவசாயி. இவருடைய மகள் ராஜலட்சுமி (வயது 24). இவருக்கும், சிவகங்கை மாவட்டம் எஸ்.வி.மங்கலத்தை சேர்ந்த வெள்ளைச்சாமி மகன் வீரபாண்டி (27) என்பவருக்கும் கடந்த 10-ந்தேதி திருமணம் நடந்தது. திருமணமான நாளில் இருந்து கணவன்-மனைவி இடையே கருத்துவேறுபாடு இருந்து வந்ததாக கூறப்படுகிறது.


இந்தநிலையில் நேற்று முன்தினம் கணவன்-மனைவி இடையே வாக்குவாதம் ஏற்பட்டதாக தெரிகிறது. இதனால் ராஜலட்சுமியை வீரபாண்டியும், அவரது தந்தையும் வெள்ளாலபட்டியில் உள்ள அவரது வீட்டில் விட்டுவிட்டு சென்றுள்ளனர்.

இதற்கிடையே அவர்கள் விட்டுச் சென்ற சிறிது நேரத்தில் வீட்டின் அருகில் உள்ள தோட்டத்திற்கு ராஜலட்சுமி சென்றுள்ளார். சந்தேகம் அடைந்த ராஜலட்சுமியின் தாய் பூஞ்சோலை, தோட்டத்திற்கு சென்று பார்த்தபோது விஷம் குடித்த நிலையில் ராஜலட்சுமி மயங்கி கிடந்தார். இதனால் மகளின் நிலை கண்டு கதறிய பெற்றோர், அவரை மீட்டு சிகிச்சைக்காக மேலூர் அரசு ஆஸ்பத்திரிக்கு கொண்டு சென்றனர். ஆனால் செல்லும் வழியிலேயே ராஜலட்சுமி பரிதாபமாக இறந்துபோனார். இதையடுத்து அவரது உடல் பிரேத பரிசோதனைக்காக மேலூர் அரசு ஆஸ்பத்திரியில் வைக்கப்பட்டுள்ளது.

இந்த தற்கொலை குறித்து கொட்டாம்பட்டி போலீசார் வழக்குப்பதிவு செய்து விசாரணை நடத்தி வருகின்றனர். மேலும் தனது மகளின் சாவில் மர்மம் இருப்பதாக ராஜலட்சுமியின் தந்தை ஒய்யப்பன், போலீஸ் நிலையத்தில் புகார் அளித்துள்ளார். அதன்பேரிலும் போலீசார் விசாரித்து வருகின்றனர்.

திருமணமான 5-வது நாளில் புதுப்பெண் தற்கொலை செய்து கொண்ட சம்பவம் அப்பகுதியில் சோகத்தை ஏற்படுத்தியுள்ளது. இதுதொடர்பாக மேலூர் கோட்டாட்சியர் சிவகாமி விசாரணை நடத்தி வருகிறார்.

தொடர்புடைய செய்திகள்

1. க.பரமத்தி அரசு மேல்நிலைப்பள்ளி முன்னாள் மாணவர்கள் விலையில்லா மடிக்கணினி கேட்டு போலீசில் புகார்
க.பரமத்தி அரசு மேல்நிலைப்பள்ளி முன்னாள் மாணவர்கள் விலையில்லா மடிக்கணினி கேட்டு போலீசில் புகார் கொடுத்தனர்.
2. 2 மகள்களுடன், தூக்குப்போட்டு பெண் தற்கொலை
பெங்களூருவில், கள்ளத்தொடர்பை கைவிட கணவர் மறுத்ததால் மனம் உடைந்த பெண் தனது 2 மகள்களுடன் தூக்குப்போட்டு தற்கொலை செய்து கொண்டார்.
3. சமூக ஆர்வலருக்கு கொலை மிரட்டல் புகார்: நடவடிக்கை எடுக்காத சப்-இன்ஸ்பெக்டர் பணியிடை நீக்கம்
சமூக ஆர்வலருக்கு கொலை மிரட்டல் விடுத்த விவகாரத்தில் நடவடிக்கை எடுக்காத மாயனூர் போலீஸ் சப்-இன்ஸ்பெக்டரை பணியிடை நீக்கம் செய்து திருச்சி சரக டி.ஐ.ஜி. பாலகிருஷ்ணன் உத்தரவிட்டார்.
4. தற்கொலையை தவிர்ப்போம்
தற்கொலை என்பது குற்றமா? அல்லது தனிப்பட்டவர்களின் உரிமையா? என்ற கேள்விக்கு உச்சநீதிமன்றம் ஏற்கனவே விடைகொடுத்து விட்டாலும் தற்கொலை தீர்வா? பிரச்சினைகளின் தொடக்கமா? அதைத் தவிர்க்க முடியுமா? தடுக்க முடியுமா? என்ற கேள்விகளுக்கு விடை தேடுவதுதான் இந்தக் கட்டுரையின் நோக்கம்.
5. சேலத்தில் ரெயில் முன்பாய்ந்து தச்சு தொழிலாளி தற்கொலை
சேலத்தில் ரெயில் முன்பாய்ந்து தச்சு தொழிலாளி தற்கொலை செய்து கொண்டார். உறவினர்கள் கடனை திருப்பி கொடுக்காததால் இந்த விபரீத முடிவை அவர் எடுத்தது போலீஸ் விசாரணையில் தெரியவந்துள்ளது.