<
மோகனூர் அருகே கார் மோதி மூதாட்டி சாவு டிரைவர் கைது
மோகனூர் அருகே, சாலையை கடக்க முயன்ற போது மூதாட்டி கார் மோதி இறந்தார். இது தொடர்பாக கார் டிரைவர் கைது செய்யப்பட்டார்.
மோகனூர்,
மோகனூர் அருகே உள்ள என்.புதுப்பட்டியை சேர்ந்தவர் பெருமாள். இவருடைய மனைவி எல்லம்மாள் (வயது 60). இவர் நேற்று முன்தினம் இரவு என்.புதுப்பட்டியில் நடைபெற்ற வாரச்சந்தைக்கு சென்றுவிட்டு வீட்டுக்கு செல்ல சாலையை கடக்க முயன்றார்.
அப்போது நாமக்கல்லில் இருந்து திருச்சி நோக்கி வந்த ஒரு கார் மூதாட்டி மீது மோதியதில், தூக்கி வீசப்பட்டு பலத்த காயமடைந்த அவரை அருகில் இருந்தவர்கள் மீட்டு ஆம்புலன்ஸ் மூலம் நாமக்கல் அரசு ஆஸ்பத்திரிக்கு கொண்டு சென்றனர்.
அங்கு அவரை பரிசோதனை செய்த டாக்டர்கள், அவர் வரும் வழியிலேயே இறந்து விட்டதாக தெரிவித்தனர். இதையடுத்து எல்லம்மாளின் உடல் பிரேத பரிசோதனைக்கு அனுப்பி வைக்கப்பட்டது.
இதுகுறித்து அவரது மகன் சரவணன் (39), மோகனூர் போலீசில் கொடுத்த புகாரின் பேரில் சப்-இன்ஸ்பெக்டர் ஜான்பாஷா வழக்குப்பதிவு செய்து கார் டிரைவர் சுரேஷ்குமார் (39) என்பவரை கைது செய்து விசாரணை நடத்தினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
