மாவட்ட செய்திகள்

செந்துறை அருகே டாஸ்மாக் கடையை மூடக்கோரி பெண்கள் போராட்டம் + "||" + Women's struggle to close the Tasmag shop near Vembanadu

செந்துறை அருகே டாஸ்மாக் கடையை மூடக்கோரி பெண்கள் போராட்டம்

செந்துறை அருகே டாஸ்மாக் கடையை மூடக்கோரி பெண்கள் போராட்டம்
செந்துறை அருகே டாஸ்மாக் கடையை மூடக்கோரி பெண்கள் போராட்டத்தில் ஈடுபட்டனர்.
செந்துறை,

அரியலூர் மாவட்டம், செந்துறை அருகே உள்ள பொன்பரப்பியில் கடந்த பல ஆண்டுகளாக அரசு டாஸ்மாக் கடை இயங்கி வந்தது. இந்த நிலையில் தேசிய நெடுஞ்சாலையில் உள்ள டாஸ்மாக் கடைகளை மூட வேண்டும் என்று உச்ச நீதிமன்றம் தீர்ப்பளித்தது. அதனை தொடர்ந்து அந்த கடையை மூடிய டாஸ்மாக் நிர்வாகம் பொன்குடிக்காடு கிராமத்தில் உள்ள விவசாய நிலப்பகுதியில் புதிய கடை திறக்க முயற்சி செய்தது. அதனை அப்பகுதி பெண்கள் போராட்டம் நடத்தி மூடினார்கள். அந்த போராட்டத்தை தொடர்ந்து அருகே உள்ள சிறுகளத்தூர் கிராமத்தில் அப்போது மக்களின் எதிர்ப்பையும் மீறி விவசாய நிலத்தில் புதிதாக கட்டிடம் கட்டப்பட்டு டாஸ்மாக் கடை திறக்கப்பட்டது.



இந்த நிலையில் நேற்று மதியம் திடீரென டாஸ்மாக் கடை முன்பு திரண்டு அப்பகுதி பெண்கள் டாஸ்மாக் கடையை மூடக்கோரி போராட்டத்தில் ஈடுபட்டனர். இதுகுறித்து தகவல் அறிந்த அரியலூர் துணை போலீஸ் சூப்பிரண்டு இளஞ்செழியன், செந்துறை போலீசார் மற்றும் வருவாய்த்துறையினர் விரைந்து வந்து போராட்டக்காரர்களை தடுக்க முயன்றனர். ஆனால் அதையும் மீறி டாஸ்மாக் கடை முன்பு திரண்ட பெண்கள் டாஸ்மாக் கடையை சூறையாட முயன்றனர். பெண்களின் ஆவேச போராட்டத்தை தொடர்ந்து டாஸ்மாக் கடை தற்காலிகமாக மூடப்பட்டது. தொடர்ந்து போராட்டத்தில் ஈடுபட்டவர்களிடம் போலீசார், அதிகாரிகள் பேச்சுவார்த்தை நடத்தினர். இதுகுறித்து அப்பகுதி பெண்கள் கூறுகையில், இந்த டாஸ்மாக் கடையால் தான் பொன்பரப்பியில் கலவரம் ஏற்பட்டது. இப்பகுதி பெண்கள் இரவு நேரங்களில் நடமாட முடியவில்லை. விவசாய நிலங்களுக்கு செல்ல முடியவில்லை.

விவசாய பகுதிகளில் ஆங்காங்கே மதுப்பிரியர்கள் குடித்து விட்டு பாட்டிலை அங்கேயே போட்டு உடைப்பதோடு அங்கு வரும் பெண்களையும் ஆபாசமாக பேசுகின்றனர். இந்த கடை வந்த பின்னர் இப்பகுதியில் 10–க்கும் மேற்பட்ட இளைஞர்கள் மதுவால் உயிரிழந்துள்ளனர். ஆகையால் இந்த டாஸ்மாக் கடையை நிரந்தரமாக மூட வேண்டும். இல்லை என்றால் மிகப்பெரிய போராட்டத்தில் ஈடுபடப் போவதாக தெரிவித்துவிட்டு கலைந்து சென்றனர்.

இதனால் அப்பகுதியில் பெரும் பரபரப்பு ஏற்பட்டது.

தொடர்புடைய செய்திகள்

1. ராசிபுரத்தில் லாரிகளை சிறைபிடித்து பொதுமக்கள் போராட்டம்
ராசிபுரத்தில் லாரிகளை சிறைபிடித்து பொதுமக்கள் போராட்டத்தில் ஈடுபட்டனர்.
2. கடலூர், சிதம்பரம், குறிஞ்சிப்பாடியில் விவசாய தொழிலாளர்கள் மனு கொடுக்கும் போராட்டம்
கடலூர், சிதம்பரம், குறிஞ்சிப்பாடியில் விவசாய தொழிலாளர்கள் மனு கொடுக்கும் போராட்டம் நடத்தினர்.
3. சீன அதிபர் வருகைக்கு எதிர்ப்பு : 3 பெண்கள் உள்பட 11 திபெத்தியர்கள் கைது
சீன அதிபர் வருகைக்கு எதிர்ப்பு தெரிவித்து சென்னை விமான நிலையத்தில் போராட்டம் நடத்த முயன்ற 3 பெண்கள் உள்பட 11 பேர் கைது செய்யப்பட்டனர்
4. பயிர் காப்பீட்டு தொகை வழங்கக்கோரி திருவாரூர் கலெக்டர் அலுவலகத்தை முற்றுகையிட்டு போராட்டம்
பயிர் காப்பீட்டு தொகை வழங்கக்கோரி திருவாரூர் கலெக்டர் அலுவலகத்தை தமிழக காவிரி விவசாயிகள் சங்கத்தினர் முற்றுகையிட்டு போராட்டத்தில் ஈடுபட்டனர்.
5. மின் வாரிய ஒப்பந்த ஊழியர்கள் திருச்சியில் மறியல் போராட்டம் 1,140 பேர் கைது
பணி நிரந்தரம் உள்ளிட்ட கோரிக்கைகளை வலியுறுத்தி திருச்சியில் மின் வாரிய ஒப்பந்த ஊழியர்கள் மறியல் போராட்டம் நடத்தினார்கள். அவர்களில் 1,140 பேரை போலீசார் கைது செய்தனர்.

ஆசிரியரின் தேர்வுகள்...