மாவட்ட செய்திகள்

வேடசந்தூர் அருகே கிராமங்களில் தினமும் இரவு 2 மணி நேரம் மின்தடை திருட்டு பயத்தால் பொதுமக்கள் தவிப்பு + "||" + 2 hours daily residences in villages People are afraid of theft

வேடசந்தூர் அருகே கிராமங்களில் தினமும் இரவு 2 மணி நேரம் மின்தடை திருட்டு பயத்தால் பொதுமக்கள் தவிப்பு

வேடசந்தூர் அருகே கிராமங்களில் தினமும் இரவு 2 மணி நேரம் மின்தடை திருட்டு பயத்தால் பொதுமக்கள் தவிப்பு
வேடசந்தூர் அருகேயுள்ள கிராமங்களில் தினமும் இரவு 2 மணி நேரம் மின்தடை செய்யப்படுவதால், திருட்டு பயத்தால் பொதுமக்கள் தவிக்கின்றனர்.

வேடசந்தூர்,

வேடசந்தூர் அருகேயுள்ள விருதலைபட்டி, ரெங்கநாதபுரம், கல்வார்பட்டி மற்றும் எரியோடு சுற்றுவட்டார கிராமங்களில் தினமும் இரவு மின்தடை செய்யப்படுகிறது. இரவு 10 மணி முதல் நள்ளிரவு 12 மணி வரை தினமும் 2 மணி நேரம் மின்சாரம் தடை செய்யப்படுகிறது. கடந்த சில நாட்களாக தொடர்ந்து மின்தடை செய்யப்படுகிறது.

இங்குள்ள கிராம மக்கள் பெரும்பாலும் பகலில் கூலி வேலைக்கு சென்று விடுகின்றனர். இரவு தூக்கம் மட்டுமே அவர்களுக்கு கிடைக்கும் ஓய்வு ஆகும். ஏற்கனவே பகலில் வெயில் கொளுத்துவதால், இரவிலும் கடுமையான வெப்பம் நிலவுகிறது. இதற்கிடையே இரவு மின்தடை செய்யப்படுவதால், மின்விசிறியை இயக்க முடியாமல் நள்ளிரவு வரை தூங்காமல் மக்கள் தவிக்கின்றனர்.

ஏற்கனவே கிராமங்களில் ஆடு, கோழிகளை திருடும் சம்பவங்கள் அடிக்கடி நடக்கின்றன. சிலநேரம் பூட்டிய வீடுகளிலும் கொள்ளை நடக்கிறது. இதற்கிடையே மின்தடையால் தெருவிளக்குகள் எரியாமல், பல கிராமங்கள் இருளில் மூழ்கி விடுகின்றன. இது திருடர்களுக்கு மிகவும் வசதியாகி விடுகிறது. அதை பயன்படுத்தி திருட்டு சம்பவங்களை அரங்கேற்றி விடுவார்களோ, என்ற அச்சம் மக்களிடம் நிலவுகிறது.

இதனால் இரவு மின்தடை நேரத்தில் மக்கள் தூக்கமின்றி சிரமப்படுவதோடு, திருட்டு பயத்தாலும் தவிக்கின்றனர். கிராம மக்களின் அச்சத்தை போக்கும் வகையில் இரவுநேர மின்தடையை தவிர்க்க மின்வாரிய அதிகாரிகள் நடவடிக்கை எடுக்க வேண்டும் என்று சமூக ஆர்வலர்கள் கோரிக்கை விடுத்துள்ளனர்.


தொடர்புடைய செய்திகள்

1. விருதுநகரில் திருட்டுக்காரில் துப்பாக்கியுடன் திரிந்த 3 பேரை விரட்டிச் சென்ற போலீசார், பரபரப்பு தகவல்
திருட்டுக்காரில் நள்ளிரவில் துப்பாக்கியுடன் திரிந்த 3 பேரை போலீசார் விரட்டினர். பின்னர் அவர்கள் காரை நிறுத்திவிட்டு தப்பி ஓடிவிட்டனர். துப்பாக்கியும் கைப்பற்றப்பட்டது.
2. தடையின்றி குடிநீர் வினியோகம் செய்வதை கள ஆய்வு செய்ய வேண்டும்; அதிகாரிகளுக்கு கலெக்டர் உத்தரவு
விழுப்புரம் மாவட்டத்தில் தடையின்றி குடிநீர் வினியோகம் செய்வதை அதிகாரிகள் கள ஆய்வு செய்து உறுதி செய்ய வேண்டும் என்று கலெக்டர் சுப்பிரமணியன் உத்தரவிட்டுள்ளார்.
3. கடலூரில், முறைகேடாக குடிநீர் உறிஞ்ச பயன்படுத்திய 15 மின் மோட்டார்கள் பறிமுதல்; அலுவலர்களுடன் பொதுமக்கள் வாக்குவாதம்
கடலூரில், முறைகேடாக குடிநீர் உறிஞ்ச பயன்படுத்திய 15 மின் மோட்டார்களை நகராட்சி அலுவலர்கள் பறிமுதல் செய்தனர். அப்போது அவர்களுடன் பொதுமக்கள் வாக்குவாதம் செய்ததால் பரபரப்பு ஏற்பட்டது.
4. பாகிஸ்தான் அணிக்கு தடை கேட்டு கோர்ட்டில் மனு
இன்ஜமாம் உல்–ஹக் தலைமையிலான பாகிஸ்தான் கிரிக்கெட் அணியின் தேர்வு கமிட்டியை கலைக்க வேண்டும் என்று கூறியுள்ளார்.
5. குடும்பத்தகராறில் விபரீதம்; கணவன்- மனைவி தூக்குப்போட்டு தற்கொலை
ஓட்டேரியில் குடும்பத்தகராறில் கணவன்- மனைவி தூக்குப்போட்டு தற்கொலை செய்து கொண்டனர்.