மாவட்ட செய்திகள்

சங்க அலுவலகத்தை காலி செய்ய வலியுறுத்தி ஓய்வு பெற்ற போக்குவரத்து தொழிலாளர்கள் போராட்டம் + "||" + Employees to vacate the union office Retired Traffic Workers Struggle

சங்க அலுவலகத்தை காலி செய்ய வலியுறுத்தி ஓய்வு பெற்ற போக்குவரத்து தொழிலாளர்கள் போராட்டம்

சங்க அலுவலகத்தை காலி செய்ய வலியுறுத்தி ஓய்வு பெற்ற போக்குவரத்து தொழிலாளர்கள் போராட்டம்
சங்க அலுவலகத்தை காலி செய்ய வலியுறுத்தி ஓய்வு பெற்ற போக்குவரத்து தொழிலாளர்கள் போராட்டம் நடத்தினர்.

சேலம், 

சேலம் கோரிமேடு ஏ.டி.சி. நகரில் குடியிருக்கும் ஓய்வுபெற்ற போக்குவரத்து தொழிலாளர்கள் சிலர் நேற்று அந்த பகுதியில் உள்ள அரசு போக்குவரத்து கழக பணியாளர் வீடு கட்டும் சங்க அலுவலகத்தை முற்றுகையிட்டு போராட்டம் நடத்தினர். இது குறித்து அவர்கள் கூறும்போது, அரசு போக்குவரத்து கழகம் சார்பில் தொழிலாளர்கள் வீடு கட்டிக்கொள்ள கடந்த சில ஆண்டுகளுக்கு முன்பு கடன் வழங்கப்பட்டது. இந்த கடனை பெற்று நாங்கள் ஏ.டி.சி. நகர் பகுதியில் சொந்தமாக வீடு கட்டி வசித்து வருகிறோம். கடனை வசூலிப்பதற்காக, அரசு போக்குவரத்து கழக பணியாளர் வீடு கட்டும் சங்கம் தொடங்கப்பட்டு, இதன் அலுவலகம் குடியிருப்பு பகுதியில் அமைக்கப்பட்டது. தற்போது இந்த கடன் முழுவதும் வசூலிக்கப்பட்டு விட்டது.

எனவே சங்க அலுவலகத்தை காலி செய்யுமாறு நிர்வாகிகளிடம் நாங்கள் கோரிக்கை வைத்தோம். ஆனால் அவர்கள் இடத்தை காலி செய்யவில்லை. சங்க அலுவலகத்தை காலி செய்ய வலியுறுத்தி தற்போது முற்றுகை போராட்டத்தில் ஈடுபட்டு உள்ளோம் என்று கூறினர். இது குறித்து தகவல் அறிந்த அழகாபுரம் போலீசார் சம்பவ இடத்திற்கு சென்று போராட்டம் நடத்தியவர்களிடம் பேச்சுவார்த்தை நடத்தினர். அதன் பிறகு அவர்கள் போராட்டத்தை கைவிட்டனர்.


தொடர்புடைய செய்திகள்

1. சுல்தான்பேட்டை அருகே உயர் மின்கோபுரம் அமைக்க எதிர்ப்பு; 22 விவசாயிகள் கைது
சுல்தான்பேட்டை அருகே உயர் மின் கோபுரம் அமைக்க அளவீடு செய்ய எதிர்ப்பு தெரிவித்து முற்றுகை போராட்டத்தில் ஈடுபட்ட 22 விவசாயிகள் கைது செய்யப்பட்டனர். போராட்டத்தில் ஈடுபட்ட பெண் மயங்கியதால் பரபரப்பு ஏற்பட்டது.
2. தார்ச்சாலை அமைக்கக்கோரி யூனியன் அலுவலகத்திற்கு கிராம மக்கள் பூட்டுபோடும் போராட்டம்
கல்லல் – குருந்தம்பட்டு சாலையை தார்ச்சாலையாக மாற்றக்கோரி கிராம மக்கள் சார்பில் யூனியன் அலுவலகத்தை பூட்டு போடும் போராட்டத்தில் ஈடுபட முயன்றனர்.
3. பட்டா மாறுதல் கேட்டு தாலுகா அலுவலகம் முன்பு படுத்து முதியவர் தர்ணா
பட்டா மாறுதல் செய்துதரும்படி வருவாய் கோட்டாட்சியர் உத்தரவிட்டும் தாலுகா அலுவலகத்தினர் செய்துதராததை கண்டித்து முதியவர் ராமநாதபுரம் தாலுகா அலுவலகம் முன்பு படுத்து நூதனமுறையில் தர்ணா போராட்டத்தில் ஈடுபட்டார்.
4. நிலுவை சம்பளத்தை வழங்கக்கோரி பாசிக் ஊழியர்கள் தொடர் தர்ணா போராட்டம்
நிலுவை சம்பளத்தை வழங்கக்கோரி பாசிக் ஊழியர்கள் தொடர் தர்ணா போராட்டத்தில் ஈடுபட்டனர்.
5. மணல் குவாரியை மூடக்கோரி பெண்கள் தர்ணா போராட்டம்
காரியாபட்டி அருகே கிழவனேரி கிராமத்தில் மணல் குவாரியை மூடக்கோரி தாலுகா அலுவலகத்தில் மகளிர் குழுவினர் தர்ணா போராட்டம் நடத்தினர்.